حبيت الوعد من حبي للرعد

البارت الحادي عشر

مر شهر ماتغير شيء الوعد بغرفتها وطول ذا الشهر وماحد شافها غير الرعد وعيال فهد
والجوهره وسعد صاروا مقربين من بعض مره
.............................
في بيت ابو سعد:
سعد: يبه ودي اتزوج
ابو سعد: والله وهذي الساعه المباركه
ام سعد بفرحه: ابشر والله ان تجيك اجمل واسنع زوجه
سعد بإبتسامه وهو يلعب بفنجان القهوه: مايحتاج
ابو سعد قطب: كيف مايحتاج اجل كيف بتتزوج من الجدار ومادرينا؟
اديم وسلمى وعبد العزيز ماتو ضحك
ام سعد: ببالك حد
سعد: اي.... الجوهره بنت عمي السيف
ابو سعد برد وجهه: لا
سعد قطب: وشو لا يبه
ابو سعد: زواج من الجوهره مافيه
سعد بصدمه: يبه ليه؟ وش فيها الجوهره؟
ام سعد بصدمه وهي يلي حبت اهل السيف
ام سعد بصدمه: وشو؟ وش تقول انت؟ وش الي مافيه زواج من الجوهره شزينها الجوهره ادب وسنع وجمال واخلاق وغير ذا ذكيه ومحترمه
ابو سعد بهدوء: مانبي من اهل السيف
ام سعد بعصبيه: نعمم ذا اخوكك وش الي مانبي من اهل السيف لا والله ولدي سعد ماياخذ الا الجوهره
ابو سعد: عايشين بإيطاليا ماتدرون مع من كانو يهيتون ويطلعون ماتدرون وش يسوون واكبر دليل الوعد والي صار لها قبل شهر
سلمى بصدمه: يبه بس الوعد بريئه وذاك اخوها
ابو سعد لف لها: اي هذا اخوها اجل شدراك بغيره؟
ام سعد وهي تمسك راسها: يارب صبرك يااارب صبرك انت وش تهرج انت تدري وش تقول؟ انت قاعد تتهم بنت اخوك!
ابو سعد تنهد: استغفر الله استغفر الله خلاص سوو الي تبون
اديم بحزن: يبه ليه تفكر بعيال اخوك كذا؟
ابو سعد تنهد وهو يدري انه مافي انقى واجمل واشرف من بنات اخوه السيف لكن بنظره هم عايشين ببلد اجنبي اكييد مسويين اغلاط
سعد: يعني بتخطبها لي يايبه؟
ابو سعد: ان شاء الله
سعد فز يبوس راسه وراس امه: الله يطول بأعماركم.... متى نروح
ابو سعد بقق عيونه: اركد لابارك الله فيك اركد لا والله اهفك بالدله الحين
سعد بخرشه: تم والله انه تم
سلمى فطست ضحك وفزت يوم ابوها رماها  بالفنجان
........................
عند الوعد
الوعد بملل: قوم يارائد  من وجهي
رائد: تكفيننن خلاص صارلك شهر
الوعد: وإذا؟
رائد بعصبيه: وش الي اذا خلاص ترا زودتيها كل يوم وهم ناطين عند الباب عشان تسامحينهم وانتي مسويه مب مهتمه ترا كبرتيها وهي صغيره
الوعد رفعت راسها بصدمه
الوعد بصدمه وعتب: ان اهلك يلي تربيت معهم يفكرون فيك بذيك الطريقه شيء سهل؟ انك تنظلم من ناس هم اهلك شيء سهل؟ اكييد اصلا انت ماعشت الا انا شفته! مامسكك فهد وضربك وداس ببطنك قدام الكل! وبالاخير تطلع مظلوم! ماشفت اخوانك يلي ياما كانو يقولون حن سندك... وكملت بغصه... ماعشت الي عشته يارائد وعساك ماتعيشه ماشفت نظراتهم لي انت ماشفتها نظراتهم كلها كانت كراهيه وحقد وإشمئزاز....وقالت بصوت باكي وهي تنزل راسها ودموعها تنزل...ان ابوك يلي ياما كنت تشوفه سندك يقول انه مايتشرف فيك ك ولد له ولا اهلك الي اول مالقو شيء ماصدقو على الله يغلطوك فيه ماكلفو نفسهم حتى يسألوني اذا ذا شيء صدق او لا نزلت لهم وابتسامتي مافارقتني كنت... كنت اقول اني بنزل وبقول لهم عن يومي الدراسي والمديره والي سوته فيني كنت بقولهم عن الكلام يلي يقولوه عني كنت بقولهم عن شعوري ك اول يوم لي بمدرسه في ديرتي لكن ماعطوني فرصه خفت عليهم لا يصيبهم شيء من وجيههم وبكاء امي واخواتي احسب صاير شيء......وكملت بضحكه سخريه......هه لكن ويني ووين ذا الكلام انا بالشرق وهو بالغرب
رائد بندم: الوﻋ...
الوعد بهدوء: اطلع برا
رائد: بس..
الوعد: تكفى اطلع ماودي اوجعك
تنهد رائد وطلع
ونزل ولقا كل اعمامه قاعدين فز هايف وهو يقول
هايف: هاه عساه خير
تنهد رائد بضيق وهو يمد لهم الجوال يلي كان مسجله بطلب من ابوه
فهد: عطني
شغله فهد وقرصه قلبه وهو يسمع شهقات وكلام اخته
سعود وقف بحزن
يزيد: وين
سعود وهو يمشي: للوعد
يزن: مارح تفتح لك
سعود: بحاول فيها
الكل وقفوا وراحو لغرفه الوعد سعود دق الباب
سعود بحنيه: وعد... حبيبي تكفين افتحي الباب... اشتقت لك اشتقت لإبتسامتك اشتقت لمحارشاتك مع رائد وثامر وفيصل وجمانه... اشتقت تقولين لي سعودي اشتقت تقولين لي يالفريق الاول بجيش قلبي... اشتقت لك ولضحكتك ولفهاوتك اشتقت لكل شيء فيك
الوعد بهدوء وغصه: روح ياسعود مافيه فايده من قعدتك هنا ماني فاتحه
يزيد بعناد وهو يقعد ويتربع: والله مااتحرك لين تفتحيه
ويزن: وانا بعد
ولحقهم فهد وهايف وفيصل ورائد وثامر وسعود
هايف: اناادري ان راسك يابس لكن والله انك ماتعرفين راسي ان يبس...... وكمل وهو يقول بحنين: تدرين اشتقت لكلمتك لي (ياعقيد روحي) متى بترجعين لنا حن غلطنا والانسان مب معصوم عن الخطأ
يزيد بحزن: متى تجيني وتقولين لي يامحامي دنيتي فكني من رائد؟
يزن: اخخ اشتقت لك اشتقت ل لقبي منك اشتقت تجيني وتقولين لي طياري ابيك تسفرني ل روسيا
فهد: متى تقولين لي استاذ فهد ارفق فينا شوي وتقعدين تسويين حركات وانا افهمك دروسك
ثامر: حشى كلكم معكم القاب وانا وش لقبي
فيصل وهو يكتم ضحكته: ثور فهد
ثامر بغيض: اييهه اجل انت وشو حمار احلام
رائد: ويلللمككك يالكلب لاتقول اسم امي
ثامر: اهجد تراها بعد امي
ضحكت الوعد على ذكرياتهم
وضحكو كلهم يوم سمعو ضحكتها
فهد: لا خلى ولا عدم
الرعد جاء وهو مستغرب ووقف عندهم: اشبكم منزرعين هنا؟
يزن: ننتضر الاذن عشان ندخل
ثامر بمزح: مالكم ف الطويله يالرعد جايينكم وطالبين القرب وعساكم ماتردونا نبي بنتكم ع سنة الله ورسوله
الرعد بضحكه: اقول توكلو مالكم بنتٍ عندنا
رائد: اشبك قلبت خطابه
ثامر بمزح واستهبال: والله اني عرفت ان فيه ناس جايين يتقدموا لها ف قلت والله البنت ماهي الا لولدي
فيصل بمزح بعد: اخسس زارتنا ام زكي ولا حد ضيفها مالت عليكم
الكل فطس ضحك
ابتسمت الوعد وهي مشتاقه لأخوانها مشتاقه لحنيتهم لها ولكل شيء تنهدت وهي تتذكر قسوتهم عليها وكلامهم لها ونظراتهم ماتقدر تتجاهل ماتقدر هذا الشيء فوق طاقتها فوقها بكثييير
تنهدت وهي تسند بضهرها ع الباب وتسمع سوالفهم
سعود حس بحركه ف الباب ولف بسرعه وقال: وعودي حبيبي انتي هنا فيك شيء تكفين افتحي الباب طالبك يالوعد وربي يكفينا تعذبنا وابوي كل ماجلسنا وكل ماقلنا شيء يبكي اذا مالقاك تكفين يالوعد ارحمينا
الكل فزو
هايف وهو يحط يدينه ع الباب: طالبك يالوعد لا تتركينا طالبك تعطينا فرصه تكفين
الوعد بغصه: مقدر سامحوني اسفهه لكن اني اسامحكم هذا الشيء فوق طاقتي م اقدر انتم عطيتوني جرح عمره مابينجبر انتو تركتوني ل جور الايام
يزيد فز: ناخيك لاا تكسرينا يالوعد
يزن بغصه: لا تلوين ذراعنا فيك يالوعد لا تكسرينا فيك انتي سعادتي في دنيتي لا توجعيني فيك طالبك
........................
في المجلس
ابو فلاح: لين الحين الوعد حابسه نفسها بغرفتها
ابو فهد تنهد بضيق: ماضنتي تسامحنا
شروق بحزن: توقعت تزعل يوم يومين ماتوقعت بتقعد شهر
شوق بحزن وغضب خفيف: و وش متوقعين بتجي لكم وتقول سامحوني لا انتو غلطتوا تحملو غلطكم
ام فلاح: والله اني اشتقت لها احس البيت ضيق بدونها
ام فهد بدموع: يااارب حنن قلبها علينا
الكل: امينن
سعد يدق ابوه وبهمس: يبه متى بتخطبها بسرعه
ابو سعد تنهد: ياارب صبرك.........يالسيف ياخوي والله ان حن طالبين القرب وودي ب بنتك الجوهره ل ولدي سعد زوجة ع سنة الله ورسوله
ابتسم ابو فهد: والله وهذي الساعه المبارك وسعد ولد خير والنعم فيه وانا بالنسبه لي موافق لكن الشور شور البنت بالنهايه
ابو سعد: معليه لازم راي البنت
الجد بإبتسامه: والله وكبرت ي سعد وببتزوج
سعد ابتسم
الجد ناظر عبد العزيز: عقبالك ياولدي
عبد العزيز بإبتسامه وهو يلي طرت بباله الوعد: إن شاء الله
ابو فهد: ناصر ياولدي قم نادي لي الجوهره
ناصر: ابشر
قام ناصر ونادا الجوهره
الحوهره وهي تحط الشيله ع راسها: سم يايبه... امرني تبي شيء... ناقصك شيء
ابو فهد ابتسم: لا يابنتي بس ابي اقول لك شيء وتأكدي ان هذا قرارك وماحد بيجبرك ع شيء
الجوهره بإستغراب: ايش فيك يايبه
ابو فهد وهو يمسح ع راسها: سعد ولد عمك تقدم لك.. انتي موافقه؟
الجوهره انحرجت: الشور شورك يايبه
ابو فهد: انتي بتتزوجي مهو انا تبينه ولا لا؟
الجوهره: انت وش رايك يايبه؟
ابو فهد: والله سعد رجال والنعم فيه كامل والكمال لله ادب واخلاق وزين وكل شيء
الجوهره بإحراج: اجل شورك وهداية الله
ابو فهد لف ل سعد وقال بإبتسامه: جاتك الجوهره ياسعد
........................................................................
انتهى
طبعا البارت قصير اسفه بس حسيت اني سحبت وقلت انزل ولو شوي وبكره اكمل لكم وكبعا اسفه لاني مانزلت الايم الي قبل بس والله كان عندي اختبار واهلي سحبو الجوال عاد تعرفون الاهل وخوفهم😭
لا تنسزو النجمه وتدعموني وبس احبكم