-بعد اسبوع-
وقت الظهر
في بيت ابو مشاري و تحديداً يوم عرس مشاري :
كانوا البنات متجمعين في بيت نعيمة و هذي عادتهم يتجمعون في بيت اصحاب المناسبة
نوره: لجين وش شعورتس
لجين: الصراحة كنت بزعل بس تذكرت ان مشاري بيجلس عندنا ماهو رايح هههههههه
جمانه: والله ماني متخيلة انه بيجي يوم و ابعد عن حمد من غير شر احس ما اقدر على فرقاه
لجين: عاد انتِ حالة خاصة فَ صراحةً ما الومتس
نوره: لا انا انتظر النحشة من اخواني بأسرع وقت
جمانه بضحك: انتِ صدق اللي حالتتس خاصة ماهو انا
-في غرفة مشاري-
ناصر دخل عليه : حي الله المعرس
مشاري: مستعجل الأخ ههههه
ناصر بهِيام: ايه والله احتريك تعرس عشان يجي دوري
مشاري بضحك: يالبزر يعني ما انت متأثر بروحتي
ناصر: وش ابي بك انقلع
مشاري ضرب راس ناصر: اجل بقول لأمي تأخر زواجك
ناصر: لا تكفى يرحم والديك هههههه
بعد ما الكل صار جاهز على المغرب و لبسوا البنات عباياتهم عشان يروحون للقاعة اللي بيصير فيها العرس
جمانه: لجين مع مين بنروح؟
لجين: مع سلطان
نوره دخلت عليهم: اخلصن ترا سلطان عند الباب يحترينا
طلعوا للشارع و لمحت جمانه زول ناصر و طبعاً من لمحته و قلبها ما هجد
و نفس الشيء مع ناصر لكن هو بزيادة فز قلبه لدرجة انهم كلهم لاحظوا ماعدا الفاهية جمانه
سلطان: ترا امي و خالتي ساره و خالتي نعيمه كلهم بالقاعة
جمانه: اشوا انخرشت احسبنا لحالنا
لجين: لا وين تلقين امي وخالاتي رايحات من الظهر بعد هههههه
نوره : انا اشهد
___________________________
في القاعة وصلوا البنات و كان كل شيء جاهز و كل شيء مرتب
نعيمة: ياهلا ياهلا ما بغيتن تجن
البنات: هلابتس زود
لجين: وش اسوي بالفاهيات اللي معي شكواي لله
جمانه: خالتي لا تصدقينها والله انها تسذوب انا خلصت اول وحدة
نوره: والله الصدز انا اللي اخرتهن بس شوفي جمالي يستاهل هالتأخير
ساره: ايه والله انه يستاهل بسم الله عليتسن كلتسن طالعات تهبلن
نعيمه و تهاني : ما شاء الله تبارك الله
أنت تقرأ
لك بين الحَنايا دار و دِيار يا واحدٍ بالقلب ما زاحمك حي
Romanceروايتنا تتكلَّم عن نَاصر و جُمانه و حياتهم بالزمن اللي كل أشياءه بسيطة و جميلة، من كانوا صغار و هم متعلقين ببعض، كيف راح تجمعهم الأيام بعد ما كبرت جمانه و صارت تتغَشَّى عن ناصر؟ الكاتبة | فَرد الجُمَان
