بعد شهر و تحديداً [٨/٢٨] يوم الخميس:
كان الكل متجمع في حوش ابو مشاري و جالسين قدام التلفزيون و يترقبون اعلان خبر موعد رمضان :
نعيمة: بإذن الله انه بكرة
ساره: ياليت والله
نوره: اشتقنا له و لأيامة
جمانه: انا اشهد والله
المذيع في التلفزيون: أعلنت المحكمة العليا السعودية اليوم الخميس أن غداً يوم الجمعة هو اول أيام شهر رمضان
الكل صرخ بفرح ، وما ينسمع في الحوش و في الحارة كلها الا التصفيق و الصراخ و التصفير من شدة الفرح
بدأ الكل يجهز زينة رمضان و اجتمعوا الحريم بالمجلس و جلسوا يسولفون و الكل فرحان
نوره: اقسم بالله اونس فقرة يوم الكل صرخ وربي كل الحارة صراخ صدق ونااسة
جمانه: ايييه انا اشهد الكل فرحان
لجين: الله يلوم اللي يلومنا
نعيمة: الفطور عندي بكرة في المزرعة بإذن الله، حياكم الله
الكل: الله يحييك و يبقيك
جمانه تهمس للبنات: وناسة اول يوم رمضان و بشوف جياد و الخرفان احس وناسة
لجين ضحكت: ليش ما تعطين اللولو وجه تراها سميّتك
جمانه : لا لا ماهي سميتي اكيد صدفة
لجين: لا صدقيني ماهي صدفة ههههه
في المزرعة الكل مجتمع بالحوش الخلالات و البنات و العيال :
جمانه عند جواد: اخلص بتجي ولا لا؟
جواد : وين؟
جمانه: وش رايك يعني؟ اكيد عند جياد
جواد: ياليل الليل ايه بجي
جمانه ابتسمت و ضربت راسه: كفو يالله انا انتظرك
جواد: بس ترا فيه العيال عند الغنم خليتس لابسة عبايتتس
جمانه غمزت له: يسعدلي الغيور
جواد مسك رقبتها من وراء و جرَّها: اقول امشي و انتِ ساكتة
جمانه ضحكت: يسعدلي يسعدلي
وصلوا عند الخيول و جمانه ركضت عند جياد و اول ما شافها جلس يطلع صهيل و يقامز
العيال من بعيد انخرعوا و جَوا يشوفون ليش يطلع اصوات
سلطان: بسم الله وش به هذا
ناصر بقلبه: جت جمانه
حمد ضحك اول ما وصل :اهاا شاف جمانه
ناصر:والله اني دريت
جمانه: ازين استقبال
سلطان: من قدّتس يا جوجو حتى الخيول تصارخ لاشافتتس
أنت تقرأ
لك بين الحَنايا دار و دِيار يا واحدٍ بالقلب ما زاحمك حي
عاطفيةروايتنا تتكلَّم عن نَاصر و جُمانه و حياتهم بالزمن اللي كل أشياءه بسيطة و جميلة، من كانوا صغار و هم متعلقين ببعض، كيف راح تجمعهم الأيام بعد ما كبرت جمانه و صارت تتغَشَّى عن ناصر؟ الكاتبة | فَرد الجُمَان
