فصلية لوحش💔😭

بارت السادس

قربو عليه للسياره واني تخبلت ماما اصلا صارت مخبله
رسمي
تكول شلون وباذن منو هيج يسوون
واني صافنة على تخلفهم لحد وين وصل وعقولهم شوكت تتقبل
انو هذا الشي غلط
وباي حق وشلون
وبدون مياخذون رايي
وبدون موافقتي
وممسوين السالفه كلها ومدستريها
عبالهم اخر ساعه يله يكولون حتى يحطوني أمام الأمر الواقع هسه اذا اروح اشتكي عليهم الا اخليهم كلهم بالسجن حتى لو سالفه انو القانون وحد والعشاير وحد
بس اني من جماعه القانون مو العشاير يعني يدخلون سجن دكو الجامه مال السياره عليه ويكولون انزلي
كتلهم وخرو السيارات اريد اطلع ما انزل روحو على غيري اني لا منكم ولا بيكم
اجى ولد عمره تقريبا مبين طاب ب٣١سنه ضرب بابا السياره دفره انطعجت الباب تخبلت شلون يسوي هيج بيا حق
ماما كالت ديري بالج تنزلين لتفتحين الباب ترة ذولي وحوش وانتي بنص غابه هسه لتفتحين الباب ابد الموقف والمنضر جان صدك مثل مكالت ماما
بس شنو اني هيهات اسكت على الي سواه بيا حق هيج يسوي

حطيت ايدي على يده الباب وماما كامت تعيط كتلها ماما خلي انزل اصلا مديوخرون من الطريق من وين اطلع انتي دكي على
جدو او خوالي واني انزل
طلعت التيلفون ودكت على جدو
فتحت الباب وماما فحطت من البجي
اني مبجيت لان مو من طبعي على كلشيت ابجي ومجنت اعرف الأمور راح تصير صدك
كلت اني ما قابله باي حق يأخذوني فصليه نزلت وهذا جان مرادهم جرني عمي بس نزلت من السياره
وكال لا هواي طالعه عينج انتي ومستهترة حكج تربات المدينه بعد ما عليج عتب
كتله انته بالذات تسكت ومتحجي
بسبب ابنك وبسببك انته هسه تريدون اروح فصليه بيا قانون هذا متكولولي
حجى واحد من شيوخ العشيرة الي لازم اروح فصليه الهم
كال تره والله سبيتيني بالقانون هذا يا قانون هو وينه القانون الي ثبرتي الدنيا بي .مو كافي خبصتينه زلم مشوربه وشيوخ
معكلة واكفه علمود حضرة جنابج
كتله ومنو كلك اني اروح وياكم واني بالغه سن الرشد ومحد اله
دخل بيه
هسه اشتكي عليكم تره ضحك كال تره هنا ماكو قانون هنا اكو
عشاير والقانون قانو العشاير
وهسه يا شيخ حميد (جدي) شوكت تفض السالفه منطينه
فصليه لو حنان الفتلاوي مو لسان رشاشه وفوكاها وكحة ما لكيت غيرها يعني عود انتو اصل التربيه
ومنطيني فصليه الله ميجرعها كتله وشنو حضرتك تستهزء
وبعدين ما اسمحلك تكول عني فصليه

خوش مو بكيفيك هيه وهسه
بعدو عن طريقي اريد ارجع لبغداد وانتو ضلو بعقولكم المتخلفة جان يحجي هذا الي دفر السياره مالتي
ويكول هسه هيه هاي الفصليه مو كلوله اَي كال هايهيه حقنا أخذنا
توكلو شيخ يقصد على هذا الي حجة وياي طلع ابو وجان يجي يجرني
من ايدي تخبلت
كتله شلون تجرني وتمد ايدك عليه باي حق ممكن تكلي كلي
بدون هاي العرامه كلها امشي صعدي بالسياره وهو صاير نار وعيونه شفت جهنم بيهن وصاك على سنونه بس ما خفت منه
ماما تخبلت
كامت تدك وتلطم
واكول بنتي راح تروح مني مثل ما راح ابوها من عندي بسبب هاي عقولكم المتخلفة وجدي كام يغلط عليها ويسب ويكللها فضحتيني يالعايقه كدام الشيوخ يلي بله اصل
وجان تكلة حسبي الله ونعم الوكيل عليك وعساها حوبتي لا عدت عليكم
انشالله كلكم بيش تطلبوني
وجدي تخبل شلون هيج تحجي َو َيا
وعمامي كامو يغلطون ويكولون تره راسج نكسره لتكولين حرمة ومره االمرحوم اخونة
وهيه تخبلت والشيوخ يكولون لجدو خوش حريم طلع عندك شيخ العشيرة والكل تحلف بيك
كتله والله عاد امي تشرفكم يا متخلفين

جان هذا الولد كام يجر بيه للسياره يريد يصعدني بيها وبكل قوته ومبين عليه الغضب
واني اعيط عليه وما اقبل
وماما تجر بيه تخبلت وتعيط بتي
عوفو بتي يضلام الله لا يوفقكم واني ادفع هذا كامشني ويجر بيه من أيديه
اباوع عمامي ولا واحد تحرك وخلصني منهم وجدي نفسه ماكو اَي تعابير بوجها مقهور عليه او غير شي
وعود هاي اني بت ابنه وبت المرحوم
بس هو ولا يمة يابه بلحضتها شكد كرهتا وكرهتهم كلهم
َضل هذا الولد يجر بيه واني اضرب بي وماما تجر بيه وهمة ولا حركو ساكن بس يحجون على ماما وماكو احد يدافعلي
وهذا خلع حتى ايدي من الجر
ويمكن يلعب حديد لان ايدي راحت
وكلش قوي بحيث كوة مقاومة كلساع يجرني واعت ايدي منه تالي سحبني للسياره وعمامي جرو ماما مني
واني تخبلت هيه تعيط بنتي مسك واني أصيح ماما
صعدني للسياره بالدفرات واني ادفع بي وكعد بصفي وصعد السايق واني اعيط
وماما تخبلت حتى شعرها كامت تملخ بي
واني اعيط وادفر اريد انزل وقفل الباب من يم السايق من حرك السياره ديطلع انتبهت على ماما وكعت من طولها
اني تخبلت كمت اضرب وادك عالجامه واعيط وأصيح عبالك مو ماما وكعت احس روحي وكعت
لان اني روحي من الدنيا ماما كلش احبها ومتعلقه بيها روحي من الدنيا هيه امي
تخبلت كمت اعيط بالزايد واكوله حقير افتح الباب ماما وكعت لوه ايدي وكال اسكتي بت الكلب

منطيني كح.....ه مو مره
بس خلي اوصل البيت واني اعلمج
فوكاها منطيني وحده فليته ضليت اعيط وأصيح وهو ولا يمه كمت اضرب بي لزم أيديه ثنينهن
والشرار يطافر من عيونه
بس خلي نوصل
اوصل البيت واعقد عليج و اعلمج على الله شلونه ان ما ربيتج اوكفيلي
لا اطلع ضيمي وقهري وحركة كلبي كلها بيج
واني مستمرة اعيط
تخبلت روحي فرفحت على ماما
كمت كلما اعيط وكلما الح علية
بالحجي والغلط ينبت اضافره بايدي
بعد المعاناه والعياط والشي الي سويته
بالسياره وصلنه للبيت
َو َيا ريت موصلت منا ابتدء جحيمي يتبع....
تصويت حبايب كلبي😘️❤