ثاني يوم بعد العرس كانوا البنات توهم يقومون
نوره فاتحة عين و مغمضة عين: احس اني متكسرة
جمانه للحين بفراشها: الحال من بعضه
لجين : اقول قوموا قوموا احتمال فيه شيء بيصير اليوم
جمانه و نوره فزَّوا: وشو؟؟
لجين: بسم الله عليكم قلت احتمال احتمال
جمانه: طيب وين السهرة اليوم؟
نوره: مو قالوا خالاتي بياخذون استراحة؟
جمانه انهبلت: الساعة كم؟
نوره: تونا الساعة ٨ الصبح
جمانه: اشوا عشان يمديني اتجهز يالله بروح لبيتي، نوره تخاويني؟
نوره قامت و قاعدة تعرج: ايه معتس معتس
لجين: افا يالخيانة
جمانه: جيبي اغراضتس و تعالي ما احد ماسكتس
لجين : لا اتجهز ببيتي اشوا لي
جمانه: اجل امشي انقلعي و تقول خيانة بعد
نوره: يالله اخلصي مو وقت مهاوشات
لبسوا عباياتهم و راحت كل وحدة لبيتها
في بيت ابو حمد:
جمانه دخلت للبيت و توجهت لغرفتها و دخلت تتحمم و لبست و طلعت تتجهز
حمد دخل غرفتها: جمانه..
جمانه: لبيه
حمد بابتسامة: لبى عينتس يا بعد عيني
جمانه: هههههه يالخفيف
حمد ضحك : ترا بكفختس الحين
ضحكت جمانه
كمَّل حمد: تدرين ان اليوم فيه استراحة؟
جمانه: ايه ادري عشان كذا قاعدة اتجهز
حمد: احس بدري ليش مستعجلة
جمانه: الحين تجيك سويّر و تقول ترا خمس دقايق و اطلع فَ انا اعرف هالسالفة و ما ابي اتجحفل
حمد: ههههه الله يعافيتس امي راحت هي و خالاتي من الفجر
جمانه انصدمت: ياراسي ما شاء الله ما عندهن تفاهم
حمد: ايه راحن يجهزن الوضع و ترا كلنا مع بعض يعني بتقععدون بعباياتكم انتِ و البنات فَ ما له داعي تكشخين
جمانه: افا عليك انا اكشخ حتى لو اني لحالي بالبيت فَ لا تقلق
حمد: هههههه ماني قالق بس اذا خلصتي تعالي للحوش ترا قاعدين انا و اخوانتس بالرضاعة
جمانه: ثواني و لاحقتك ان شاء الله
حمد: انتظرتس
_________________________________________
أنت تقرأ
لك بين الحَنايا دار و دِيار يا واحدٍ بالقلب ما زاحمك حي
Romanceروايتنا تتكلَّم عن نَاصر و جُمانه و حياتهم بالزمن اللي كل أشياءه بسيطة و جميلة، من كانوا صغار و هم متعلقين ببعض، كيف راح تجمعهم الأيام بعد ما كبرت جمانه و صارت تتغَشَّى عن ناصر؟ الكاتبة | فَرد الجُمَان
