اشتياق 🖤🥀
فى بيت محمد الصرفي
كان يصرخ فى رجاله لانهم لم يستطيعوا ان يجدوا ابنته حتى الان :- انتوا شوية اغبية قولتلكوا تمشوا وراها و تشوفوا هتروح فين بس سبتوها و رجعتوا و دلوقتى مش عارفين تلاقوها يلا امشوا من قدامى و دورا فى كل حتة لحد ما تلاقوها
بعد خروج رجاله امسك هاتفه ليتصل على رامز الذي لم يراه منذ اسبوع تقريبا :- الو يا رامز انت فين
قال رامز بينما يجلس في الكرسي الخلفي في السيارة بجانب والده :- كنت مروح على البيت فى حاجة
قال محمد و قد هدأ غضبه بعض الشئ :- تعالى دلوقتى عاوزك فى موضوع مهم
نظر رامز لوالده و عندما راى الغضب بادى على وجهه قال :- طب هجيلك الصبح لانى مش هعرف اجى دلوقتى
قال محمد :- تمام
قال عز :- دا عمك
قال رامز :- ايوا مش عارف عاوزنى فى ايه
قال عز بإقتضاب :- هيكون ايه يعنى اكيد شغل زبالة
فى مكان مروان كان يحطم كل شئ فى الغرفة بغضب و هو ليس فى وعيه بدأ يتحدث كما لو انها امامه :- عارفة انا ليه بكرهك عشان خلتينى شخص ضعيف قدام نفسي .. لما عرفت بخيانتك ليا كنت مقهور عارفة ايه اكتر حاجة وجعتنى فى اليوم دا انى كنت محتاجك
علت نبرة صوته و هو يقول :- كنت محتاج البنت الى خانتنى الى جرحتنى الى كرهتنى فى الدنيا.. كنت محتاج تواسينى بطريقتك و تقولى ان الناس اقل من انها تستحق دموعك يا مروان انا حبيتك لدرجة انى احتاجتك فى اكتر وقت كرهتك فيه انا دلوقتى مش بحبك ولا فيا ذرة حب ليكى
اكمل و هو يضع يده على قلبه : بس دا مش قادر يتخطاكى ليه .. ليه مش قادر ينسي .. انا كنت بحبك لدرجة ان كان بيجى عليا وقت بحس انى اقدر اسامحك و انسي الى عملتيه .. لو غيابك متعب كدا اومال وجودك هيبقي ازاى ...
و فى الغرفة التى بجانبه كانت جميلة تجلس مع الرجل الذي تحدثت معه مسبقا قالت بملل :- هم اتأخروا ليه كدا
قال الرجل و الذي كان يدعى فتحى :- اكيد عندهم شغل هم مش فاضيين ليكى يعنى
قالت جميلة بفضول :- بقولك ايه هو الراجل الى فى الاوضة الى جنبى عمل ايه عشان تعذبوه
قال فتحى ببرود :- و انتِ مالك
قالت جميلة :- فيها ايه لما اعرف انا اصلا محبوسة هنا و شكلى مش هخرج يعنى لو عرفت او معرفتش مش هتفرق
قال فتحى بعد ان نظر حوله للتأكد من عدم وجود احد بالجوار :- تقريبا كدا خطف اخت الباشا ف كان عاوز يعرف مين الى وراه
قالت جميلة بهمس مماثل لهمسه :- و عرف
قال فتحى :- سمعته بيقول ان الى بعته واحدة اسمها مريم و قالتله يوديها على شقة كدا و يسلمها لواحد
قالت جميلة :- اه
قال فتحى بتوتر :- بقولك ايه انا معرفتكيش حاجة ماشي
قالت جميلة :- عيب عليك .. اااه انا جعانة اوى
قال فتحى :- جبتلك الاكل من زمان و انتِ مش راضية تاكلى
قالت جميلة :- عاوزة شاورما و بيبسي
قال الرجل :- هو انا عشان هزرت معاكى شوية خلاص بقينا صحاب ولا ايه
فى بيت ماجد المنشاوى و تحديدا فى غرفة لينا كان ادهم يبعثر بين اشيائها لعله يجد اى شئ يوصله لها و كانت معه على الخط حور التى قالت :- يعنى انت بتدور على ايه بالضبط
قال ادهم و هو يفتح الادراج و وجد بعض رسومات اخته :- معرفش بس اكيد ه ...
صمت و هو يحدق فى الرسومات بصدمة انها رسمات ل رامز لكن ليست اللوحات القديمة بل رسم جديد قالت حور عندما طال صمته :- ادهم مالك سكت ليه
قال ادهم وهو يفيق من صدمته و يتدارك الوضع :- لا مفيش حاجة
قالت حور :- طب هقفل دلوقتى و لما توصل لحاجة كلمنى اوك
قال ادهم :- تمام مع السلامة
اعاد ادهم اللوحات و هو يتنهد يحزن على صغيرته التى كانت تعانى بمفردها
أنت تقرأ
جزء من الماضي " قيد التعديل "
Ficción Generalالخطر ليس بإمتلاكك ماضي فالجميع لديهم، الخطورة تكمن في هربك منه مثلما تعتقد أنك تفعل، فما تقوم به هو تأجيل للقاء حتمي سيحدث في حين أو آخر لا أحلل السرقة أو الإقتباس إبتدت 3/6/2022 و نشرت 1/6/2023 بدايتي فى عالم الروايات ♥ متوقفة إلى حين الإنتهاء...
