بسم الله الرحمن الرحيم.
قبل ما ابدأ الروايه ، احب اقول لاي حد هيقرأ الروايه دي ممكن تلاقوا اسماء متشابهه شفتوها في روايات تانيه كتير، و ممكن تلاقوا بدايه الروايه زي بدايه روايات تانيه شفتوها بس اتمنى محدش يحكم عليها من اولها شوفوها و كملوها للاخر وبعدين احكموا عليها و اتمنى انها لو عجبت اي حد يكتبلي انها عجبته عشان الموضوع ده بيفرحني قوي.
.꧁__________________________________꧂
تبدا روايتنا في قصر عيله الراوي،و عيله الراوي من اشهر العائلات الموجوده في القاهره بل في مصر كلها والمتخصصه في مجال البناء والانشاء والتعمير ولديهم العديد من الشركات والفروع داخل وخارج مصر.
تبدأ بصوت الرئيس سعد الراوي وهو كبير عيله الراوي متزوج من المدام هبه مهران وهي سيده اعمال لديها اسهم في شركه مهران الصناعيه ولديهم سته اولاد وبنت واحده وهم ((حسين الراوي وهو الابن الاكبر للرئيس سعد الراوي ويبلغ من العمر 41 عام / احمد الراوي وهو الابن الثاني ويبلغ من العمر 39 عام / محمد الراوي وهو الابن الثالث ويبلغ من العمر 37 عام / عبد الله الراوي وهو الابن الرابع ويبلغ من العمر 35 عام / مصطفى الراوي وهو الابن الخامس ويبلغ من العمر 33 عام / عماد الراوي وهو الابن السادس ويبلغ من العمر 31 عام واخيرا اميرة الراوي وهي ابنتهم السابعه وتبلغ من العمر 26 عام وكانوا جميعا قد تخرجوا من كليه الهندسه)).
سعد الراوي: هبه ولادنا السبعه كبروا ولازم نجوزهم ونفرح بيهم عشان هم اللي هيشيلوا اسم عيله الراوي من بعدي وانا عايز نسل العيله واسمه يدنيه موجود عشان كده انا هعمل اجتماع للعيله اخر الاسبوع عايزك تعرفيهم كلهم.
هبه: انت ناوي على ايه يا سعد انا مش فاهمه حاجه خالص منين بتقول لي الولاد كبروا ومنين بتقول لي عايز تخلي نسل العيله موجود.
سعد: هو انت مش بتحبي بنات ابراهيم واولاد يحيي ولا ايه
هبه: لا طبعا بحبهم اوعى يكون قصدك....
سعد: ايوه اللي انت فهمتيه بالظبط انا نويت اجوز ولادي من ولاد اخواتي عشان يفضل نسلنا واسم عيلتنا مرفوع فوق وبكده اسهم الشركه اللي متقسمه بيني انا ويحيى وابراهيم مش هتروح لحد غريب.
هبه: والله فكره حلوه يا سعد اهو بكده ان حافظ على عيلتنا وعلى اسهم شركاتنا.
سعد: عشان كده عايزك تاكدي على ولادك اللي انا عايزهم هم الكل حتى حسين ومحمد واحمد قولي لهم يرجعوا من السفر، وانا هاكد على ابراهيم ويحيى انهم يجوا و يجيبوا معاهم ولادهم بس مش هقول لهم انا عايزهم في ايه، وانتي كمان مش تقولي للولاد اي حاجه عن الموضوع ده انا اللي عايزه افتحهم في الموضوع ده.
هبه: حاضر انا هتصل بحسين واحمد ومحمد واقول لهم يحجزوا على اقرب طياره ويرجعوا عشان انت عايزهم على اخر الاسبوع وهقول لعبد الله ومصطفى وعماد واميره لما يرجعوا من شغلهم.
♕««««««««««««««««»»»»»»»»»»»»»»»»» ♕
في شركه الراوي:
يظهر صوت عالي يهز الشركه باكملها وهو صوت عبد الله الراوي الابن الرابع لسعد الراوي رئيس الشركه الرئيسيه في القاهره
عبدالله يمسك الهاتف: يمنى ابعتي لي مصطفى وعماد واميره وكريم خليهم يجوا على مكتبي حالا.
ويمنى هي سكرتيره عبد الله الراوي تبلغ من العمر 25 عام.
يمنى: حاضر يا فندم.
وتقوم يمنى باخبار بقيه الرؤساء بالحضور الى مكتب الرئيس عبد الله.
مصطفى: في ايه يا عبد الله ايه اللي حصل جمعنا احنا الكل بتقول في حاجه ضروريه
عبدالله: في موظفين في اكتر من فرع عاملين تظاهر علي الشركه وفي اكثر من مشروع اتعطل بسبب المظاهرات دي فانا عايز كل واحد فيكم يروح فرع مختلف ويفض التظاهر ده بسرعه ويشوف التظاهر ده كان سببه ايه ويجيب ليه تقرير مفصل عنه وما حدش فيكم يرجع قبل ما ينهي المشكله دي عشان احنا داخلين على مشروع كبير وان المستثمر لو عرف ان في مشاكل في الشركه ومظاهرات مش هيقبل يتعاقد معانا والقريه السياحيه اللي احنا عايزين نعملها مش هتم كلامي واضح.
ليجيب جميعهم معا واضح
عبدالله: انا دلوقتي هقسمكم على الفروع اللي فيها تظاهرات، مصطفى هتروح فرع الشركه اللي في اسكندريه، عماد انت هتروح الفرع اللي في السويس، اميره انت هتروحي الفرع اللي في الجيزه، كريم انت هتروح الفرع اللي في بورسعيد.
مصطفي: احنا هنروح امتى.
عبدالله: اتحركوا حالا.
ليذهب جميعهم الى الاماكن التي طلب منهم عبد الله الذهاب اليها. يصلون اليها بعد عده ساعات ويقومون بفض المظاهرات والتفاهم مع المتظاهرين من اجل التوصل الى حل وتم التوصل الى حل مؤقت ليتم مناقشه المشكله مره اخرى في صباح اليوم التالي.
♕♕♕♕♕♕♕♕♕♕♕♕♕♕♕♕♕♕♕♕
في المساء
في قصر الراوي يعود عبد الله الى المنزل ويدخل الى غرفته ويغير ملابسه وينزل الى الاسفل ليتناول العشاء مع والديه.
سعد: عبد الله هم فين اخواتك.
عبدالله: كان في شويه مشاكل في اكثر من فرع فبعتهم يحلوها عشان المستثمر لو عرف ان في مشاكل في الشركه هيرفض انوا يستثمر مشروعه معانا.
هبه: طب هم هيرجعوا امتى
عبدالله: انا قلت لهم مش يرجعوا غير لما يحلوا المشاكل دي.
سعد: عبد الله لما اخواتك يرجعوا قل لهم ان في تجمع عائلي اخر الاسبوع ولازم الكل يحضر وما فيش اي اعذار تحت اي سبب من الاسباب.
عبد الله: حاضر
بعد اذنكم انا خلصت عشاء وهروح انام عشان عندي شغل بكره بدري، تصبحوا على خير.
سعد: هبه انت اتصلتي بحسين واحمد ومحمد.
هبه: لا لسه هروح اكلمهم اهو.
سعد: ماشي تمام بس اكدي عليهم لازم يحضروا و ما فيش اي اعذار.
هبه: حاضر.
لتصعد هبه الى غرفتها وتمسك هاتفها وتقوم بفتح مكالمه جماعيه مع ابنائها حسين واحمد ومحمد.
هبه: ازيكم يا حبايبي عاملين ايه وحشتوني قوي.
ليجيب حسين واحمد ومحمد في نفس واحد: وانت كمان والله يا ماما وحشتينا قوي.
هبه: يا حبايبي بحبكم قوي، بصوا في اجتماع عائلي اخر الاسبوع وباباكم اكد عليا انكم لازم تكونوا موجودين في الاجتماع يعني من بكره تاخدوا اول رحله جايه على مصر وتيجوا حالا.
حسين: ليه يا ماما في ايه حصل مشكله ولا ايه.
هبه: لما تيجوا هتعرفوا كل حاجه
احمد: يعني في مشكله
هبه لا يا حبايبي اطمنوا ما فيش اي مشاكل.
محمد: تمام يا ماما احنا هناخد اول طياره جايه على مصر وهنيجي مع السلامه.
وفي صباح اليوم التالي
ذهب عبد الله الى الشركه وقام بارسال رسائل الى اخوته ليرى ماذا حدث في مشكله المظاهرات المنتشره في الفروع المختلفه للشركه.
وبعد عده ساعات يصله مكالمه هاتفيه من اخته اميره
اميره: عبد الله الموظفين اللي في الجيزه عايزين زياده في المرتبات وانا قلت لهم اني هزودهم بنسبه 20% وقدرت احل المشكله والامور في فرع الجيزه ماشيه تمام و بعتلك كل التقارير عن فرع الجيزه على الايميل هرجع بعد كام ساعه.
عبدالله: تمام قوي بس اتاكدي انهم مش هيرجعوا يعمل مشاكل تاني
اميره: تمام
بعد عده ساعات اخرى يصله مكالمه اخرى من اخوه عماد
عماد: عبد الله الموظفين اللي في السويس عايزين يعملوا نقابه عمال جديده خاصه بيهم في الشركه وانا وافقت على انشائها وفرع الشركه اللي في السويس ماشي تمام و بعتلك كل التقارير على الايميل و هرجع بعد كام ساعه
عبد الله: تمام اتاكد لي ان ما فيش اي مشاكل تانيه هتحصل.
عماد: تمام
وبعد عده دقائق من مكالمه عماد يصل له مكالمه اخرى من كريم
كريم: عبدالله الموظفين في بورسعيد كانوا عايزين يزيدوا من الحوافز والرحلات الترفيهيه علشان هم بيشتغلوا بجد من اول السنه لاخرها وانا وافقت ان يزيد من نسبه الحوافز واعمل لهم رحله كل ثلاث شهور و بكدا المشكله انتهت وفضي والامور ماشيه تمام في فرع الشركه اللي في بورسعيد و بعتلك كل التقارير على الايميل وهرجع بعد كم ساعه.
عبد الله: تمام اتاكد ان كل حاجه ماشيه تمام مش عايز اي غلط
كريم: تمام.
بعد اكثر من خمس ساعات من مكالمه كريم تلقى عبد الله مكالمه من مصطفى
مصطفي: عبد الله الموظفين في اسكندريه عايزين يزيدوا نسبه الارباح اللي بياخدوها لما الشركه بتكسب سنويا وانا قلت لهم هزودكم بنسبه 10% و فضيت المظاهره بس في شويه مشاكل في فرع الشركه اللي في اسكندريه و هفضل كام يوم كمان عشان اخلص الامور هنا.
عبد الله: تمام عايزك مش تمشي من عندك غير لما تخلص كل المشاكل اللي عندك.
مصطفي: تمام
في المساء
وفي قصر عائله الراوي
عاده عبد الله كالعاده من عمله الساعه 10:00 مساء، ووجد اخوته قد عادوا هم ايضا.
عبدالله: ايه اخبار الشغل في الفروع
عماد: كله تمام في السويس
اميره: وكمان امور الجيزه تمام وكريم بيقول ان امور بورسعيد ماشيه تمام.
اميره: هو فين مصطفى هو لسه ما رجعش.
عبدالله: لا لسه ما رجعش واحتمال مش يرجع غير بعد ثلاث او اربع ايام عشان في مشكله في فرع اسكندريه.
عماد: لو مصطفى عايز اي مساعده انا ممكن اروح له من بكره
عبدالله: لا مصطفى مش صغير هو يعرف يدبر اموره لوحده، خلينا في المهم فاضل شهرين الصفقه اللي احنا مستنينها ومش عايز اي مشكله تحصل، اه كنت هنسى في اجتماع عائلي اخره الاسبوع لازم احنا الكل نكون موجودين ومش ينفع اي اعذار.
اميره: الاجتماع ده بمناسبه ايه
عبدالله: لسه مش عارف بس بابا بيقول ان هو مهم
عماد: ادام انت بتقول اللي هو مهم اشمعنا هيكون علينا احنا بس بالنسبه لي حسين واحمد ومحمد
عبد الله: هم كمان هيرجعوا من السفر عشان زي ما قلت لكم بابا بيقول ان الاجتماع مهم وكمان لسه هفاتح مصطفى فيه بس لما هو يخلص المشاكل اللي عنده.
اميره/عماد: تمام
وعدى ثلاث ايام وكانت الحياه روتينيه في الشركه والقصر ورجع حسين واحمد ومحمد من السفر عشان الاجتماع العائلي وكان لسه مصطفى في اسكندريه عشان بيحل مشاكل الشركه هناك
اتصل عبد الله بمصطفى
