كتبنالك رسايل شوگ ،
بيها عتاب وحچايات ما تبرد
يمته تصير ونلاگيك؟
عين بعين ونحاجيك
ونگلك: خذانه الشيب يمعود .
___
ميامين..
فتحت الباب و ياريتني ما فتحتها اول خطوة خطيتها شفت ٣ رياجيل ملثمين يضربون طلق ع احمد نصدمت احس روحي متت ماكدر اتحرك خوف صدمة ماعرف شسوي
اباوع بناتي ماكو واحمد بالكاع عبارة عن دم ضربو وراحو بالسيارة اني ضليت مصدومة
ميامين: احمد اكعد احمد لتعوفني
وكفت شفت الناس كلها طبت ببيوتهم وبقيت وحدي اني و مينا و رسل اصيح محد يجي علينه باوعت لمينا ملابسها كلها دم تبجي و صاحت بكل صوتها
مينا: بابا اكعد باباااااا لتعوووفنه اكعد
و رسل بس تباوع بوكتها جان عمرها 5 سنوات كلشي ما تفتهم اجه اخو احمد كومني اني وبنتي لاحضت انو فرح ما موجوده
ميامين: بنتي فروحه وينج فرح
ضليت اصيح باسمها وهيه ماكو كمت الطم ع وجهي عبالي اخذوها طبيت للبيت لكيتها ورا الباب تبجي رحت طلعتها حضنتها وكعدت ابجي وياها
اخذو احمد للمستشفى بس هوه مات اجو سيارة اخذونه ودونه لبغداد احس الطريق صار عليه كانما مية سنه منكدر نبجي و بناتي لازمات العباة مالتي و يبجن بدون صوت
اباوع لمينا متحجي ابد فاكه عيونها ع وسعها وملابسها عباره عن دم
وصلنا لبغداد رحنه يم اقارب احمد بقينا اخذونه بدلو ملابسنه واني صافنه مصدومة دموعي نشفت بعيني بقيت صافنة الى ان جابو احمد بتابوت حطو بالغرفة جابوني يمة
ذيج اللحضه كمت الطم وابجي
ميامين: احمممددد وين عفتنييي اني وبناتي انت تدري انيييي يتيمههه يتيمه انييي ماعندي احد وين عفت بنياتك احمد اكعدددد كوم تزوج عليه ماحجي والله
ماشوف غير اجة اخو يم تابوته و همس بأبتسامه متصنعه
محمود: احمد بناتك امانة بركبتي
مجرد كلمة و ماوفى بالامانه مع الاسف.. مرت الفاتحه ورحت لبيت اهلي وهنا بدت المأسات بحياتي اخواني يردون يبيعون البيت يردون الورث مالتهم ومعارك محد فكر بيه وين اروح
اجة اربعين احمد رحت لبيت حماتي واني الف دينار ما عندي بنتي تباوع ع الجهال ياكلون جبس و تتحسر لان ما رحنه لبيتنه عفنه كُلشي وطلعنه
بليل كعدت صافنة ابجي ع زماني طبت مرة حمايه
سناء: اكولج انتِ مترحين لاهلج خوما تضلين هنا
من كلتلي هيج ماعرف شصار بيه خليت وطلعت للكراج اختنكت لا اكدر ابجي ولا شي بس مغمضه عيوني اجو كلهم اجتي حماتي ذبت ماي ع وجهي
بتول: شبيج حبيبتي ميامين
ميامين: م مابيه شي
سناء: والله ماكتلها شي دا اسئلها اشو ضاجت وطلعت شحجيت اني
اجه حمايه اللي هوه زوجها
محمد: شكتيلها سنااء
سناء: يو شكتلها اني كتلها مترحين لاهلج شكلت يعني
تعارك وياها عفتهم ورحت ضليت للصبح كاعده ابد ما نمت صافنه شون اعيش وين اروح اني بعدني صغيره وبناتي ٣ وين اوديهن ياربي
خلص الاربعين مال احمد رجعت لبيت اهلي هنا بدت المشاكل اخويه الصغير يتعارك ويه امي واختي مطلقة واني ارملة
بنتي فرح جانت وكحه كامو يضربوها وكلسع وصاحو الزمي بنتج ومشاكل وتعاركو ويايه واني بس ابجي ماكدر احجي شي بكل عين صلفه كالولي رجعي لبيت حماتج ماعدنه مكان
عاد اني رجعت لبيت حماتي ماعندي غير حل رحت اني وبناتي كمت انضف بيتها من الصبح لليل و اطبخ في سبيل ابقه يمها كم يوم
المهم بقيت شهر بعدين اجتي حماتي حاجتني بحيره
بتول: ميامين فدوه روحي لاهلج اخويه رح يجي جان يم نسابته عفيه هم عيب مره صغيره و كاعده ويه حماج
هنا ضاكت الدنيا بيه ماعرف شسوي تعبت كُلش رحت لاخويه الكبير هو متمكن يعني الحمدلله كتله....
يتبع ..
بين نيران الماضي
بــقلم ناديه صالح
لا تنسون التصويت للبارت و متابعه للحساب 🤍🤍❤
أنت تقرأ
بين نيران الماضي
Romanceتتحدث الرواية عن حياة امرأة لعب بها الزمن يمين ويسار حتى شاء القدر و تحملت مسؤولية اكبر من عمرها و ذاقت من المر ما ذاقت وتحملت جميع انواع الألم ولم تجد سند لها سوى الله ولكن كانت ثمرة تعبها وسهرها هي رؤية بناتها إلى افضل مراحل من التعليم و وصولهم إل...
