فصلية لوحش💔😭

بارت السابع

البارت 7
دخلنه للبيت الي هو مثل بناء بيت جدي بيت عالي كلش وجبير وكدامه للبيت ممر طوله ١١١متر وأكثر من الجانبين جان حلو
همة ذولي بيت الشيوخ

طبك السايق السياره ونزل هذا الي بصفي بساع وجرني ويعت بايدي ويكول انزلي داشوف نزلي
من نزلت ردت افلت ايده وانهزم واروح على ماما وصلت بيه حتى بجيت عليها لان اتخبل اذا يصير عليها شي
بس هيهات هو الي يكول صمغ ولازك مو أيد عبالك جرني دخلني للاستقبال وآذاني كلش
عبالك حيوان عدة ويجر بي
دخلني وشمرني بالكاع
ودخلو همة محضرين الشيخ حتى يعقد مجهز كلشيت
كلت فوكاها هذا يمكن هو حيصير الله لا يكولها زوجي
اني اريد بس انهزم واعيط وهو مجلب بيه ويغرز اضافره بايدي حيل توجعت بس كلبي وجعني اكثر على ماما
بده السيد بالعقد سال على اسمي مقبلت اكوله وهمة ما انتبهو من صاحتني ماما باسمي
وهمة ميعرفون اسمي َضل يلحون عليه ويعيطون واني معانده ومصره ما اكول اسمي
هذا الي كامشني خنكني و الشيخ كله ابني ميصير خلي بلكت تلين مو هذا
غصب هيج يصير رديت عالشيخ كتله لعد من تدري غصب لعد ليش كاعد تزوجني وتعقدلي على واحد ما أريده
سكت رد هذا ضربني راشدي وكال شنو هالصلافه هاي ها بس خلي يعقد واني الج
ان ما خليتج تكرهين روحج

وتتمنين الموت اوكفيلي
ضلو يلحون وهذا كلش آذاني واني مصره ومعانده ما اكول اسمي تقريبا ساعه الا واني معانده
تالي كله لابو الشيخ دك على اهلها جدها او عمامها خلي يكولون اسمها تره حطلع بروحها
بس خلي تصير على ذمتي واشوفها العناد شلونه
صدك دك على واحد من عمامي
وكله يابه هاي العرمة الي منطيها النه مريد نعقد الهم ومتقبل تكول
اسمها شنو كله اسمها (مسك علي)
سده منه كله للشيخ اسمها (مسك علي )
كتبه السيد وكال لازم ترددين وراي وكلي وعاد اكثر من الف مره واني معانده ما اكول وراه
كله شيخ هسه شلون
كله والله عندي شغل وشوفه عينك كلساع يدكون علي
خلي احد يصير وكيل عنها ويكفلها يصير ولي امرها ويقبل اعقد الهم هسه
استغفر الله كال تعالو خلي واحد يصير وكيل عنها و يكفلها كله ميصير لازم
استغفرالله انعل روحة لابوج
على هذا شلعان الكلب
تخبلت كتله احترم نفسك
لتسب أبويه لو قسم بالله اطلع بروحك لجيب طاريه على لسانك
شو ذوله تخبلو

ادري جاوزت حديي
بس من قهري والتغيير والانقلاب الي صار بحياتي فجاه وبيوم
واحد
ما احس غير هذا شحطني بالكاع واكو غرفه اصغر من الي احنه
بيها بصفها حتى باب مفتوحة على باب طببني سحل بيها وشمرني للكاع وأجا ما اعرف منين تجيني الراشديات وخشمي كام يجري دم اول مرة بحياتي انضرب وانضرب بهيج قساوه كال شلون تحجين هيج ويه أبويه وكدام العالم وج شيخ عشيره
وحده دايحة ممربايه تجي تكله احترم نفسك كدام الزلم
وج اليوم اطلع بروحج
كتله متربيه احسن منك
ضربني راشدي وخنكني كال اني اعلمج اوكفي بس خلي يخلص العقد
الاكشر على راسج
واني الج كام قفل البوب ثنينهن واخذ المفتاح وطلع للغرفه الي جنت بيها قبل شوي
شكد بية وجع ما همني
بكد منضر امي من وكعت
نوب خرب بالحظ حتى موبايلي ما جبته بقى بالسياره وره شوي سمعت صوت جدي وعمامي وصوت عالي ويكولون منطينه وحده بت شوارع مو بت اوادم
الي عرفته من مصايحهم اجو يتكفلوني وياخذون الموافقه منهم علمود العقد
كمت ادك عالباب وأصيح جدو

عليك الله لتعوفني طلعني منا
جدو الله يخليك لتعوفني ذولي وحوش
جدو شلونها ماما خوما مو زينه فدوة جدو
بس جاوبني امي خوما بيها شي
لا حياه لمن تنادي
عبالك ميسمعني حتى ما حاجاني
سمعتهم عقدو واني تخبلت
وكمت اضرب عالباب وأصيح جدو لتعوفني
ذوله ضلام لتخليني وحدي هنا اريد اروح على ماما أخذني وياك
سمعت الشايب الجبير (الشيخ)
يكول ان كملتو توكلو بالله تراكم عدويني ودايسين بساطي
سمعت جدي يكله موش انه الانطرد خوش وانتو الي دكيتو عليه وردتوني اجي .كله حكنه منطينه وحده عرمه مدري شعجب
طلعت من جدي كله
احترم تره هواي جاوزت مهما يكون حتى لو نطيتها فصليه هاي
بت ابني سمعت دخل الشيخ بينهم حلال وسط وهداهم وراحو جدو وعمامي اني انجنيت كمت اعيط فدوه جدو لتعوفني بداعه بابا عليك ولا يمه اصلا طلعو للن ما سمعت حسهم وراها باقل الخمس دقايق اشتغلت جبهه هنا بالبيت عبالك خفت هاي اول مره
اسمع هيج طلق
خليت أيديه على اذاناتي وضميت راسي بين رجليه من الخوف يا ربي دخيلك شنو هاي
وره شوي بعد ما هده صوت الطلق
نفتحت الباب رفعت راسي باوعت هذا نفسه الي ضربني وصار زوجي
لحد الان ما اعرف اسمه شنو سد الباب وكال ايييييه هسه جا وكت الحساب
باوعت عليه نزع عكاله من راسه وكام يتقرب عليه واني ازحف

على ايدية
وارجع ليوره احجي َو َيا اباوع عليه ماكو اَي رحمة بكلبه مبين
من عيونه
كتله شدددسوي لخاطر الله
عوفني اروح شتريد مني وهو ولا يمه الحجي عبالك حتى كمت اخاف لان آذاني بالضرب قبل شوي واني هاي اول مرة انضرب
وشكلي من دامي باقيه هنا راح اشبع كتل