#مطرشقة_وطرشقتني
قصة شاب #حقيقية ١٠٠%
للكاتبة وديان الخير
الحلقة ٢
بثينة شدت محمد من ايده وطلعت بيه برا للفيراندا
محمد مرتبك ومش عارف شن يدير وكيف يتصرف
بثينة :البنت البارح كله تبكي وواجعها قلبها ع خاطرك وانت ياباشا لا احساس ولا قلب عندك
محمد دف ايدها وبنظرة حارة
محمد : اني ماعلقتهاش فيا وسيبتها ولا عطيتها وعد وخنتها وفتها هي تعلقت فيا بروحها شن بنديرلها اني يعني
بثينة :شوف اني بنت وعارفة مشاعر البنات واللي يمروا بيه نصيحة ماضيعهاش وهادي من العيلة ونعرفوها والدنيا ادور وانت عندك خوات
محمد زاد توتر
محمد :اني شن ذنبي نبي نعرف هي تعلقت فيا من بعيد لبعيد
بثينة :ههههه باش مرة تانية معاش اتكم روحك شوف منظرك كيف طالع
وضرباته ع راسه بالبصارة 😂
طبعا بثينة ومحمد جوهم مليح مع بعض
محمد : هههه لا تبيني نهمل روحي وريحتي طالعة
بثينة :لا عاد مش هكي بس نقص شوية
" طبعا ملامح محمد طويل وضعيف ونقشه كله ع الاسود وشعره كثيف ورموشه كثيفات وعيونه كبار بنيات فمه كبير وخشمه متوسط "
المهم مشي بعدها محمد للولاد وخشت بثينة للحوش لقت قدامها طول اسماء وكان باين عليها الخوف
اسماء:شن قالك
بثينة :يستر الله زدت كلمته وخليه توا ع راحته
اسماء متنكدة :ان شاء الله خير
.................
محمد يمشي ويفكر فيها وف العملة اللي انحط فيها اصلا هو من النوع اللي قلبه طيب لن خلاص وقرر يبعتلها ع الواتس
ركب ف سيارته وفتح النت
محمد :يستر الله ان شاء الله خير
طبعا اسماء الوقت هذا كانت تعول مافتحتش النت ومافضتش الا ف الليل وفتحت النت وشافت رسالة محمد انصدمت وفرحت ومش قادرة تفسر مشاعرها كيف طول كتبتله
اسماء:بجد مش عارفة كيف بنرقد الليلة 😍
محمد كان متكي شبح الرسالة ماردش لان ماعرفش شن بيرد
حطت اسماء التليفون جنب راسها وهي فرحانة بردت فعله وع اساس جت بترقد ماعرفتش فعلا كيف بترقد 💓
ههههه ناضت من جديد وفتحت النت
اسماء : والله ماقدرت نرقد بجد فرحانة
محمد نايض كان شبح الرسالة ابتسم وماعرفش علاش ورد عليها
محمد : كلمة بسيطة بس قلتهالك
اسماء:بس كبيرة عندي
محمد : الله غالب جيت نحسب ف الكبار وف اللي بيصير بعدين يا اسماء
اسماء:ماتخافش اني معاك ومش حيندري عليها حد القصة
محمد : اوعديني مانبي حد يعرف بيها الا اني وانتي وبثينة
اسماء:وعد خلاص مش حيعرف بيها حد
محمد :تمام ان شاء الله
وماكثرش معاها محمد الدوة وسكر يبي يرقد
جي تاني يوم بحكم العرس كان عرس خال اسماء وخالاتها كلهم متلقطين
ناض محمد دوش ولبس وخش للحوش طول يبي يشوفهم بلكي يبوا حاجة
اسماء كانت ف المطبخ سمعت صوته قلبها نخصها وطول طلعت تبي تشوفه
محمد شبحها دار روحه عادي وماعدلش مايبيش حد يلاحظ عليهم حاجة
اسماء ف خاطرها
اسماء:ياربي كيف ندير معاه
وطلع محمد بيجيب بضاعة وقعدت اسماء تستنى فيه ووين يخش شوي هي تجي تجري تبي تشوفه
