بعد شهرين من الخطبة رجعت المدارس و بدأ الكل ينشغل بدراسته
في بيت ابو حمد:
كانت جمانه جالسة مع حمد في المجلس
حمد: وش اخبار الدراسة صرنا ما نشوفتس
جمانه: والله يعني نص و نص ، ما توقعت ان ثالث ثانوي صعب كذا
حمد ناظرها بطرف عين: اجل انتِ وش تسوين لا دخلتي الجامعة
جمانه تنهدت: افف لا تذكرني والله لجين و نوره منشغلات بالجامعة بالحيل و صايرة ما اشوفهم لا خميس ولا جمعة
حمد: عادي جواد موجود
جمانه: لا حتى هو ساحب علي ما ادري وش عنده
حمد : ما عليتس دايم بداية المدارس كذا
جمانه: ياليت يصير عزيمة ولا أي شيء عشان اشوفهم احس اني اشتقت لهم كلهم كل الناس يعني
حمد ضحك: تراتس واضحة
جمانه تسوي نفسها ماهي فاهمة: هاه ما فهمت
حمد: ههه ولا شيء ، ودتس نتمشى بالشوارع؟
جمانه : ايه والله بعد الحين شتاء يعني الأجواء بتكون حركات
حمد : يالله قومي البسي عبايتتس و انا انتظرتس بالشارع
جمانه: ترا بسوي لي كوب شاهي ، تبي؟
حمد: ايه والله يكون احسن
جمانه راحت لبست عبايتها و عملت كوبين شاهي و طلعت للشارع
جمانه: حمود انا جيـ.. ، جواد يا ورع من زمان عنك يا خسيس
جواد: مشتاقة لي واضح واضح
جمانه: خير ان شاء الله صاير ما تجي ولا تسيّر علي بالليول؟؟
جواد: تعرفين ثانوي و دراسة يعني الوضع شغل
جمانه:اها ايه مصدقتك مرة، المهم وين نوره؟
جواد: بجيبتي .. يعني وينها اكيد بالبيت
جمانه: اقول تخاوينا؟
حمد: كانت طلعة اخويَّة لكن الشكوى لله
جواد: احمم انا اخوها ترا لا تنسى
جمانه: اقول امشوا تراكم اخرتوني
بدوا يتمشون بالشارع و يسولفون و جمانه فرحانة لأنها كانت محتاجة هالتمشِيَة
جمانه: والله شكلها بتمطر ان شاء الله ، شوفوا السماء كلها غيوم
جواد: الله لو تمطر
جمانه : ياليت خالاتي يقررون اننا نروح كشتة
حمد: بقول للعيال و كل واحد يقول لأمه ، بكرة خميس نخليكم تغيبون و نروح للبر
جمانه ضمته: كفووو والله انك كفوو اعشقك يا شيخ
أنت تقرأ
لك بين الحَنايا دار و دِيار يا واحدٍ بالقلب ما زاحمك حي
Romanceروايتنا تتكلَّم عن نَاصر و جُمانه و حياتهم بالزمن اللي كل أشياءه بسيطة و جميلة، من كانوا صغار و هم متعلقين ببعض، كيف راح تجمعهم الأيام بعد ما كبرت جمانه و صارت تتغَشَّى عن ناصر؟ الكاتبة | فَرد الجُمَان
