لقاء 💜🥀
بيت عز الصرفي
كانت يارا فى غرفتها حزينة على فشل خطتها فكانت تربد ان تجعل رامز يعتقد أن لينا ستكون لشخص آخر و بهذا يحاول أن يصلح مشاكله مع عائلتها و يرجع إلى لينا من جديد لكن ابنها المغرور كبريائه لم يسمح له أن يفعل هذا و بدلا من عودته إلى لينا يريد أن يتزوج من آخرى .. غبى
فى بيت محمد الصرفي
كان يصرخ بمساعده بغضب :- ازاى دا حصل ازاى و انت كنت فين ساعتها
قال مساعده ( مش مهم اسمه ) :- يا محمد بيه انا مش عارف ازاى دا حصل انا كنت مأمن على الشحنة كويس و كمان كنت متأكد أن مفيش لجنة ضباط هناك مش عارف مين بلغ
قال محمد بغيظ :- مين غيره يعنى اكيد باسل او مروان انا هوريكوا
فى شركة الهلالى و تحديداً فى مكتب باسل كان عمار و مروان و باسل يضحكون على ما فعلوه فى محمد الصرفي ( بإختصار فى شحنة مخدرات لمحمد الصرفي و بين حد تانى و باسل بلغ الحكومة عنهم و الشحنة اتمسكت يعنى و طبعا محمد الصرفي لبسها فى حد بيشتغل عنده بس الشحنة دى كانت مهمة بالنسبة ليه عشان كدا مضايق شغل مجرمين ملناش فيه )
قال عمار بعد ان توقف عن الضحك :- لا مش قادر هموت و اروح بيته عشان اشوف وشه بعد ما عرف إلى حصل فى الشحنة بتاعته
قال باسل بشر :- دى البداية بس عشان بعد كدا يعرف هوا بيتعامل مع مين
قال مروان بتساؤل :- فين ماهر
قال باسل بهدوء :- سافر انهاردة
دقت رنا الباب و دلفت إلى المكتب بعد أن اذن باسل لها بالدخول وضعت ورقة على مكتب باسل و قالت :- مستر باسل دا طلب استقالتي
بصق عمار النسكافيه الذي كان يشربه فور سماعه هذا الكلام
قال عمار بلهفة بدون وعى :- ليه ؟!!!
نظرت له رنا بدهشة بسبب لهفته و كذلك مروان الذي لا يعرف عن حب عمار لها
قال باسل بهدوء :- ايه سبب الاستقالة يا رنا
قالت رنا :- اسفة يا مستر باسل بس الأسباب خاصة بيا مش هقدر اقولها
قال عمار بفضول :- زى ايه يعنى
قال باسل :- تمام يا رنا أنا هفكر فى طلب استقالتك و هبقي أبلغك بموافقتي أو رفضي اتفضلي أنتِ
خرجت رنا و بعد خروجها مزق عمار طلب الاستقالة
فقال باسل :- بتعمل ايه يلا
قال عمار :- انت اكيد مش هتوافق على أنها تسيب الشغل صح يا باسل
قال باسل :- انا مش بجبر حد أنه يفضل فى الشركة يا عمار
قال عمار :- بس يا باسل لو هى سابت الشغل انا مش هقدر انى اشوفها تانى ما تقول حاجة يا مروان
قال مروان بهدوء و هو يرتشف القهوة من الفنجان بعد ان فهم ما يدور هنا اخيراً :- انا شايف يا باسل انك تسيبيها يومين يكون عمار خلاها تحبه و بعدين اقبل طلب الاستقالة
قال عمار بسخرية و استنكار :- اخليها تحبني فى يومين و دا ازاى يعنى دى شغالة معانا بقالها سنة و مش معايا رقمها حتى
قال مروان ببرود :- عشان انت خايب مش عارف تخلى حتة بتت تحبك ... ما ممكن تكون بتحب حد تانى
قال عمار :- ايوا بس هى لو مرتبطة بحد اكيد هتخرج معاه إنما هى دايما ملتزمة بمعادها فى الشغل و حتى فى أيام إجازتها اوقات بتيجي الشركة مظنش أنها مرتبطة
أنت تقرأ
جزء من الماضي " قيد التعديل "
General Fictionالخطر ليس بإمتلاكك ماضي فالجميع لديهم، الخطورة تكمن في هربك منه مثلما تعتقد أنك تفعل، فما تقوم به هو تأجيل للقاء حتمي سيحدث في حين أو آخر لا أحلل السرقة أو الإقتباس إبتدت 3/6/2022 و نشرت 1/6/2023 بدايتي فى عالم الروايات ♥ متوقفة إلى حين الإنتهاء...
