.
>>ا
لا اعلم ماذا تخبئه لي الأيام القادمه..لكني على يقين ان كل مايكتبه ربي "جميل".
..
بعد ليله كانت صعبه عليها..صحت من نومها وكانت كسلانه ولاحظت الساعه12/ياللــه نمت كل هالوقت !!!
اخذت جوالها وفتحته لأنه من البارح مقفل وجلست تشوف المسجات والمكالمات/يووووه عشر مكالمات من سحاب واربعه من راكان... وش بيفكني من سحاب اللحين بتعصب علي لاني مقفله جوالي.
اتصلت وانتظرتها ترد/السلام عليكم
سحاب في الجوال ومعصبه/وعليكم السلام اخيييرا يا انسه سهام تكرمتي وفتحتي جوالك..وين كنتي فيه؟ وليه تقفلينه ..خوفتيني عليك ليش ماعندك مسئوليه؟
سهام قاطعتها/بس بس هههه عطيني فرصه ارد على اسئلتك هههه
سحاب بزعل/ايه اضحكي..انا جالسه احاتيك وانتي ولا على بالك..
سهام/افااا...زعلتي!! سحاااب وربي كنت مرهقه وحابه انام..قمت قفلت جوالي علشان مايقلقني..
سحاب/يعني مت بيقلقك تالي الليل والصبح غيري
سهام تلعثمت/مادري
سحاب/سهاموووه ابي اشوووفك..اشتقتلك يا بنت
سهام/مو مشكله امرك الليله
سحاب/لا الليله ماني بالبيت
سهام/وين بتروحين
سحاب/بيت اهل جوزي...لان عمي بو طلال رجع من السفر امس ورايحين له خبرك من تزوجت طلال مادخلت بيتهم
سهام/اهااا...طيب شخبار طلال
سحاب بصوت كله سعاده/يجنننن يا سهام
سهام/هههههههه انا اشوفه عادي
سحاب بهيام واضح بصوتها/ياويل حاااالي بس
سهام بمزح/وجع يا سحاب..اركدي تراه مو ذاك الزوود عاد..وش محليه بعينك
سحاب وهي كاتمه الضحكه/اللي حلا حبيبك بعينك
سهام ارتبكت ونزلت من سريرها/اصلاً راكان لا حبيبي ولا شي..
سحاب/صدتك يا منحوسه...من جاب طاري راكان بالموضوع...
سهام انتبهت لزلة لسانها وسكتت وهي مصدومه من نفسها/....
سحاب/سهااالموووه وين رحتي يالحبيبه
سهام/سحاب انا لازم اسكر الخط...عمتي تناديني
سحاب/ايه صرفيني...تراني عارفتك يا بنت الحلال بس انتبهي على نفسك وانا اختك..واحذري من قلبك لا يضيعك
سهام لمعة الدمعه بعينها/باي سحاب.......
سحاب/باي..
سهام خلت الجوال على الطاوله وهي تحس بألم في بطنها وبعدها غثيان واتجهت ركض للحمام....
أنت تقرأ
سهام الايام
Romanceرواية خليجية بقلم رشا الخيالية .....بعالم كبير وواسع..أمضي به وحيده دونما سند.. وحيده واظن ان ليس لي أحد.. غير وجه أمي كل صبـاح لم ترى عيناي من الأقارب أحد!!.. كان الوطن يكاد يضيق بي كلما اتذكر مرضها الذي يأخذ من صحتها ونشاطها كل يوم .. كل يوم أراها...
