عدالة ظالمة

الحلقه3 ᥫ᭡

عدالة ظالمة ⚖️

الحلقه3 ᥫ᭡

بقلم: منى الزوي ♡.

لايك قبل ماتقري 🤎
__________________♤_______________

خيرالله : اكملت الحفله والناس اشبعت وعدت لبيوتها واقعدت امي تبكي على طول رقبتها

ميسون: الله لا يسامحك يا عطيه عاللي درته في بنتي رزيتها فشبابها الله يرزيك فعمرك

عطيه: ريت هالجريمه اللي درتها ابنيه وجوزتها بالحلال

خيرالله: كان رايدها اللي خير منه وهي رايدته تقهر فيها ليش

عطيه: نصيب نزل

ميسون: نزل علايقك ربي يضايقك رزيتني فيها الله يرزيك

امي قالت هكي وباتي يصبي عليها مسكها من شعرها وبدا فيها تخبط انحول فيه منها لكنه يضرب فيها بكل قوته وتبره وعلي يبكو
ميسون: تضربني يا عطيه وانا اللي بعت هلي عشانك

عطيه: لومانك قليلة خير ما خليتيهم وجيتيني

ميسون: وبوي وامي اللي حرمت روحي منهم ان تحرم علي القعده معاك يا عطيه انا بنت شاهين تضربني

خيرالله: انسكت فيها وهي ماتبي تسكت منهاره امن البكا امي امكيوده..: خلاص يا يام مش كويس عليك هذكي تمرضي

ميسون: انعني ما انرد ما انتريح الا منكم

مشت لمت دبشها في انصوله وجتني: صبي معاي انكاني امك ورايدني

خيرالله: يا يام وين نمشي بك في هاليل تعوذي امن الشيطان وادخلي

وهي الا نطلع امصكره راسها وباتي يقهر فيها يقول: سيورك اتجيني اتجيني
وهي اترد عليه: اجعني بالموت كان رديتلك يا قلة الرجاله اللي حسبتك منهم

خيرالله: ليله صقيعه والرياح قويه وانا وامي تايهين بين النخل
ميسون: نبيدي نمشي لبيت بوي ماهوش اللي يلوي ذراعي بوك عندي خوت نمشيلهم

خيرالله: ما تحطينا للمذله يا يام ماهم اللي رايدينك

ميسون: خوتي هذوم الدم ماهوش اميه

تمشي وترجف والعبره خانقتها وصلنا لبيت جدي شاهين الله يرحمه ساكن فيه خالي حسن اللي ماريته الا من بعيد لاهو اللي يعرفني

خبطت الباب فتحلنا اوليد من عمر سليمه

خيرالله: انمسي بالخير عليكم

ناصر: الخير منك وفيك ياخوي تفضل

يشوفلي ويشوف لأمي مشتغرب قربت منه امي: انت اوليد حسن؟

ناصر: انعم نبيدي ناصر ولد حسن

رفعت امي يدها تمسح على شعره هو وخر منها مستغرب: نا عمتك ميسون يمي خيت باتك ،هو وينهو بوك؟