كل سر گلبي زماني
هدم حيلي
وحس بنزول صاير
حال حيلي
اذا عندك شطاره
وفكر حلي
مشاكل دنيتي و حل بيه .
____
ميامين...
كتله شوفلي اي مكان وين اروح اني وبنياتي ضل يحجي ويايه كال عنده مشتمل بكربلاء رحت بي كعدت هو عباره عن صالة وغرفه وحمام ومطبخ جان كُلش صغير
بس كيفت كعدت بي و لميت بناتي و كمت اخذ راتب رعاية و عيالي يدزولي مصرف ورا كم شهر اخويه راد يبيع المشتل شفته حاير
ميامين: اخويه خاف مزحمتك اني اروح يم عيالي و ان شاء الله اشوف وين تصفى
هوه ما رد بس هز راسه بقبول و اشرلي بمعنى حضري غراضج وطلع
كمت لميت ملابسنا و صفنت شويه همست بقهر: شلون بيه وين اروح اني وهذني البنات
تذكرت الآية الكريمة ﴿ إنَّ الله مَعَ الصابِرين ﴾ ابتسمت و كمت طلعت جنطتي رجعت لبيتنا الي نقتل بي احمد كلت بعد كون اصير قوية واعتمد ع نفسي
رجعت للبيت جان بيت مهجور يخووف ضليت بي كلت شسوي ما باليد حيله
تَـسريع الأحداث || بعد سنة
اجتي امي ويايه كالت اجي وياج مابقيج وحدج المهم تقويت بامي و بناتي يخافون وين ماروح ورايه
هنا بدت مرحلة العذاب
اجتي امي متوترة لازمه موبايلها جانت تخابر باختي
ام ميامين: ميامين يمه
ميامين: ها ماما
ام ميامين: اني راجعه لبغداد اختج تريدني
ماكدرت اخليها اربطها بيه عفتها كتلها بكيفج روحي دزت سايق اخذها وداها ل اختي ورا جم يوم سمعتها رايحه للاردن يم اختي لان عدها ولادة
كل ليلة تمر بيه واني اتعذب خايفه من كلشي حول عيوني وبناتي كاعدات ويبجن يخافن
بيوم اتصلت علية صديقتي وجان صوتها يرجف و خفت كلش
جنان: ميامين ابد لتفتحين الباب لان القاعـده كلمن رجع لبيته طبو عليه لو شوفين حاالي
ميامين: يايمه عفيه تعاي باتي يمي والله اخاف
جنان: لا حبيبه عذريني ماكدر اجي اخاف والله اسفه
قفلت الخط و رحت سديت البيبان وقفلتهن و كعدت حضنت نفسي و كمت ابجي لحد ما استسلمت لأمر الواقع كمت جبت سجينة يمي ونومت بناتي
ضليت صافنه وكلت يا امير المؤمنين يا كافل الايتام انت تحميني ماعندي غيرك ياعلي يابو الحسن
ضليت ابجي واردد ياعلي لحد ما غفيت
باوعت لـ باب الغرفة الي نمنا بيها جيت داطب للغرفه على بناتي شفت اسد كمت اصيح بناتييييي راح ياكلهنن الاسسد الحكولي
أنت تقرأ
بين نيران الماضي
Romanceتتحدث الرواية عن حياة امرأة لعب بها الزمن يمين ويسار حتى شاء القدر و تحملت مسؤولية اكبر من عمرها و ذاقت من المر ما ذاقت وتحملت جميع انواع الألم ولم تجد سند لها سوى الله ولكن كانت ثمرة تعبها وسهرها هي رؤية بناتها إلى افضل مراحل من التعليم و وصولهم إل...
