#مطرشقة_وطرشقتني
قصة #حقيقية
للكاتبة وديان الخير
الحلقة ١١
محمد يشبح لاسماء من بعيد وهي علامات الفرحة مافارقتهاش
نزار ومجدي يشبحولهم بحقد
وشوي ومشي محمد روح
نزار واقف هو ومجدي نزار تلفت لمجدي
نزار: تمشي توا تشوفلي جدولها وامتى محاضراتها وخلي الباقي عليا
مجدي :تم
نزار قام راسه بتعالي وهو راقيتله
................
محمد ركب لسيارته جري وهو يقول ف خاطره بإبتسامة
محمد :محلى فرحتها وضحكتها العفوية كيف طلعت منها محلاها كلها ع بعضها هالفرخة هبلتني
...................
اسماء :الله ماتوقعتهاش منها
فاطمة :حتى اني والله بس طلع يحبك
اسماء فرحانة وتشبح للسمي بفرحة
اسماء :هههههه واخيرا الهبال دار نتيجة
نزار قاعد يشبحلها من بعيد
نزار:افرحي زيدي افرحي عيشي اللحظة توا
قاطعه مجدي وجاه
مجدي:عندها بعد شوي محاضرة
نزار تلفتله
نزار:وين ف اما قاعة
مجدي:ف ٩
نزار: شوفلي قاعة فاضية
مجدي:علاش شن فيه
نزار:شوفلي قاعة فاضية لازم من لقطة قوية هادي مايمشيش معاها المسايسة طلعت تحب
مجدي :تم
ومشي مجدي بيشوفله قاعة فاضية ولقي القاعة ١٢ مافيها حد
محمد اتصل بعماد فرحان بردة فعل اسماء
عماد :ههههه مش نقولك اني فكنا من النكد ياراجا وعيشوا ايامكم
محمد :لو تشوفها كيف ضحكت من عيونها وكيف فرحت تهبببل
عماد :ربي يحفظكم لبعض ويتمملكم ع خير ياصاحبي وادعيلي حتى اني
محمد :ان شاء الله ياعيمو ان شاء الله
مجدي :القاعة ١٢ فاضية
نزار:تم
مجدي:لشن مخطط
نزار:لحاجة بسيطة
مجدي:هه بسيطة وفيها قاعة فاضية
نزار شبحله
نزار: صفي النية اشوية
مجدي:مع غيرك ممكن
نزار:هههههههه
..............
فاطمة :نوضي يالله المحاضرة قريب تبدا
اسماء:اي هي
وناضت اسماء وفاطمة
وهما ماشيين للقاعة ٩ كان الممر فاضي واول ماخطموا من جنب القاعة ١٢
نزار كان لابد جنب الباب اول ماشافها جت يطلع يشدها من ايدها ويجبدها للقاعة ويسكر الباب
اسماء بتبدا تعيط
اسماء:حوووول حوووول ..من وراء ايده
نزار مسكر ع فمها وشاد ايدها بقوة
نزار:تسكري فمك
فاطمة ف الممر واقفة تخبط ع الباب وقف عليها مجدي ويتلها من ايدها
مجدي :بعيطة ولا كلمة منك توا السلاح هذا نفرغه ف راسك
وورالها السلاح ف جنبه
فاطمة انصدمت وتجمدت ومعاش عرفت شن ادير
مجدي:هدي روحك ياغزالة خيرلك لن يكمل الراس كلامه
اسماء دموعها بدوا ينزلوا مطررررر خلاص معاش قدرت وهو مسكر ع فمها ويتكلم
نزار:شوفي هما كلمتين حطيهم ف وذانك ياحلوه
