بنت في مدرسه عيال

31

صحيت بمكان مدري وين كنت متمد ع السرير والغرفه مظلمه كنت احاول اتحرك واتكلم م اقدر كانت قدامي لوحه بس شكلها ابدا م غريب علي كانت كبيره وفيها ناس م اعرفهم بس انا كنت بينهم كيف مدري كنت مقيده ع السرير يعني رابطين السرير فيهني م اقدر اقوم ولا اتحرك مثبته ع السرير وفجاه الرجال اللي ب اللوحه ابتسم وابتسامه تخووف انا قمت اصرخ واصرخ وهو كل مره ابتسامته تزيد وتظهر اسنانه الحاده وانا اتحرك واتحرك فجاه دخل نفس الرجال اللي بالمره الماضيه وصرخ بسسسسسسس واهتز المكان من صرخته وانا مصدومه وخايفه وادموعي م توقف وقاال خلااص قومي ازعجتيناا وحسيت انه روحي كانت بتطلع وقمت..
طلع حلم، كنت اتنفس بقوه كانه روحي بتطلع و مريم جنبي تسمي علي وتقرا قران و محمد يدور فالمكان وواضح متوتر وانا احس راسي بينفجر اخخ وكنت اناظرهم مستغرب قالت مريم تبين مويه؟
انا استغربت بس هزيت راسي ب ايي وعطتني مويه انا مدري وين احنا بس الواضح ان حن بنفس المكان بس وين منال وش صار؟ كنت احاول اتكلم بس احس قلبي يدق بقوه وتعبانه مرهه واحاول استوعب وافكر وش صار قالتلي مريم اهدي ولا تفكرين بعدين بنقول لج السالفه و اناظرهم مستغربه قلت وش صاير وانتي شفيج تكلمني كاني بنت؟
عصب محمد وقال لين متى بتمثلين يعني ترا واضح!
جاني هبوط وخفت وقلت: وشش..وش اللي واضح؟
قال انج بنت ترا عرفت خلاص لا تمثلين وانا كنت شاك من اول لانج ابدا م طبيعيه اخخ بس انا احاول امسك اعصابي
قلت وانا احاول اغير الموضوع منال وينها؟
قالت مريم: منال راحت بيتهم
قلت كيف وهذاك مسكتوه؟
قال محمد اي والشرطي خالي وانا فهمته السالفه وخلانا نروح عشان نعرف (واشتد صوته وعلى) انتيي ليش دخلتيي مدرستناا ابيي افهمممم؟
قلت وانا متوتره: ااء.ه لاسبااب يعنيي خاصهه
قال وهوه معصب: اجل اسباب خاصه حلو حلو انا بتصل بالاداراه عشان..
قاطعته وقلت لا لا خلاص بس انتو كيف عرفتو؟
ابتسمت مريم تستهبل انا بنت اكيد بعرف وانت كنت مطعون ف بطنك لما شال محمد ملابسك شاف المشد وناداني وشفته وعرفت انج بنت
قلت اهاا السبب انه (قلتلهم انه زوج امي يعذبني ويضربني ويبي يزوجني وكل شي و سليمان يدري)
قال محمد كان تقدرين تسافرين وتغيرن اسمج وهويتج قلت كل هذا يحتاج وقت و ما ابي اغير اسمي وانا م فكرت بهذا الحل اصلا
قال محمد عشان كذا سليمان م يبيج تكوني معنا
قلت اصلا مب بكيفه وانا اشتقت لحمد واحسه زعلان مني وشايل علي
قال محمد ايي مرهه زعلان منك حتى يزعل لما نجيب طاريك
قلت براضيه وبرجعلك لكم
كنت بقوم بس حسيت بالم خفيف قلت اخخ وش ذا
قالت مريم لا تتتحرك نلسيت انك مطعون
كشفت عن بطني و لقيت مكان جرح بس مافي دم او شي كانه صار جرح قديم انا مصدومه كيف صار كذا و مريم شافت و قالت صح اني داويتك بس كان باقي الدم كانت مصدومه مره قال محمد وش اشوف؟
دفته مريم وقالت سلامات تراها بنت!!
قال محمد وهو يبتسم يعرفها تغار اي وش فيها صديقتي صارت
قالت مريم بعصبيه خير وش صديقتك سلامات؟
قلت اقول انقلعو ابي ارجع السكن انا مالي خلق حق هواشكم السخيف
قال محمد طيب بجيبلك ملابس من ملابس هذاك
قلت لا لا مابي
قال لازم اجل بتروح المدرسه وملابسك كلها دم
قلت مابي البس من ملابسه عادي نشتري ملابس جديده
قال محمد وهو يتافف اوفف طيب يلا تقدر تقوم ولا اساندك
قلت اقدر عادي وقمت ولا كاني شخص مطعون انا بنفسي مستغربه كيف التأم الجرح وصار كانه قديم حتى م يعورني المهم طلعنا من المكان ورحنا للسياره ورجعنا مريم لبيتهم الحمدلله وصلت ورسلت لي انه محد عرف انها طلعت ناظرت جوالي كانت الساعه 5 المهم وصلنا السكن ودخلنا ووصلني محمد للباب واول م دخلت شفت سليمان ب وجهي ومعصب مرهه..