حبيت الوعد من حبي للرعد

البارت الخامس عشر.

الوعد بحزن: خلاص يقلبي والله انها ماتسواك ولا تستاهلك انت كنت كثير عليها لا تبكي عشانها

ناصر وهو يشد عليها ويبكي اكثر: يالوعد انا بأيش قصرت معها والله عطيتها كل شيء تبيه اعطيتها كل شيء حد يتمناه عطيتها قلبي وروحي ومشاعري اعطيتها قلب يتمناه الف شخص وعطتني جرح مايعالجه افضل طبيب

الوعد حست وكانها سكاكين تطعنها حست بقلبها يتقطع لمليون قطعه انكسرت كسر ماينجبر وهي تشوف اخوها مكسور ومخذول من الحب للحظه تمنت الحزن فيها ولا فيه لكن هل كانت تعرف القدر وش مخبي لها؟! ماكانت تعرف ان انكسار ناصر من مها ولا شيء قدام الشيء يلي بتعيشه

الوعد وهي تبكي: ياناصر طلبتك لا تبكي والله انك كثير عليها وعلى الي خلفوها هي ماتسواك طلبتك ياناصر ان كان لي معزه بقلبك لا تبكي عليها طلبتك يانظر عيني

ناصر بهدوء ودموع: ابي انام خلاص تعبت من الدنيا ومافيها

الوعد بخوف: ﻧ...ﻧ...ناصر وش تقول مو من جدك مب عشان مها بتخلينا كلنا شوف شوف هذا ابوي وامي وفهد اخوي وعياله وانا والجوهره وديما والرعد ويزيد ويزن وجدي وعمي سالم وعمي محمد كلنا نبيك ونحبك مارح تخلينا عشان وحده ماتستاهلك

ابتسم ناصر وهو فعلا اتأكد ان مها ماتستاهله دايم كان يقول انه مقصر معها لكن وين
الرعد تقدم وقال بحزن وهو يضم ناصر

الرعد بحزن: الين متى ياناصر قلي الين متى بتقعد تلوم نفسك على شيء مالك ذنب فيه ياناصر انت ماغلطت معها انت غلطك انك عطيتها اكبر من حجمها تكفى ياناصر

ناصر ابتسم لهم وهو يشوف الوعد والرعد وحنيتهم وخوفهم عليه وقال بنفسه: فعلا اخواني سندي

ناصر: تكفين يالوعد ابي انام بحضنك دفيني بحنانك تكفين

الوعد: غالي والطلب رخيص
فزو عيال السيف وعيال فهد وهم يقولون حن بعد فينا نوم

محمد بخرشه: وش ياكذابين والله انكم كذابين

يزيد: انكتم لك كتمه تكتمك ان شاء الله

محمد بشهقه: وشووو بسم الله عليي

يزن: تكفين يالوعد

الوعد: تمام

الكل صرخ بفرحه جلست الوعد وتربعت ونام فوقها ناصر والرعد برجل ويزيد وسعود برجل الثانيه والباقين انسدحوا جمبها وبدت الوعد تلعب بشعر ناصر وسعود لين ناموا ومسكت الرعد ويزيد ولعبت بشعورهم بحنيه لين الكل نام الوعد حست انها تبي تنام غمظت عيونها وماهي الا ثواني ونامت الكل كانو يناظرون للوعد وحنيتها وكيف انها مستحيل ترد حد
شوق وهي تصورهم: وهههه يزينهمممممم يهبلونن ولفت للسيف تكفى يالسيف ابيهممم من وين جايبهم

صالح: من المول في ايطاليا كان والله عليهم تخفيض نص السعر وقال والله حلو وشراهم..... انتي صاحيه انتي ولا حد صفقك براسك ولا وش بالضبط

الكل فطسوا ضحك

شوق بطرف عين: مرره تضحك تصدق؟

صالح وهو يبي يفحرها: ادري ماكان يحتاج تعلميني

شوق: اععععععععععععع ياخي انت من مسلطك عليي

صالح: اممم الله يعلم من تتوقعين؟ يمكن لين وفز ينحاش وهو فاطس ضحك يوم انه شاف شوق ماسكه الحذيان تبي ترميه

الكل كانو فاطسين ضحك
...../
......./
|بعد مرور شهرين|في بيت السيف|

يزيد وهو يحط فنجان قهوته: والله يايبه تراني ابا اتزوج

الكل فزو بصدمه
الوعد: وشهووو وجععع ليه ماتعلمنيي

يزيد بضحكه: هذاني علمتكم

الوعد: لا يشيخ احلف بس

يزيد: والله

ابو فهد: ومن هي ذي؟

يزيد بإبتسامه: اديم بنت عمي سالم

ابو فهد بإبتسامه: والله وعرفت تختار ياولدي

ام فهد: اي بالله

ابو فهد وهو يوقف: يلا ياولدي نروح نخطبها لك

يزيد بصدمه: الحينه؟

ابو فهد: ايهه ولين متى ننتظر لين يجي حد وخذاها

الوعد: والله لاجي معكم

ابو فهد: طيب

في بيت ابو سعد الكل كانو مشتطين وهم يلي وصل لهم خبر ان ابو فهد بيجيهم

الجوهره: غريبه ماعلمني ابوي وش يبي؟

سلمى: اكيد فيها سالفه فيه ان بالموضوع