فصلية لوحش💔😭

بارت 17

ضلت تمشي الأيام واني اتوسل بي بس اعرف خبر عن امي ماكو ميقبل
وكل يومية اريد انهزم وماكو فأيده
وعبر الي اكثر من  20يوم من الي صار  بليل حاولت انهزم ولزمني نمر الا
ما كسرني تكسر شعل جدي السابع عشر تمنيت لو باقيه وممهزومة احسن
صار الأربعين مال أهله وسوو وليمة جبيره المنطقة كلها عزموها
والنسوان سون عزة وجابن ملايه واجن بيت عماته وعمامة وخواته والكل البجي والنحيب الي سونه خواته وأمه واني الرايح

والراد يكفخ بيه واني تعبانه وجسمي نحلان وبت عمه لنمروحده فد نعال وحقيره تروح وترجع تتفل وتضرب واني لا حول ولا قوة لحد ما ثاني يوم راحو زياره للنجف واني بقيت ويمي ام علي
دنشتغل ونعزل البيت لان مكلوب دخت دوخة كلش قويه كعدت للكاع والصبح نفسي لعبت من البيض
كالت ام علي بس لا
كالت انتي فايتج يعني كتلها هو اني من اجيت لحد الان ما اجتني بعد لان قبل لا اجي بكم يوم اني غسلت
كالت اَي وانتي قرابه العشر ايّام واجيتي وهسه طلع الأربعين يعني صارلج كومة لعد هاي حامل
كتلها بخوف لا خاله فدوة لتكوليها كولي غيرها
كالت ليش كتلها من كل عقلج اني اريد انهزم واخلص انوب اطلع حامل يعني اكعد وانجب
كالت انتي اذا حامل بعد ما منها مفر حبيبه خوب جيبي وانطيهم الطفل ويعوفوج بحال سبيلج
كتلها وشكلولج كاعده أوزع اطفال ثواب وفوكاها اول طفل يعني هاي بيا قانون صايره لخاطر الله
كالت لعد شلون اذا ما جبتي طفل الهم ميعوفوج
كعدت بالكاع ابجي بعلو حسي لان ماكو احد بالبيت لدرجة اتهسترت رسمي
ردت كامت تلعب نفسي اخر شي استفرغت متحملت بس حتى روحي طلعت لان التقيء كلش يأذي من ارد على راسي احس راح ارد روحي هم وتطلع

اخر شي كالت ام علي تريدين اجيبلج تحليل بيتي باوعت عليها متردده
بعدين كتلها اَي فدوه من دام همة مموجودين علمود اعرف شنو النتيجة
كالت هسه اروح اجيب الج من هاي الجده الي وديناج عليها شوي قريبه
كتلها كيفج المهم بس جيبيلي
والله راحت واني مددت عالتخم الي بالصاله لان دايخة وتعبانة كلش
وره نص ساعه يله أجت كتلها تاخرتي كالت يمعوده علما وداني الحارس
مقبل الا كتله مرت شيخ فهد مريضه بس اجيب الها دوه من الجده رد خابر نمر يكله يله يوديني بس ربج حضج عدل همزين مجاوبه كوه قنع ورحت َو َيا وجبته واجيت كتلها قصدج الفصليه مال نمر كالت دكومي يله بساع سوي عوفج من الحجي
اخذته ورحت للحمام الجوة سويته صار من نزلت جوة ما اسبح بي خواته وأمه ميقبلن عاد كلت لنمروخلاني اسبح بالحمام الي بغرفته
وره شوي طلعت النتيجة لطمت على خدودي وطلعت اركض وأصيح وج خاله لحكيلي جتي تركض كالت ولج شكو خير
كتلها لج خاله طلعت حامل جان تكول طاح حضج عبالي بيج شي اَي بالخير يوم نفاسج وتكومين بالسلامة وانشالله ولد الصالح
صرت اعصاب شمرت حتى التحليل من ايدي وكمت اعيط كتلها خاله يا خير يا خير كوليلي اني تعزيت وتصخمت تدرين اذا درو

شنو حيصير كالت على كيفج يمة فدوة اَي شسوين متكوليلي لخاطر الله
ما بيدج شي ارضي بواقعج بعد
كتلها والله لو اعرف اموت هم ما اقبل بهذا الأمر واكعد
كالت والحل كتلها مو جايبه تلفونج كالت اَي كتلها خلي ارجع اخابره كالت مو نمر خلاه عد الحارس كال من تريدين شي طلعي خابري
كتلها اووف اووف وين اولي هسه
زين من دام همة مموجودين خلي انهزم كالت يمة منين تنهزمين ونمر محسب بكلشي قفل البوب كلها وشال المفاتيح
ووكف واحد من الحراس على باب المطبخ واليوم زيد الحراس لان مموجودين وبعدين بيت عمامة بيت على بيت مفتوحات وين تنهزمين كعدت بالكاع الطم واكوللها اَي سديها بوجهي سديها
كالت دكومي فرفحت روحج امشي
كعدي مددي مو حتى روحج راحت كتلها عساها كون واخلص
كالت اتعوذي من ابليس يمة واستغفري الله
كمت اسحل بروحي وابجي ابد ما سكتت
واحجي وينج ماما فدوة تعاي ليش ما جيتي لحد الان
صار وكت الغده اجتي ام علي للصاله جايبه الصينيه علمودي خطيه كمت اكلت شوي تمن ومرك لان اليوم جوعانه
بس اكل واصفن اخر شي كلتلها خاله كال ها عيني
كتلها لتكوليلهم حامل كالت يا ليش وج عاد عالاقل شوي تخلصين من الضرب

كتلها ميخالف لتكوليلهم هسه بلكت اكدر انهزم ما ابقى واذا در اني حامل مستحيل اكدر اطلع وهمة درو بيه حامل
كالت يمة لو ترحين لآخر الدنيا من دامج حامل بابنهم مستحيل يعوفوج وبالأخص نمر بعدج متعرفي يطلعج من جوة الكاع مو سهل تره
كتلها اني بس اطلع منا وأوصل بغداد يصير خير
كالت والله يمه ما ادري شنو اكولج بس خاف ياذنج وانتي حامل كتلها خليتها على الله
كتلها زين خاله اني انطيج رقم امي وصوفي وجدي ودكي عليهن
الي ميجاوب دكي عالثاني
كالت اَي والله هم صدك ميخالف كتبيهن واني ادك عليهم كمت بكل قوتي هلكد ما روحي طافرة وأريد بس اخلص
دورت ورقه وقلم ماكو صعدت لغرفه نمر طلعت ورقه بدون ما اخربط الأوراق وكتبت الأرقام بساع ورجعت القلم وطلعت من الغرفه نزلت بساع ونطيت الورقة لام علي ضمتها بجزدانها كتلها ضميها بالجيب الصغير لا يروحون يلكونها لان صارت بيه خوفه منهم كلش
خطيه ابد مخلتني اشتغل اليوم كلة ضليت كاعده لحد ما سمعنه صوتهم بليل رجعو والبجي والنوح من الباب بده من اول منزلو
وام فهد متخربطه على كبر ابنها كد ما لإطمة وموديها للمستشفى
وخواتنه يتباجن انوب حتى المزوجات يبقن اليوم هنا اوف يابه اويلي
ام علي من سمعت اجوي كالت كومي اوكفي بالمطبخ سوي روحج تشتغلين عساس علمود ليلزمون حجة عليج

اني من صدك كمت ما بيه حيل كتله بس رغم هذا كله مخلصت اول مطبت ام نمر وهيه منا متمرضة على ابنها وتبجي ما سكتت
شافتني اني صرت كدامها واجت تركض عليه لزمتني ملختني تملخ وتعيط من وراكم راح ابني الله لا يوفقكم انشالله راح وليدي واني اعيط جوه أيدها ونمر  يباوع مبين حته باجي عيونه حمر ومهموم يعني رجع اذكر اخوه وراح يزيد العذاب
يباوع عله أمه ويدير وجها واني هاي البقره خلصت عليه واني ابجي وام علي تجر تكوللها فدوه عوفيها بداعته للمرحوم
ردت عليها الشيخة تكوللها عوفيها يم عليوي لا تدخلين خليها تبرد نار كلبها ردت ام علي بعيطه كلتلها مو شيخه مسك حامل هنا الكل سكت وخنس حتى ام نمر ونمر  بس سمع هاي إلكلمه رأسا اندار متفاجئ ومصدوم وشكلة ما صدك من سمعها بنت اللذين الله لا يوفقها انشالله دمتني خشمي كام يذب دم من وراها وره كتلها خلصت روحي من أيدها بالكوة وانهزمت للمخزن
طبيت اركض وقفلت الباب وكعدت ابجي طكيت من البجي اوف يا خاله مو كتلج لا تكولين ولا تحجين شحجاج متكوليلي شراح يخلصني هسه
ضليت بالمخزن ما طلعت ومحد اجة وسئل عليه بس ام علي وتوسلت افتح الباب كتلها خاله عوفيني لا اكتل نفسي هسه والله صدك عافتني وراحت وبقيت بدون لا عشه ولا بدلت ملابسي
لحد نص الليل واني كاعده وابجي بلكت باجر خاله امرها تجيبلي خبر عن امي سمعت الباب مال المخزن انفتحت بس اني قافلتها
عرفته نمر جان يكول مسك افتحي الباب هاي اني لتخافين ضحكت بيني وبين نفسي يعني عود ما اخاف منه هو ساس البله انته شكد حقير وكرهتك يربي

ما رديت عليه ولا جاوبته ولا سويت صوت علمود عباله نايمه
تالي راح من شاف ماكو جواب لان عباله نايمه لان جان نص الليل
ثاني يوم دكت الباب ام علي اني كاعده ابد منمت ولا كدرت انام
كمت فتحته الها شافتني عيوني مورمه محجت شي بس تهون عليه رحت غسلت وجهي عالمغسله الي يم الحمام بالختله لان حتى هاي ممسموح الي اوصل يمها
رحت للمطبخ بلشنه اني وام علي هيه تسوي ريوك واني احظر الغراض والمواعين لان ممنوع عليه اني اطبخ او اسوي اكل يله بعد احسن بهواي أولهن ما اكدر اسوي لان نفسي تلعب
كملنه ورحنه حطينا بالصاله وطبيت للمطبخ وهمة كعدو يتريكون
اني بس صبيت جاي وكعدت اشرب ما الي نفس كلشيت حتى الجاي واصلا اني ما احبه بس ردت شي يطب بمعدتي علمود اكدر اوكف حتى لو بس مي
ام علي مقبلت كامت تحجي عليه وانتي حامل وشايله روح اثناء هذا الحجي طب للمطبخ نمر ديطلع للشغل بدون ما اباوع عليه واشوفه كتلها ما اشتهي شي ما الي نفس
باوع عليه وخله وطلع
كمت كوة اسحل بروحي حيل تعبانه اني صارلي اسبوع هاي حالتي وتالي طلع سببه الحمل لان اني عندي فقر دم
الحمدلله من طلعن خواته لنمر ما ضربني بس لو يحجن عليه ويذبن حجي لو يتامرن من يريدن شي وميصيحن باسمي كله الفصليه لو يتفلن عليه

أمه نمر اليوم ما طلعت مريضة ونايمة من وره ابنها البارحة من رايحة عليه للمقبرة لليل داريد اسبح لان اليوم مسبحت ابد وهنة ميخليني اسبح بالحمام الجوه
اخذت ملابس وصعدت اسبح فوك كملت وطلعت جان هو موجود ثاري طلع مراقبني الخبيث ومنتضر اصعد علمود يلحكني
طلعت اتحاشيت النضر اله وما باوعت اصلا بس هو حاجاني جاوبته على كد السىؤال وخليت داطلع لزمني من ايدي
كال اوكفي اريد احجي وياج مرديت بس انتضرته يحجي ويكمل اريد اطلع
خله ايده على بطني وجان يكول يعني هسه ابني هنا بين احشائج صار
يعني انتي شايله ابني هسه يعني انتي شايله روح مني بطنج باوعت عليه هذا شبي خبل يربي
كام يبوس بركبتي ويهمس احس نفسي لعبت وكزبر جسمي ردت اوخر مقبل تالي هو فقد واني جريت ايدي وطلعت بساع كال وين ترحين اليوم تعبان بس اني الج باجر