"انقال عني نار وانا ضعيف بجوفي"

" كنت اعتذر ولا ادري وش خطاي "

ركب صالح وشهاب سيارة شهاب
صالح : شهاب انت تعرف وش الي صار بين نوره وسلطان
شهاب : لا وش صاير بينهم؟
صالح : لا تدري السالفه الي صارت زمان
شهاب : اي سالفه؟
صالح : يووه شكلك انت في غيابه الجب
شهاب : قولي السالفه على مانوصل

عندما دخل السلطان البيت قابل نهله في طريقه
سلطان :نهله
نهله :هلا والله سلطان
سلطان:عادي اطلب منك طلب
نهله : امر وش فيك
سلطان : انتي تعرفين وش فيها نوره ليه هي متغيره علي
نهله ارتبكت
سلطان : تكفين يا نهله قولي لي
نهله : شوف انا ما اقدر اقول لك كل شيء هنا في السيب لاني اخاف احد يسمعنا قول لي الوقت اللي فاضي انت فيه واقول لك كل الحكايه
سلطان توتر: خلاص عادي تبيني نطلع الكوفي تقولي لي كل شيء
نهله :فكره حلوه بحيث انه ما يكون في احد قريب  بس الحين ما اعتقد اني فاضيه اليوم بعد عزيمه الليل اقدر اقول لك كل شيء
سلطان : تمام

صالح : تذكر نوره و سلطان كانوا يلعبون مع بعض طول الوقت كان سلطان يقول لامه اني راح اتزوجها اذا كبرت وعمتي واضح انه ما تبي ولا تحب نوره و ملزقه سلطان في توق يوم راحت نوره مع امها لديرتها بعد ما تطلقو سلطان ما كان يدري ان نوره سافرت وعمتي يوم وصل سلطان اولى ثانوي سفرته لامريكا تبيه ينساها لانه اللي سمعته انه طول الوقت كان يسأل عنها يبي يتواصل معها
شهاب : اها عشان كذا هو لازق فيها
صالح : بضبط بس نوره نفسيه وش فيها كذا
شهاب : عاد انت لا تلومها انها نفسيه على الاقل هي امها وابوها مطلقين وصاير قروشه بينهم بس انت على ايش نفسيه
صالح : حبيبي انا ايش دخلني الحين في السالفه وش فيك قلبت علي
شهاب يضحك : اطم بس ترا وصلنا ....