"انقال عني نار وانا ضعيف بجوفي"

بيني وبينك حاجز....

صالح : وش فيه ابو النصائح هذا
شهاب يذهب الى نهله
شهاب : نهله وش فيه وجهك  مقلوب
نهله : ان شايف اللي سواه سلطان صح
شهاب : لا والله غلط اكبر غلط مجنون ذا الانسان
نهله : انا ما حرق دمي الا نوره
شهاب : كيف هالحين نوره
نهله : يعني كيفها قلبها محترق
شهاب : نهله ابي اكلمك في سالفه
نهله : خير ايش فيه
شهاب : بس ما ابي هنا ابي في مكان ثاني.....

خرج شهاب ونهله الى الحديقه
نهله :خير ان شاء الله
شهاب  : خير
...........
نهله : شهاب انطق وش فيك
شهاب : ها لا بس ااا
نهله : وش
شهاب : ابي اتزوجك
نهله تصرخ : نعم!!!!!
شهاب : قصري حسك لاحد يسمعنا هذي الحقيقه وصيه امك
نهله : انت...
قاطعها شهاب
شهاب : لاتجوبين علي الحين ادري ان الوقت مهب مناسب راح اعطيك مهله يومين
غادر شهاب وجلست نهله في الحديقه تفكر
رساله جديده من رعد الى هاتف نوره
رعد : هذي تذكره الطياره بكرا الساعه 6 الصبح انتضرك في المطار
نوره أفاقت من بحر افكارها الساعه 3 فجراً ذهبت إلى الخزانه وأخذت الحقيبه ووضعت فيها كل اغراضها ودخلت دورت المياه ونظرت الى نفسها في المرِأه اعينها حمراء وجهها مرهق اغتسلت ووضعت بعض مساحيق التجميل وارتدت بنطلون اسود وقميص حرير اسود الساعه أصبحت 4 فتحت باب الغرفه البيت هدوء والشمس قاربت على الإشراق خطوات نوره وصوت حقيبه السفر ....
ابو نوره : نوره وين رايحه هالوقت؟
نوره : ماشفت رساله رعد
ابو نوره يفتح جواله
رساله رعد: السلام عليكم ياعم كيف حالك هذي دعوه الزواج اليوم الساعه 8 وهذا اللوكيشن حق القاعه
ابو نوره: اليوم زواجك !!!
نوره : اي
ابو نوره : وش فيكم مستعجلين
نوره : اسأل الدلخ
ابو نوره : كيف يمديك تتجهزين
نوره : لو ادري جاوبتك
ابو نوره : طيب ما أعطاني دعوات لعماتك واعمامك وعيالهم
نوره : لالا تكفى فكني انت تكفي بس
ابو نوره : ونهله
نوره : هين نهله هي اول الحاضرين
ابو نوره يتأمل في نوره
نوره : يبه وش فيك
ابو نوره : ماني مستوعب انك بتكونين عروس
نوره في قلبها : ياليتي ما أكون
نوره : تبي احجز لك رحله
ابو نوره : لا يابنتي انتي مشغوله بخلي سلطان يحجزلي الحين يجي من المسجد
سلطان : هلا ياعم وش كنت تبي
نوره تنظر له بحتقار
ابو نوره: ابيك تحجز لي رحله
سلطان : ليه ياعم بتتركنا
نوره تقترب : مافيه مبروك ؟
سلطان مستغرب
ابو نوره : بارك لها زواجها اليوم
سلطان مصدوم
ابو نوره : عقبالك انت و توق
نوره : اوه نسيت ارسل لك دعوه زواجي معليش بخلي  حبي رعد يرسلها ياحياتي حتى هو الي حاجز لي التذكره تخيل 
ابو نوره : رعد انسان اجودي
نوره تبتسم بنتقام....

نوره : انا استأذنكم
ابو نوره : الله يحفظك يا بنتي خرجت نوره
سلطان حجزت لك ياعم العصر زين
ابو نوره اي زين ياولدي
نوره في طريقها الى المطار رعد يدق
نوره : ياليل
ردت نوره
رعد : وينك
نوره : في المريخ وين يعني بالطريق
رعد : زين على بالي بالسرير اعجلي تراي انتظرك
نوره : زين يا ابو الانتظار
وصلت المطار تنظر الى شخص يأشر لها [ رعد]
نوره : الله ياخذ ابليسك شفتك خلاص يحسب نفسه قزم مايدري انه بغل اكبر من حياتي
رعد : صباح الخير
نوره تنظر اليه بصوت واطي : إلا صباح الزفت
رعد وش قلتي
نوره : ولى شي يلا بس خلنا نروح للبوابة
ركبوا الطياره بدأ الإقلاع نوره هاديه رعد يتعرق وفجأه مسك يد نوره بقوه نوره بالحظه عادت بها الذاكره عندما مسك يدها بذالك اليوم الممطر انتهى الإقلاع
رعد : اوه اسف يدك حمرا ينظر الى وجهه نوره اعينهامليئه بدموع
رعد : نوره وش فيك
نوره تتنفس بقوه : وخر عني وتلتفت بجهت النافذه وترتجف
رعد انزل رأسه وطلب من الموظفه ان يبدل مكانه مع إمرأه لكي ترتاح نوره
نوره هدأت قليلاً.....

لم تنتبه نوره انها غفت في الطائرة بعد مده من الوقت سمعت نوره
[الرجاء ربط الأحزمة إستعداد للهبوط]
استيقظت نوره
المرأه التي بجانبها : لو سمحتي
نوره : هلا
المرأة: زوجك اعطاني هذي مويه وبسكوت  يقول إذا قامت اعطيها
نوره : اوه شكراً
تلتفت على رعد
رعد ينظر إليها ببتسامه خفيفه
تفتح هاتفها الساعه 7:30
المرأه : شكل زوجك يموت عليك نظراته كلها حب
نوره في قلبها : طيب وش اسوي لك
نوره بضحكه :  تعرفين تونا متزوجين
المرأه : بسألك سؤال الحين ليه تبادلنا الأماكن دمكم زوجين
نوره في قلبها : وش ذا اللقافه تحقيق
نوره بضحكه : تونا متزوجين فخاف اني ما ارتاح
بدأ الهبوط
نوره في قلبها : الحمدالله......