فصلية لوحش💔😭

بارت20

صرت زينه وشالو عني الاجهزه وكدرت انهزم من المستشفى ونمر دره بيه انهزمت ولحكني بس راسن رحت للمركز الشرطه وشتكيت بتهمة اختطاف وضد القانون وكدرت اخذ حقي من عدهم ونمر وجده وجدي كدرت اسجنهم ع التعذيب الي شفته 10 سنوات مشت الأيام وصارت السنه الدراسية
الجديدة
مقبلت اقدم وارجع اكمل كليه ردت ابقى اعتني بماما
بس بيبي مقبلت وخالتي هم كامت تحجي عليه وحتى ماما هم مقبلت رادت اكمل
عاد بعد إصرارهن رحت قدمت للكليه وجان الاتفاق انو بيوم الدوام وفتره الدوام بيبي او خاله تعتني بيها لان خاله طالعه تقاعد شوي اكبر من امي هيه
عاد والله فعلا قدمت وهاي الفترة كلها علي وياي عجيب أمره وانواب يلمح لشئ
بدة الدوام ورحت للكليه من شافوني أصدقائي وصديقاتي تخبلو وتفاجؤو
وكلها أجت تسلم وتسال وبقيه الكليه يمشون من يمي ويباوعون او اني من امشي يباوعون عليه ويحجون بيناتهم
وهذا الي يكول رحتي فصليه وشلون عشتي واشكال وجنت اردلهم رد يفشل او اني افشلهم او اغلس وما اجاوبهم وعلي حتى للكليه كام يجي عليه ومن شاف الوضع بالكليه امني اَي شي يصير او اتعرض اله ابلغه
صديقاتي تقدمن مرحلة واني لا يله الحمدلله على كل حال شسوي وعد إلله حق
والحمدلله على كل شئ كام علي يجي هواي للكليه واني بديت اضوج لان كمت اسمع اشكال الحجي
ورزلته وعصبت عليه وزعل وراح وما اجة بعد ما انكر انو انواب استفقد وجوده او جياته عليه بس اذا ناوي على البالي ما يصير لان ما بيه
وما اكدر أخوض تجربه واني بعدني ما متعافيه من أزمتي الي مريت بيها
عبر شهر على دوامي بالكليه تأقلمت ويه الوضع الي يصيرلي بالكليه وبيوم انجمعنه اني وصديقاتي بالكافتريا
وجان يوم خميس وكالن ضوجة وكأبه ومن بدت الكليه لحد الان مطالعين
كتلهن اني شكول لعد
حتى من اجيت مطلعت ضليت ملتهيه ومن سافرت هم مطلعت ومصطفى شكد راد مني بس مجان الي نفس
ضلينه نحجي عاد اني هم محتاجة طلعه وتغير جو ويه صديقاتي وما اشتريت ملابس خابرت الي يشتغلون بالمحلات كتلهم يدزولي من كل موديل قطعه اشوف واختار
وبس من محلاتنه اشتريت غيره مطلعت صرت احب العزله والكعده وحدي وما احب الصوت العالي رأسا راسي يوجعني وعلي ماكو وما اجى بعد ولا شفته فعلا ضوجة عاد كتلهن خلي باجر نطلع ونروح للمول من دام جمعه
كالن ليش مو اليوم كتلهن لا اريد اطلع ماما صار كومة ممطلعتها وهسه من ارجع عدها جلسه علاج فيزيائي لازم اوديها كالن اَي والله نكيف
كتلهن هايهيه تمام اتفقنا باجر اني العصر أمر عليجن ونروح للمول
جنه احنه اربعه صديقاتي ٣ واني الرابعة عاد فعلا رجعت وديت ماما للعلاج الفيزيائي ورديت انوب رجعت وسبحتها وبدلتلها وكلت لبيبي واخذنه جدو وبيبي هم ورحت
طلعت بيهم للكراده  اني وماما وبيبي وجدو اهتميت بأدق التفاصيل لماما حتى نفسيتها احسب الها كل فتره لازم اطلعها أغير الها جو
عاد طبكت السياره يم مرطبات ونزلت نزلت جدو كام يكدر شوي يمشي عالكازه وبيبي تكوده
ورجعت نزلت الكرسي المتحرك ونزلت ماما ورحت كعدتها يم ميز
بره بالحديقه مال المرطبات وبيبي كعدت جدو وكعدت يمهم رحت طلبت موطه ( ايس كريم ) وعصير كوكتيل
اخذت الطلب ورحت كعدت يمهم نطيت حصه بيبي وجدو وكعدت اني أوكل بماما على كيفي والرايح والراجع يباوع عليه كملت الموطة رديت شربتها العصير كملتها ومسحت حلكها وأشرت بيدها باوعت على اتجاه أيدها لكيت الموطة مالتي مايعه ضحكت كتلها فدوة الج يعمري لان اني تأخرت بتوكيل ماما لان على كيفي حتى لتختنك
عاد كتلها ولا يهمج اروح اجيب الثانيه هسه واجي وفعلا رحت طلبت غيرها وأخذتها ورجعت كعدت يمها واكل تباوعلي وتبتسم كلت بكلبي ربي لا تحرمني من هاي الضحكة والفرحة ابد عاد صارت ب9 كملت وأخذت ماما كعدتها بالسياره وبيبي ساعدت جدو يصعد وخليت الكرسي بالسياره وصعدت
رجعنه للبيت طبعا بقيت على سياره جدو ما اشتريت ولا بدلتها لان التهيت بماما وما صار مجال
واصلا كلت خلي اكفي ماما ليش اروح اشتري واضايق نفسي واني ما باقيه بدون سياره
عاد صار ثاني يوم والعصر بدلت وكشخت وسويت شعري كيرلي وسط وتمكيجت بس مو مكياج صارخ لا مكياج حلو وبناتي ومرتب
ولبست بنطرون وبدي كالعاده بس هالمرة حلوات وبيهن فيكة وإكسسوارات وجان بنطرون ابو الكفة لبست حجل هم وترانشوز بيومها من اكثر من سنه اعتنيت بروحي لان عبر اكثر من سنه على حادثتي ويه نمر وأبد مفكرت بي ولا اريد افكر
وصار هاي شكد ممعتنيه حتى بروحي ولا مثل قبل اروح مراكز تجميل ابد
عاد كملت ونزلت طبيت لغرفه ماما رحت عليها بوستها وكتلها اسفه واعذريني اليوم اعوفج واروح اطلع ويه صديقاتي

ابتسمت وكامت تجر بحجيها يعني تريد تحجي وتاشر يعني بمعنى انو اطلعي واتونسي
بوستها كومة كومة وهيه تضحك وكتلها اعشقج ينفسي انتي يا ريتي وبستها اخر بوسه قويه مال انتقام
خليت وطلعت ركبت السياره ورحت على صديقاتي بيوتهن متفرقه مو سوه او قريبه او نفس المنطقة
اخذتهن وطلعنه وشغلنه اغاني ودك وركص بالسياره تخبلنه من صدك واني طلعت ضيم كلبي من صدك
ضحكت وتونست مكيفه وتغيرت نفسيتي شوي يعني من يوم الي رجعت ولحد الان حتى ما اختنكت ولا احتاجيت بخاخ او اوكسجين وصلنه للمول ونزلنه وافترينه واتسوكنه واشتريت ملابس وكملت ورحنه تعشينه وكملنة صارت ب١٢ كتلهن يله كافي نرجع للبيت ما اكدر اعوف ماما
اليوم ضغطت على روحي وعفتها كالن يله احنه هم اليوم نشبع رزايل لان علما نوصل بيش الساعه تصير
وفعلا خلينه ورجعنه وصلتهن لبيوتهن وطلعت داروح للبيت نص الطريق بشارع ما بي احد قله سيارات تفوت بي
ولن تطبك عليه سياره وتسد طريقي وينزل منها نمر.....