فصلية لوحش💔😭

بارت الاول

سلام عليكم اني مسك  حالي حال البنات وجميلة بمعنى
الكلمة كلمن شافني يكول ايه من الجمال نيال الي راح ياخذج لون عيوني يسموهن لون البحر لان زرك كلش حلوات لون شعري لا هو اسود ولا هو اشقر كلش حلو اصلا من جنت صغيرة جان بلون الذهب بس من كبرت تغير صار اشقر فاتح كلش الحمدلله والشكر ربي منطيني جمال كلش حلو اني وحيده اهلي بابا بابا متوفي عايشه بغداد ويه اهل ماما لان هيه بغدادية واهل بابا ناس من ذولي اهل العشاير وعايشين بالجنوب
راح احجيلكم نبذه عن قصه اهلي بابا ابن شيوخ واهله ناس معروفين وعشيرتهم قويه بس معروفين بالقساوة كلش بابا جان
يحب التحضر
عكس أهله وخوانه فجان طالب هندسه وقبوله طالع على بغداد
فمداوم بغداد وهناك متعرف على ماما وحلو بعض وراها من راد يخطبها
أهله ما وافقو لان يريدون بت عمة وهو يكول لو نورهان (ماما) لو ما اخذ
وابقى طول عمري بدون زواج وباقي مبتعد عن أهله وكرايبه ومعتكف لحد ما قابلين بشرط
انو تعيش عدهم ما تسكن بغداد هذا الحجي انو همة ميريدوها ماما ما
جانت تدري بي بس هو كايللها انو ماخر الخطوبة لان عمه هادي بته اله
هديه وعلما يشوف حل ويجون يخطبون عاد بابا قابل لان ما

مصدك يقبلون خاف يتراجعون بقت ماما خاف متقبل المهم صايره المشيه ورايحين ومشين على ماما وقابله بس ما كايللهم
انو تعيش عدنه بالجنوب بابا كايل اني اكوللها وأقنعها عاد وراها بفتره من الخطوبة كايل لماما ومتخبله كايلتله اني
شلون أعيش بالقريه ما اعرف كلشي كايللها مجرد وقت ونرجع نعيش بغداد بالكوة قانعها وراها صاير بسرعه لان بابا خايف أهله يبطلون وبعدها عاشت بالقريه اهل بابا يضوجون من عدها وميحبونها ودوم يعزلونها عنهم وعمتها الي هية جديتي شاده وياها هيه وبناتها عماتي يعني ونسوان ولدها نسوان عمامي وهيه نازكة متتحمل بعدها صارت حامل بيه خمسه اشهر ومتوفي
بابا اثر مشكلة عشائرية صايره عدهم
والعشيره الثانيه مسوين هجوم عليهم وبوقتها كاتلين كومة من
عدهم عدد هواي
راحو غدر وبابا واحد من عدهم ماما متخبله وهيه جانت تموت
على بابا كلش تحبه
بعد الفاتحة مال بابا ماما رايده ترجع لبغداد ويه اهلها واهل بابا
ما قابلين لان جانت حامل بيه كايليلها جيبي وانطينه البنيه ودرب السد لا رد بعدها ماما متخبله كايلتلهم بتي اني والي ولو تموتون
ما تأخذوها من عندي
تالي ممخليها تطلع ومخابره على اهلها وكايلتلهم وجاين وياهم
الشرطة
وكايليلهم انو محتجزين بتهم عدهم بالقوة وبعد مشاكل الشرطة
وبيت جدي
كادرين يأخذون ماما وهذا الشي زادهم كره لماما وكالو عليها
العرمة الوكحة واشكال لان جابت الشرطة بعدها وره خمسه اشهر جابتني وسمتني مسك
وهنا هم انفتح موضوع انو يأخذوني عدهم وماما ما قابله ومتعاركين

وماما مشتكية عليهم بالمحكمة وفاتحين دعوى والقاضي بعد حجي ماما اله والإثباتات
منطي الوصاية لماما لحد ما يصير عمري ١١ سنه وابلغ سن الرشد واني اختار ويه منو ابقى
وهم ما عايفين ماما وكايلين انو اذا ازوجت اني ارجع عد اهل بابا
وماما متعهده تبقى بدون زواج وتبقى تربيني الي عاد هم ما كدرو يسوون شي وجان الهم كل فتره وقت مخصص يشوفوني بي ورغم هذا من اروح ماما متخليني اروح وحدي تروح هيه ويايه رغم الي تسمعه والي يصير بيها من تروح بس تكول
لخاطرج كلشي أتحمل وفعلا بقت بدون زواج علمودي
وكبرت وفات يوم وراح يوم وصار عمري ١١ لازم اقرر ويه منو
ابقى
تفاعل حبايب كلبي علمود انشر بأسرع وقت النشر بالبدايه حيكون حسب
التفاعل🌹