ابكي بصمت واشاهق وارجف وهو يحاول يهديني
و فجاه شفت شرطه توقف السيارات استانست توسعت عيونه
وقال بتهديد وبحده تخوف: والله اذا تكلمت وقلت شي ما رح يصيرلك خير فاهم؟
هزيت راسي بخوف من تهديده و نظراته اللي تخوف صدق
وقفونا الشرطه و كان يناظرني الشرطي كانه شاك لانه مبين علي خايف
سالني الشرطي: فيك شي؟
قلت وانا ارجف و اناظر اللي خاطفني من المرايه كان يعطيني نظره تخوف عشان م اقول للشرطي شي قلت: اء اءلااا م فييني شءي
قال الشرطي: اكيد
قال الرجال: ما فيه شي بس خايف ع امه فالمستشفى وحن رايحين لها
وانا ودي اصرخ واقول كذاب خاطفني لكني خايفه مشينا من عند الشرطي ورحنا تنفس براحه وقال وهوه يبتسم اخخ زين م قلت شي
للشرطي
ضميت رجولي و قعدت ابكي بصمت وخايفه
قال: شفيك تبكي كنك بنت ترا م بسويلك شي بس بنتسلى و بيعجبك الوضع وغمز باخر كلامه تقززت من كلامه لكن م قلت شي حرفيا شكله يخوف
نرجع للعيال:
يوسف: ليش وينه رائد مو معكم؟..
قال حمد بضيق: لا نسيناه فالبقاله
يوسف: اوكيه خل نرجع له
رجعنا للبقاله وقعدنا ندور عليه م لقيناه وين راح؟
سالنا راعي البقاله قال: مدري كان واقف قدام المحل وفجاه اختفى مدري كان يدور عليكم
خالد بعصبيه: هذا الغبي وين راح الحين صحراء كيف بنحصله الحين
سعود باستغرب من اهتمام خالد: غريبه مهتم بهالخكري
خالد ببرود: مو مهتم بس دام معنا امانه برقبتنا
سعود بشك: اها
محمد: اوكيه يمكن رجع بتكسي او حصل حد يرجعه المدرسه
حمد: هنا قطاع طرق و خاطفين من بياخذه المدرسه تستهبل
يوسف: خل نروح الاستراحه يمكن اتصل باحد و اخذه مستحيل يختفي كذا يلا امشو
حمد: لا لا خل ندوره
يوسف بعصبيه: ويننن تدووررهه صحراا شفيكك ما تفهمم؟
حمد بعصبيه: طيبب لا تصارخ
وبدو يتهاوشون
نروح للحرمه اللي فقدت بنتها اللي كانت مع زوجها السابق:
يالله ي بنيتي وين رحتي حبيبتي اهئى
ابو مؤيد بضيق من حال زوجته وبكائها: خلاص لا تبكين بترجع وين بتروح يعني
ام مؤيد وهي تبكي اكثر: انا الحق علي اهملتها و تركتها بس هي كانت بين اخوانها كيف وليش تهرب انا انا اهئى انا شفتها ممبسوطه بينهم ليش كذا ياربييي اخخ وين بنتيي
تضايق ابو مؤيد و طلع من البيت و هي مستمره تبكي
نرجع للبنت اللي م درت عن امها و اهلها:
كان البيت حيل كبير دخلنا و قعدنا فالصاله ضيفتني الحرمه و الولد اختفى احسن ازعجني بنظراته المهم قعدت تسال
قالت: كيف ماتو اهلك حبيبتي ليش ملابسك كذا شصار علميني؟
وللحظه تذكرت وش صار معي تذكرت اني فقدت اغلى ما املك تذكرت كل شي نزلت دمعه من عيني كنت افكر اقولها الحقيقه؟ اصلا من اقولها بتطردني اكيد
قلت وانا دموعي تنزل: كنا رايحين للمطعم و سوينا حءادث كان ابوي يتهاوش مع امي و فجاه صار الحادث صحيت و قعدت ادور اهلي م لقيتهم حتى السياره ما لقيتها قعدت ابكي و احوس ادور ع الاقل ع اي احد مشيت مسافه رحت لمستشفى قالولي انه اهلي توفو وحن منتقلين جديد ع هذي المدينه بيتنا ما ادري وينه قعدت ابكي و كان خلاص قد دفنوهم رحت للقبر ازورهم ما كنت مصدقه اخخ ما اقدر اكمل بعد
قالت الحرمه وهي متعاطفه معي وتهديني و تمسح ع ظهري: خلاص حبيبتي لا تبكين انا بكون معك خلاص
وضمتني وقعدت ابكي اكثر من زمان م حسيت بهالحنان اخخ
قومتني واخذتني لغرفه وقالتلي انام فيها واذا ابي اتروش في ملابس بالدولاب كانت غرفه واسعه بالمره و فخمه حيل كان لونها بيض مع رصاصي وفيها ذهبي خفيف كانت جميله تروشت و فتحت الدولاب لقيت ملابس اخذت بيجامه و لبستها ونمت ودموعي ع خدي..
____________
توقعاتكم للبارت الجاي🤍
أنت تقرأ
بنت في مدرسه عيال
Romanceالقصه قصه خياليه من خيالي قبل كتبت روايه بس م كملتها ان شاء الله بكمل هذي الروايه👍🏼💖
