بين نيران الماضي

Part 4

انعم الله ع الوكف
والماوكف بالضيچ!
هنَ أيام يگضن
والقصص تبقىٰ .

- عـريـان السـَيد خـلف .

_____
ميامين..

ابو علاء: ميامين خيتي

ميامين: هلا خويه

ابو علاء: اكو رجال كبير بالعمر اسمه سعد عنده نسوان اثنين يريد مره حالته المادية زينه و يكعدج بيت وحدكم انتِ وبناتچ ويصرف عليكم ميجي هوايه يمكم لان شهر يم مرته الكبيره وشهر يم مرته الثانيه و انتِ يجيج كل يومين كم ساعه يشوفكم ويروح لان نسوانه ميدرن بي يتزوج

جانت امي كاعده يمنه حجت
ام ميامين: اي يمة قبلي اني ما دايمتلج بيت ابوج باعو واني افتر بالبيوت وين اوديج وبناتج ديكبرن وانتِ صغيره وحلوه اخاف عليج

ميامين: يمه اخاف ع بناتي خاف يتحارش بيهن

ام ميامين: لا يمه شلقصه ابوج يعرفه خوش رجال ويخاف الله يكعدج ببيت يخبل ويصرف عليج يمه بنياتج حملهن صعب بعدج صغيره تحيرين بروحج تحيرين بيهن ع لاقل رجال وياج

صفنت ع كلام امي صح بناتي ديكبرن اني صغيره مااخذ واحد بكدي يجوز يسوي شي لبناتي ماعرف شسوي لأجل بناتي

ميامين: ابو علاء خوية اني موافقة ماعندي شي بس انت تعرفه يعني صدك يخاف الله

ابو علاء: لعد شون اني اجاني رجال يريد مره علاقل عده بيت و يصرف عليكم

مينا: اي ماما وافقي حبابة تعبنه نريد نكعد ببيت نرتاح بي

ميامين: خوش ماما الله كريم..

تسـريع الأحــداث .

..........
ميامين..

ابو علاء: ميامين خيتي الرجال رح يجي اليوم يشوفج حتى نتفق

ميامين: ان شاء الله خوية

بعد شوية سمعت صوت زلم عرفت هوه اجه
صاحني اخوية جنت واكفه ورا الباب

ابو علاء: ميامين خويه تعالي

فتحت الباب طبيت

ميامين: السلام عليكم حجي

سعد: عليكم السلام والرحمة

كعدت يمهم واني ارجف ياربي انت تعلم بحالي طبعا هوه شافني و كييف

ابو علاء: خيي سعد هاي امانه يمك هي وبناتها حجي ع بختك ع راسي هيه وبناتها

ضلو يحجون وتمت الخطوبة عدت ع خير الحمدلله

ثاني يوم رحنه اني ويا وصديقه و امي ويانه هم عقدنا يم سيد ورحنه اخذنا ذهب ونطاني فلوس كال اشتري بيهن ملابس لبناتج

هنا حسيت اكو احد اهتم ببناتي و ذكرهن رحت للكاظم عليه السلام دعيت وبجيت وطلعت شفته منتظرني