بنت في مدرسه عيال

5

ركبت معه فالسياره و مشينا كنت ساكته و هوه بعد كان ساكت لين قررت اتكلم
قلت: وين بنروح؟
سليمان : بنروح مول****
قلت: ليه؟
سليمان: عشان تكون متعود تكون بين الناس ك ولد.
قلت: اها
(طبعا كانت تتكلم بصوت خشن خلاص يعني م لازم اكتب)
المهم بعد نص ساعه وصلنا ونزلنا كنت متوتره حيل اول مره اطلع بدون شيله ونقاب و عبايه وبلبس كذا!
سليمان ببرود: سوي كل اللي علمتك عليه فاهم!
قلت:ايي
كتت امشي و اناظر الناس اللي حولي واحاول اقنع نفسي انه عادي يعني
سليمان:تبي تاخذ شي من هنا؟
ريم: لا
كنا نمشي الا واسمع بنات يقولون اني بويه و كذا سلامات و حسيت انهم يلحقونا يعني وين م اروح اشوفهم همه شله بنات!
سليمان: تبي تاكل شي؟
قلت: ايي خل ناكل بيتزا
سليمان : طيب
رحنا باتجاه المكان اللي فيه المطاعم و قعدنا و احنا قاعدين ننتظر الطلب كان كل واحد ع جواله طبعا حالتي ساره اخذت لي شريحه و جوال جديد وفيه رقمها َوجوالي القديم معها انا كنت منزله لعبه وقاعذه العبها و مركزه معها
الا فجأه اسمع سليمان يصرخ علي يناديني
ريم: ها شفيك تصراخ!
سليمان بعصبيه: لي ساعه اناديك جابو الطلب يلا كل
قمت اكل بهدوء لكن بعدين صرت اكل بسرعه و بشراسه لان جد طعمها يجنن البيتزا المهم بعدنا خلصت شربت بيبسي
سليمان: يلا تبي نروح؟
قلت: اي
قمت من ع الكرسي و كنا بنروح بس مسكت ايدي بنت و استغربت ناظرتها باستغراب كانت وحده من شله البنات اللي يقولو اني بويه
قالت بتوتر: انتي بنت!
ناظرت سليمان وسليمان عطاني نظره تصرف انا مالي دخل
ريم بصوت خشن بتكبر: خير شايفتني بنت هذا وجه بنت!
قالت:ايي شف حتى ايدك انعم من وجهي
انصدمت من جرائتها
قلت: طيب يروحي انا ولد
قالت: لا انتي بنت وبويه بعد
قلت: خير ع كيفك يعني اقول انقلعي من وجهي قال بويه قال
قالت: اوك
و راحت
سليمان باستهزاء: ههه لا والله انا الصراحه من كلامك صدقت انك ولد
انحرجت وقلت: شتبيني اقولها يعني!
قال ببرود: امش امش وانت ساكت
مشيت و طلعنا من المول و رجعنا البيت و كانت امه فالصاله اول م شافتنا
قالت: وين رحتو تاخرتو!
راح سليمان وباس راس امه و قعد مقابلها وقال: يمه رحنا المول
قالت: اها. كيفج ريم!
سليمان: هذي مو ريم هذا رائد خلاص كلميها ك ولد عشان تتعود
قالت امه بحنيه: سليمان لا تقسى عليها تراها مسكينه
سليمان ببرود: طيب يمه
قالت: تبون عشا؟
قال: لا خلاص تعشينا انتي تعشي
وقام وراح غرفته انا كنت واقفه اناظرهم وانا احس بضيقه ليتها امي امه تهتم فيني وتسال عني نزلت دمعتي بدون م احس
شافتني امه وقالت:يمه حبيبتي وش فيج تبكين؟
مسحت دموعي وقلت: يخاله م فيني شي بس تعبانه بنام شوي
َقالت: طيب حبيبتي
ورحت للغرفه وقعدت ابكي و كنت اكتم شهقاتي م ابي احد يسمعني وفجأه...