#مطرشقة_وطرشقتني
قصة #حقيقية
للكاتبة وديان الخير
الحلقة ١٣
خش مروان للحوش وكانت كلتوم وفيصل والبنات كلهم يشبحوله وبنات العيلة الحوش زحمة
ناضت كلتوم تضبط فيه وتبكي
مروان : الحمد الله ع سلامته امي
كلتوم :الله يسلمك وخيك اليوم قريب مات وخسرته وخيييك
مروان يشبح لامه ووجعاته كيف تبكي وخواته كيف يبكوا
مروان : خديتله حقه يا يمه مستحيل مروان يفوت حق خوه
كلهم شبحوله
فيصل : شن درت
مروان :تو يوصلكم الخبر يابوي
كلهم قعدوا يشبحوا لبعضهم
مروان : بنخش ندوش ونبدل وبنمشيله
بشرى: مش حيخلوك
مروان شبحلها :نقدر نخش ماتخافيش عليا
سكتوا
وخش دوش وبدل وطلع وهو تفكيره بس ف خوه كيف يصير معاه هكي
..................
اسماء شاده المخدة وبكي وخلاص كلمتها فاطمة
فاطمة :اسمعي لازم ماتجي غدوة للكلية ياسر اليوم فاتوك محاظرات
اسماء شافاته
اسماء:جوي مايسمحليش ابدا نجي
فاطمة :لازم تقاومي
اسماء :وجع قلبي تعرفي مش معقولة محمد ف هالحالة وبيقعد عندي دماغ نقرا
فاطمة : لازم ماتغصبي نفسك وتجي
اسماء:حنشوف
...............
مروان خش ع محمد محمد كان متكي ومش جايه النوم
مروان شاف لحالة خوه وجعه قلبه
محمد :جيت مش كنت خدمة
مروان قعمز بحداه
مروان : فوتها الخدمة توا شن حالك وشن تحس حالك احسن ولا نرفعك لمصر
محمد هز براسه
محمد :لاحالي كويس الحمد الله
مروان : الليلة بنبات معاك ولازم نقعد معاك
محمد استغرب
محمد :ليش خيرك شن فيه
مروان :الكلاب مش حيسلكوا من ايديا
محمد غمض عيونه
محمد :فوتهم ماتحطش راسك من راسهم هادم ماينقدروش
مروان ضحك بهزوة
مروان : مافيش حد ماينقدرش ومروان موجود
طبعا مروان بيقعد مع محمد لان خايف عليه يخشوا عليه ولا حاجة ع خاطر عملة الفجر اللي بيديرهالهم
محمد استغرب فيه وقعد يفكر وخاف ع اسماء
محمد :مروان مادير شيء لان لو بيحطونا ف دماغهم مش بس حني اللي بننضروا
مروان شبحله :شن تقصد
محمد سكت وشبحله
مروان كان واقف يشبح من الروشن قدمله
مروان :من خاش فيها القصة تاني قول
محمد يشبحله ويفكر يتكلم اولا
.....................
عماد يكلم ف هدى
هدى :امتى العرس حبيبي بتحدادوه
عماد يفكر :والله ماني عارف مزال شوي خلي اينوض محمد قبل وبعدين مخطط علاء ومحمد بيديروا العرس مع بعض ولا كنهاده بنديره اني ومحمد مدابينا اصحاب مع بعض
هدى :حلووو به هو قاعد ماخطبش محمد
عماد :حكايته ملخبطة هذا علاش قتلك استني
هدى :شن ورانا عادي
................
مروان :يعني انت حاليا ف علاقة مع بنت بنت عمتك
محمد هز براسه
محمد: وهذا علاش صار هذا كله
مروان : لا حول ولا قوة الا بالله
محمد :ماتحملتش اللي داره ليها
مروان تعصب :ستين الف مرة نقول لما تبي ادير شيء ارجعلي قبل
وخبط ايديه ع حاشية السرير
مروان :المجرمة هلبا والروس الكبيرة هلبا اني قتلك لما بدير شيء وليلي اني باش نعرف شن ندير
محمد :مروان اني مش صغير وفاهم كويس شن قاعد اندير وشن فايدة معرفتك لو هما عارفين انك خوي وما دارولكش حساب
مروان : لان ماصارش موقف معاهم قبل وريتهم حجمهم بس لو توا حاكيلي كنت وريتهم الزنباع وين ينباع وكانوا عرفوا مع من يلعبوا
محمد :خلاص توا اللي صار صار قصة وانتهت ع خير
مروان :لا مانتهتش
محمد :رد بالك راهي اسماء معانا ف اللعبة نخاف البنت تصيرلها حاجة ف جرتنا
مروان : مش حيصيرلها شيء
محمد :علاش واثق من كلامك
مروان : لان عارف مش حيقدروا يديروا شيء
محمد :اهم اليوم قريب قتلوني
مروان تلفتله وضحك بهزوة
مروان : اي ولان قريب قتلوك معاش حيفكروا انهم يديروا شيء تاني
محمد : مروان اعقل شن اللي بديره
مروان اتكى ع الكرسي
مروان :حيوصلك الخبر
محمد سكت وزاد خاف ع اسماء هو مش مفكر ف روحه بس مفكر ف اسماء شن حيصير فيها وكيف حدير
