فصلية لوحش💔😭

بارت14

طلع وركع الباب وراه استغفرت الله

تالي كمت اطلع من الملابس الي جابهن الي علمود اسبح .لان صار من اجيت عدهم لحد الان لا سبحت ولا بدلت ....كمت طلعت الملابس من العلاليك !!ولن اشوفه جايبلي دشاديش عزه تخبلت اني ما اعرف البسهن
يربي هاي شلون فوكاها ما جايبلي لو تراكسود وأحد
وفوكاها مبينات عريضات
شلتهن وطلعت وداصعد عليه اكله هاي شنو جايب
لاكتني ام علي كالت ها خير شبيج كتلها شوفي شنو جايب الي وين البس هيج اني ؛جرتني من ايدي وطببتني للمخزن
كالت وج اسكتي يالمعزايه هسه يموتوج الله شاهد البسي واسكتي

كتلها بربج خاله شوفي وحدتهن شعرضها قابل اني هيج سمينه وجايبها هيج
كال هسه البسي وحده وانطيني الباقي اخذهن وياي عندي مكينه اخيط بيها عود اني أصغرهن الج كتلها صدك خاله كالت اَي والله
تشكرت منها وكتلها بس اريد اسبح وين الحمام
كالت كومي ادليج حتى من تطلعين نتغدى اني وياج كتلها بس دقيقه بلكت جايبلي منشفه باقي الغراض فتحت العلاليك َو َيا ريت مفتحتها
جايبلي ملابس داخليه عزه شكد جريء وعود منسق ومختار
حلوات
شكد فشله فتحت الباقيات همزين جايبلي شامبو وغسول حتى الليفه
بس الملابس سود جايبهن اااوف
اخذتهن وطلعت وصلت للحمام مقفول احد كاعد يسبح انتضرنا يكمل الي يسبح وادخل اني اسبح ام علي راحت صاحو عليها الحراس
انتضرت قريب على باب الحمام لحد ما انفتحت الباب وطلعت بنيه مبينه اخته لفهد

شافتني خزرتني كالت بنتر شسوين هنا كتلها اريد اسبح
كالت وين هنا
كتلها لعد وين
جان تكول باحلامج
اكسر رجليج
كتلها ليش
لعد وين اسبح
كالت بالكبور ولتراددين كتلها احترمي شنو بالكبور شنو شايفتني زعطوطه كدامج كامت تعيط
واجت تمد أيدها عليه
لزمتها وكتلها
احترمي نفسج اني اعرف اجاوز ما اسمحلج تمدين ايدج عليه كالت اليوم انتي كلتي هيجي الا اطلع بروحج
اجتي ام علي على عياطنه
تركض وذيج هجمت عليه تريد تضربني

وام علي وكفت بالنص تريد تفك بينه على صوتنه طلعو الي بلبيت كلهم نزل نمر من فوك يركض
كال هاي شكو
جان تستلمة بدموع التماسيح ترضاها يخويه الفصليه تجاوزعليه وتضربني هو عيونة صارت براسه
تكله وغلطت على أبويه وعليك
اني تخبلت كتلها
يا جذابه خافي ربج
شوكت كلت هيج لو ضربتج
ما احس غير نمر ضربني راشدي
فر راسي فر
انداريت عليه
جان يكول شلون هيج
تكولين على اختي
وضاربتها
وتغلطين على أبويه
ضربني لحد ما خشمي فاظ دم
واني اكلة والله جذابه والله محجيت هيج كمل ضرب شمرني يم رجلين اخته

كال اعتذري بساع
كتله والله لو اموت
هجمت أمه عليه
الا ما ملختني
وهو واكف ويباوع عليه
ولا حرك ساكن
وامة وحدة ضخمة وتضرب قوي
حتى الفيل احسن منها
واسي انفتح والخياط رجع يذب دم
الكاع صارت عباره عن دم
الله شاهد يمكن مبقى بيه ولا قطره دم من كد ما نزفت اخر شي طحت ما تخربطت واغمى عليه بس ما بيه حيل اشم حتى الهوى
سمعت جدهم يكول كافي
لا تموت عوفوها
عافوني بالكاع ورجعو لغرفهم
هو َضل يباوع عليه وره شويه صعد
اجتي المنقذة خطيه ام علي تركض
بجت عليه رادت بس تشيلني ما كدرت
واني ما بيه أكوم بس أكوم اوكع
لان دايخة حيل

صعدت تركض مدري شسوي
نزلت وراها نمر
اجى شالني وتكوله يمة
فدوة شوفها لا تموت
ساكت ميحجي شي
شالني ووداني للمخزن
نومني بالفراش افتح عيوني واسدها
كلتله يمة خلي نوديها للمستشفى
كللها ميحتاج هسه تصحى
ضليت اسمعهم بوشوشه
مو وضوح بس
احس تبللت من الفراش
ام علي :يمة فدوة دمها هم خلص باوع للفراش
نمر :تعاي بس نشيلها ونغسللها وبدلي الفراش بلكن يوكف الدم مسك :حسيت عليهم يوكفون بيه كمت رأسا دخت ووكعت ما
حسيت بشي بعد
ام علي : وج عيني يمة عزه رح تموت البنيه نمر/بس جيبي شي يسترها
ام علي :لكيت جايب شي مثل الشال طويل
ذبيته عليها حتى مو وكت نبدللها
نمر:طلعت اركض بيها للسياره صارت صفره وشفتها بيضه

كلت لا تروح تموت
طلع جدي كال ها وين شافها غركانه بدمها
شوفتها هيج تكفي بدون اجابه
بس كتله للمستشفى
وركبت بساع وأخذت ام علي وياي
انوب لا أيد ولا رجل يربي
وصلت للمستشفى ونزلت
اركض وأصيح
رأسا جابو سديه واجو يركضون حطيتها
وضليت أغطي بيها ما اريد اَي شي يطلع منها طلعو يركضون طببوها لغرفه الطوارئ
واني كلت يربي بس لا تموت
زودتها وياها زين شلون راح تعيش ويانه هاي
وهو البيت كلة متحلف يطلع قهره وقهر موت اخوي بيها
يتبع......