#مطرشقة_وطرشقتني
قصة شاب #حقيقية ١٠٠%
للكاتبة وديان الخير
الحلقة ١
قصة خو صديقة نعرفها طلب منها تحكيهالي وتعطوا رايكم فيها
محمد م ٩٤ من مدينة طبرق عنده اربعة خوات وحدة مخطوبة ووحدة متزوجة والباقيات بنات وخو واحد
طبعا ف البداية محمد كانت حياته فاضية يعني كل اللي عنده محل مستلزمات ومواد بناء يخدم فيه قاري معهد متوسط ولا عنده حوش ولا خدمة ف الدولة ..بدت حكايته ف سنة ٢٠١٨ كان عنده عرس ولد عمته طبعا عمته هادي كبيرة ف السن وعندها حتى احفاد و كانت تسكن ف البيضاء
طبعا اهل محمد رفعوا بضاعتهم ووتوا روحهم للعرس ومشوا وف خلال اسبوع العرس كان محمد مقعمز قدام الحوش هو وولد عمه صغير يلعب فيه ، عمته هادي كان عندها حفيدتها الكبيرة اسمها اسماء م ٩٧
#ملاحظة
"تم تغيير اسم اسماء ومواليدها ومنطقتها وتخصصها وصلة القرابة اللي بينها وبين محمد يعني مش معروفة من جيهة خواله ولا عمامه نظرا لشيء معين حيصير ف الحلقة الاخيرة "
ف الوقت هذا كانت اسماء ف الكوجيناء
اسماء :هاتوا الصواني نرفعهم
امها :اي اي ارفعيهم
خدت اسماء الصواني وبتطلع من حوش العرس بترفعهم للحوش التاني
لمحت محمد
اسماء ف خاطرها
اسماء :حيي ع الولد كيف متغير ومولي طرف قداش ليا ماشفته من قبل نبيه بس الله غالب
حطت الصواني لوطة وهي مدرقة طبعا وساوت وشاحها وروحها وقامت الصولني بترفعهم😂وهذا كله محمد ماكانش مورق للموضوع يلعب ف الوليد
خطمت من قدامه
اسماء :السلام عليكم
محمد تلفتلها : عليكم السلام
وماعبرش الموضوع وعادي عنده
وهي قلبها خلاص بدي يدق وطول الطريق شادة الصواني وتفكر كيف بطيحه لن خطرت ف بالها فكرة
وولت للحوش لقت اخت محمد م ٩٧ اللي هي بثينة هي وياها مش صاحبات هلبا بس ع خاطر محمد لازم تصير صحبه 🤣 فات هداكا اليوم واسماء تحاول تقرب من بثينة ودورة دورتين تفتح معاها موضوع
وفات الوقت واسماء مش ع بعضها متلخبطة من محمد لن شوي مقعمزة بحدا بثينة كلمتها صاحبتها ايمان ع الواتس
ايمان :تي وين من لقى احبابه نسى اصحابه اكيد لقيتي محمد ف العرس ونسيتينا
اسماء شافت الرسالة تخزرطت بحدا بثينة وناضت
اسماء:يافرخة خزي اخته كانت بحداي عنشكلك ياشيطانة
ايمان :ههههه اووو جو حماتي
اسماء:خززي حشمتيني
ايمان :عادي حبي اصلا الولد يهبل حرام يضيع يومها مشيتله للمحل طرف مطرف
اسماء:اسس عيب صح هو قنين
ايمان :اي يهبل قصدي فرصتك كان بتحكيله
اسماء:شن بنحكيله مترددة ولو يردني شن موقفي
ايمان :مش حيردك هو حيلقى زيك يا هبلة
اسماء:تمام يستر الله
وكملت هدرزة معاها و
لن جي تاني يوم ف العرس ومقعمز محمد ف نفس المكان ومعاه ولد اخته المرة هادي
