الصبر لا يعني لقاءً مُحتمل .
لا خَير في صبرٍ إذا ماتَ الأمل .
إني و إن تَمضي سريعاً خطوَتي .
" في داخَلي شخصٌ مُصاب بالشَلل "
- الشاعر مُهند العزاوَي .
_____
ميامين..
هنا هم بدت رحلة عذاب مثل ما كالو من الصبر للكبر دك موبايلي رقم غريب جاوبت
ميامين: الو منوو؟
هناء: انتِ ميامين مرت الحجي سعد موو
ميامين: منو حضرتج
هناء: اسمعي لج تفرغين البيت وتطلعين اني جايتج
هنا انصدمت سديت الخط و اتصلت ع الحجي حجيت بصوت خافت
ميامين: الو
سمعت صوت هناء انصدمت اكثر
هناء: ها تخابرين عليه هذا يمي سعد اذا ماسوي حياتكم جحيم فلا اطلع هناء
سديت الخط خفت هاي مبينة وكحه شجابني عليهم شلون ياربي ضليت كاعده وتجيني اتصالات من ارقام غريبة كامت تدزلي رسايل غلط و سب اشكال ومر اسبوع وهوه لا اجه ولا خابر...
ورا اسبوع اجاني ابن اخته جابلي مصرف كال لتتصلون بالحجي خلي تهدء الامور واني يمكم شتحتاجون اني حاضر
مرت 10 ايام وخابر الحجي
سعد: هلو عيني شلونكم
ميامين: هاي وييين اسئل خابر متكول هاي وحدهاا هي وبناتههااا شصار عليهن شأكلن متكول
سعد: هاي هناء تخبلت رادت تحرك روحها وصارت مشكله اني ماكدر اخابركم بس من يصير عندي مجال
كلت بگلبي شجابرك على المر غير الامر منه
مر 20 يوم وهوه ماكو اتصل بي يطلعلي مغلق اضطريت اخابر ابن اخته
ميامين: السلام عليكم
ايهاب: وعليكم السلام خوية شلون الصحة
ميامين: الحمدلله بخير.. عفيه ماتعرف شي ع الحجي صارلي هوايه اخابره ويطلعلي مغلق ضل بالي عليه
ايهاب: الحجي سافر هوه و هناء انه رح امر انطيكم مصرف خاف ماعدكم
تشكرت منه وسديت الاتصال مرت ايام رجعت لنفس عيشتي قبل هم صارت المسؤولية عليه اني اتسوك وكلشي و يوميه المولد عاطل
مر شهر وهوه رساله مادز صفنت ع روحي كلت اني شسويت بنفسي اشو صارت عندي دوخة اريد اوكف ماكدر كمت داجيب موبايلي اخابر ع ايهاب ابن اخته و وكعت ع طولي بالكاع هنا غبت عن الوعي ماسمع بس صياح البنات
كمت ماحس بروحي كعدت وره مده طويله لكيت روحي بالمستشفى
الدكتوره: الحمدلله ع السلامه عيوني
ميامين: الله يسلمج..
الدكتوره: باوعي حبيبتي انتِ حامل بشهر الثالث ومهدده بالاسقاط لازم متتحركين ابد
أنت تقرأ
بين نيران الماضي
Romanceتتحدث الرواية عن حياة امرأة لعب بها الزمن يمين ويسار حتى شاء القدر و تحملت مسؤولية اكبر من عمرها و ذاقت من المر ما ذاقت وتحملت جميع انواع الألم ولم تجد سند لها سوى الله ولكن كانت ثمرة تعبها وسهرها هي رؤية بناتها إلى افضل مراحل من التعليم و وصولهم إل...
