فصلية لوحش💔😭

بارت19

كعدت حسيت دم ينزل مني وبعد مشفت شي غير اغمى عليه ام علي صاحت كل صوتها وكالت
نمر الحك طلعت اركض لان اعرف ام علي متصيح هيج غير الا مسك بيها شي وصلت للدرج والكي مسك مدده بالكاع والدم تارس الكاع وهيه وجها أزرك وحتى امي وهناء يمها وأميره يصيحن ويكعدن بيها خفت وحيلي باد كلت بس لا الطفل بي شي يربي وحتى هيه نزلت الدرج اركض زين ما وكعت طلعو حبوبتي

وجدي شافوها وصلت يمها شلت راسها وأصيح مسك مسك ماكو ضربتها على خدها ماكو وجها صاير أزرك نيل مختنكة شلتها وطلعت اركض بيها طلعن وياي خواتي وهالمرة حتى امي أجت تركض وياي وام علي لبست عبايتها امي وذبن شال على مسك وامي كعدت يمي وام علي يم مسك طلعت اركض سقت بسرعه جنونيه كمت امشي ٢١١ ردت بس اوصل للمستشفى يربي ليش هيج شجرالها ام علي كالت يمة اختنكت فدنوب حتى نبض ما بيها شو تحجي وتبجي كالت وشي ابيض ديطلع من حلكها يمة بسرعه فدوة راح تموت هاي اذا بقت بيها روح اني وأسوق كتلهن خير شبيها شجرالها ليش هيج صارت قبل شوي طلعت من يم جدي ما بيها شي كالت امي احنة كاعدين وانتو صعدت شو نزلت هيه تلهث وكوة تمشي وبس تأشر متحجي اشرت عالدرج بمعنى صيحن نمر هناء كلتلها تريدين تخربين الحفله عليهم وعبالنه جذب بس شو كامت تنزف وفاضت ورأسا وكعت وعليها عاطت ام علي وهذا الي صار عطت كتلها انعل ابو الحفله لابو هيج لابو هيج انتي تدرين وضعها حرج وخطر وعلى ساعه نفقد الطفل شلون متصيحين بساع كالت يمه شمدريني عبالنه تتعاير وصلت المستشفى واني مثل المخبل نزلت اركض بيها وكذلك الطورائ رأسا بس شافوها خلولها اوكسجين ويريدونها بس تستعيد لون وجها وتتنفس شوي ماكو اجوي الدكاتره والدكتورات يركضون وسولها تنفس اصطناعي واني تخبلت بس الوضع ميسمح احجي لان راح تموت اتحملت ودست على نفسي وسولها اشكال رادو بس ويعيد التنفس ماكو هيه كامت تدرك اكثر وشكلها عبالك وحدة ميته النزيف لا زال مستمر اخر شي طببوها غرفه العمليات لان الأجهزة الأكثر والأحسن هناك وبعد ما درينه شي ضليت افتر واباوع حيلي يرجف ضليت اروح وارجع وساعه وهمة ماكو ومحد طلع وعبرت الساعه وانتضر وماكو وضليت استوي على نار هاديه اريد اعرف شصار لحد ما طلعت ممرضة تركض اسال

مجاوب شي وانوب اجة دكتور وياها وطبو يركضون وره فتره طويله يله طلعت الدكتوره النسائية ركضت عليها وملهوف ومتمني خبر سعيد وزين بس للأسف كالت اسفه البقيه بحياتكم حيلي باد كتلها خير دكتوره كالت للأسف حالتهم حرجة ما كدرنا ننقذهم والمريضة حيل جانت تعبانه ومنتهيه واي تمسك بالحياه ما عدها وشكد حاولنا وردنا وياها بس مكدرنا للأسف والعوض على الله تخبلت من سمعت هيج ما َضلت روح بيه كمت اصرخ واعيط مسسسسسسسك تخبلت معقوله ماتت
صحاني من تفكيري وتصوري الي خبلني صوت الدكتورة وهيه تحجي وتكول الام وضعها ابد مو زين وميبشر بخير وحالتها حرجة وللأسف فقدنا الطفل لان لكينا ميت بطن أمة وذببنالهيا بس بقت حاله الام حيل خطره وما اكدر انطيكم أمل بيها ويجوز خلو عدكم احتمال نفقد المريضة لا سامح الله كتلها فدوه دكتوره كولي غيرها كالت اَي والله كتلها زين ليش هيج صارت مع انو هيه تحسن وضعها شوي كالت متسممه والسم الي ماكلته قوي كلش وما يفيد بي غسل معده حتى بي أعراض مثل الي يبلع الكيمياوي ويموت بمكانه هو هم هيج بس اقل من الكيمياوي هذا يجوز تعيش ويجوز لا كتلها زين شلون يعني كالت عن طريق الاكل لان الاكل الي ماكلته طلع السم محطوط بي وواصل للطفل ورأسا ميت بمكانه ما اكدر أبشركم بشي هسه بس حالتها مو زينه وما اصور راح تلكة العلاج والعناية الزينه هنا أفضل شي تنقلوها لمستشفى أفضل والباقي على الله والعوض على الله وبعد يكملونها جوة وانشالله تطلع بس ما انطيكم أمل بيها

راحت واني حيلي انهد وكعت للكاع وية وكعتي طبو ولد عمي واجو يركضون راح ابني ومسك بين الحياه والموت كالو شبيك خويه خير ما كدرت حتى اجاوب بس اباوع بالوجوه من الصدمة ابني مات مرتي راح تروح من ايدي شلون أعيش بلاها اني تعودت عليها دخيلك ربي كافي عقاب هواي تاذيت راح ابني وهسه هيه راح تروح مني ما اكدر ربي ما اكدر ادري تعذبت هواي بس وعد والله بس تصحى ما اذيها بعد وتصير مرتي وانطيها كامل حقوقها بس خلي تصحى شتريد اني حاضر طلعوها من العمليات وره مده طويله وجان شكلها جنازه وديمشون بيها شكلها يخوف عضام وجها مبينه من الضعف اصابيع أيديها عضم وعليه جلد جان حالها يرثى له بمعنى الكلمه امي ضلت تباوع عليها وام غلي كطعت روحها عليها وولد عمي يباوعون عليها مقهورين واني اوف اني الدنيا كلها مو بعيني خلوها بالعناية المشددة لان حالتها حرجة هسه انتو تكولون هو سم قابل شنو بس السم جان بمعنى الكلمه قوي وقاتل في بعض الأحيان وهيه مريضه وما عدها مناعة ولا جسمها عده طاقه تحمل والطفل كذلك وهيه الربو مالتها كلش ماذيها فقر دم كومة بيها كلهن جمعن عليها اباوع عليها جثه ماكو اَي روح بيها خلوها بالعناية المشددة وكملوها وطلعو وسدو الباب وما مسموح احد يفوت عليها ضلينه كاعدين ونراقبها بس لا غمضتلي عين ولا اكلت ولا شربت ولا مددت ولا رجعت للبيت نهائيا يعني جدي دك عليه ما جاوبته لان مابيه حيل يوم هيه ماكو اَي تحسن بوضعها تسوء متتحسن تالي لليل اباوع عليها شو صدرها كام يصعد وينزل وبيها شي عرفت اختنكت ما عرفت شلون كلت لابن عمي يصيح للدكتور بات وياي لان حالتها حرجة كلشيت يصير خاف احتاج شي هو موجود

انوب علما راح يصيحة مثل الي عبالك بيها شي شو شوي وهدئت بس صفر الجاز مال كلبها بمعنى وكف كلبها واني هنا تخبلت كسرت الجامه اعيط واضرب بيها ومثل المخبل اوصل إنهائه الممر اعيط دكتور الحك ماتت وارجع اعيط مسك لا تعوفيني لحد ما اجو نص المستشفى على عياطي طب يركض وشافها هو والممرضين والممرضات وصاح بساع عالنتلات الكهربائية وأكثر من عشر دقايق هو يسويلها صدمة كهربائيه ومسك ماكوتخبلت اني رسمي كمت ادك عالباب واعيط افتحو اشوفها وتالي بجيت اَي بجيت هاليومين عرفت نفسي شكد احب مسك وعرفت نفسي أدمنت على مسك تالي ماكو ما استجابت للصدمات الكهربائية ضربوها الابره الي بالكلب شوي ورجعت نبضات كلبها كمت اعيط واكمز فرحان مثل المخبل وحضنت ابن عمي وابجي بعد ما ايست وفقدت الامل طلع الدكتور كال والله ردنا نخسرها مبين متمسكة بالحياه بس الأفضل تنقلوها لغير مستشفى ناصح الكم اني تره هنا والله لو مو اني موجود اليوم حضها قوي جان ماتت لان هنا مجرد يجون يفترون وما بيهم خير بس اسمه دكتور لو هسه هاي حالتها واليوم مو دوامي ومموجود جان لا سامح الله خسرناها واحنه مندري بعد اذا تتحسن ويجوز ترجعلها هاي الحاله كتله دكتور والله من هسه اطلع بيها بس كلي هسه زينه كال ما اكول زينه هيه ماتت ورجعت حيت انوب كتله زين ليا مستشفى اخذها كال اخذها لمستشفى بغداد هناك احسن بهواي منا بكلشي الكادر الطبي والأجهزة الأحسن الكم يعني كتله لا انشالله رأسا اطلع بيها لبغداد كتله اكدر هسه اطلع بيها كال لا متكدر لان حالتها حرجة انشالله الصبح عسا ولعل ميصير بيها شي لا سامح الله والصبح حكتب تقرير بحالتها ونحولها لمستشفى بغداد بس تطلع منا بالإسعاف لان متكدر نرفع منها الأجهزة ولا تكدر نعرفها بدون اوكسجين فتنقلوها لبغداد بالإسعاف ماشي كتله انشالله دكتور واذا مقبلو او

اَي خلاف صار او تأخرت بس كلي احنه بيت الشيخ كلهم يعرفونه وآي واسطه تحتاج بس كول كله الدكتور على راسي أتشرف واي شي احتاجة انشالله رأسا اكولك كتله انشالله بس فدوة دكتور اريد بس ادخل واشوفها مقبل كال مو زين توسلت بي قبل خمس دقايق واطلع لان مو زين والله طبيت عليها اوف يابه وصلت يمها واباوع شكول شحجي اصلا شما أوصف حالتها قليل بستها وشميتها اوف يريحة الجنه وعد والله بس تكومين وتكوفين على حيلج وتصيرين زينه لا اعيشج ملكة شتردين اسويلج اني حاضر بس كومي كال الدكتور هايهيه ابني خلص لازم تطلع بستها انوب وطلعت راح الدكتور وكلت لابن عمي الي وياي وخابرت وخابرت جدي وكلت للولد تره اني الصبح طالع لبغداد أتفقنه وكملنة وصار الصبح وصدك طلعنه مسك وخلوها الممرضين بالإسعاف واني صعدت وياها ويمها بالإسعاف وولد عمي بسياره وام علي كالت ما اكدر اعوف بناتي اروح للبيت ارتب أموري واشوف وين اخليهن واجي لبغداد عليها عاد بين ما تجي ام علي اخذت عفراء وياي فاجت بالسياره ويه الولد الطريق طويل من محافظتنا لبغداد وصلنه كوة عاد رأسا طلعنه بيها بالإسعاف والأجهزة مربوطات عليها طلعنه للمستشفى وصلنه ونزلوها وجان الدكتور متفق وياهم البارحة ومنطيهم علم بحاله زمرد عاد طببوها للمستشفى و ودوها للغرفه الي خصصتها الها لان حجزتلها كله بالخاص عاد شاعر الأجهزة الي عليها وخلو الها نفسهن وذنيج رجعوهن للإسعاف يرجعن وياهم لان مال المستشفى ضلت مسك نايمه او فاقده ومعدتها جانت حيل متضررة كلش بسبب السم الي ماكلته لان كلش قوي لو بس اعرف منو ورة هاي السالفه لحد الان ما حققت ويه واحد بالبيت ولا فتحت السالفه بس منتضر مسك تصحى وطيب عبر اليوم بخير وسلامة وفعلا جانت مستشفى هاي الي بغداد احسن لمسك وكل شوي جايين شايفها ويفحصنها الممرضات ويجي الدكتور

يطمن على وضعها ثاني يوم عبر ماكو شي ولد عمي رجعو حلو أمور جانت عدهم وكتلهم لتجون بس مقبلو ردو رجعو كامو انوب يتناوبون لو يجون اثنين او واحد وتناوبو واحد يروح واحد يرجع مسك صحت وعرفت الطفل مات وتخبلت وشلعت الأجهزة وكامت تعيط وانوب اختنكت ضربتها الممرضة إبره مهدء وكوة سحلنها الممرضات للجرباية مالتها ونومنها بعد ما مشه مفعول الابره
وربطن الها الأجهزة ونامت وهيه تدعي عليه وتحسب ما خلت ما حجت واني عذريتها بس خلي تستعيد عافيتها رجعت عفراء واجت ام علي هاي المره بشنو اجازيها ما اعرف ابد يعني امي مو مثلها عافت بناتها يم بيت عمهن واجت علمود مسك وين اكو هيج وحدة وهيه متقربلنة شي مجرد خدامة تشتغل عدنه ضل الوقت يمشي مسك عالعلاج صارت شوي احسن وزينه بس ابد متحب تشوفني تتخبل مني وقللو الأجهزة منها حتى مال
الاوكسجين الا اذا تحتاجة يله يخلو شوي ويشيلو منه