سهام الايام

السهم الثامنة و الثلاثون

...........

وتمر بنا الأيام.والاسابيع..وتسرق لحظات جميله كان المفروض نكون فيها مع بعض...بس نتحمل كلها فتره وتعدي...

طالعه من الكليّه وهي مبسوطه.. ودها تشوف حبايبها صديقاتها والحاره القديمه/اميتاب...روح الحاره

اميتاب/اوكي مدام

سهام طلعت جوالها واتصلت/الو سحاب...

سحاب بالجوال/هلاا

سهام/يالكسلانه صحصحي..وتعالي حارتنا بروح عند ابو ديم

سحاب بكسل/مافيني اروح مكان يا سهام

سهام/ليييش...بلا نفسنه

سحاب/اي نفسنه انتي الثانيه انا بالشهر السادس واحس بخموووول مافيني مشاوير مع شغل البيت

سهام/والافندي طلال ليش مايجيب لك شغاله

سحاب/قدمنا ع شغاله من ستة اشهر باقي شهر وتجي

سهام/الله يعينك يا قلبي يلا سلام بتصل بباقي البنات...عشان نجتمع عند ديم

سحاب/سلميلي عليهم

سهام/اوكي،باااي

سكرت سهام الخط..ودخلت الواتساب وارسلت على راكان

[أنا رايحه لـصديقتي"ديم" في الحاره ويمكن اسهر..لا تقلق علي]

،

الرد من عند راكان

[استودعتك الله..لا تطولين بالسهره]

سكرت جوالها وهي تبسم..

/

/

/

/

/

،

**في فيلتها الكبيره...جالسه "الجوري تنتظره ع احر من الجمر....اصبح شاغلها مع انه ما يتكلم معها الا وقت الشغل بسس..تبي تحاول تلمح له بس هو ما يفهم..!

طلال جاء ودخل وهو مسوي نفسه معصب حده/لا هذا موب شغل اللي قاعد يصير..

طارق معه ومستغرب/ياخي علامك معصب

طلال/هذي ثالث عمليه تنمسك من الحكومه...وماتبيني اعصب

ذارق/بهذي معك حق...مادري شصاير..مدري وين الغلط

طلال/هذي اهاانه لنا

نزلت الجوري وهي تمثل قوة الشخصيه/خيير بشرووني

طلال وهو مفتعل العصبيه/سواد وجه...الشرطه كانت مسويه كمين

طارق ساكت ويفكر....

الجوري/مو مشكله كبيره لا تحرق اعصابك طلال..لها حل

طلال يحاول يستدرجها/وش الحل برأيك

الجوري/ماعليك...امهلني اسبوعييين بس وارد عليكم وش تسوون

طلال/ليش اسبوعين