"انقال عني نار وانا ضعيف بجوفي"

زارتني دموعي ....

ينظر سلطان الى نوره ويذبحه الفضول على كتابها وفجأه تصرخ نهله وتنفزع نوره ويسقط الكتاب الى سلطان يلتقط الكتاب ويدخله في جيبه
نوره : نهله هبلتيني وش فيك
نهله : ألحقيني المستشفى يقول تعالي
نوره : ان شاء الله خير
تخرج نوره ونهله و تريد نوره  ان تركب سيارتها ولكن تذكرت ان المفتاح ليس معها
نوره : يوه مو وقتك
سلطان يشغل سيارته
سلطان :يله
نوره : بسم الله نفس الجني
تركب  نهله و نوره في الخلف
نوره : هدي ان شاء الله خير
نهله يارب ما يكون فيها شي  يارب
يدق جوال نوره وتسكره ويدق مره ثانيه وتسكره ويبدأ طول الوقت يدق اخر شي قفلت الجوال وسلطان ينظر إليها من المرِأه ويتأمل اعينها
نوره تصرخ : سلطان انتبه
تصدم سياره سياره سلطان من جهة نوره
سلطان : انتي بخير
نوره :الله ياخذ العدو لو انك مركز 
سلطان : عطني رقمك الحين عندي ضرف ولازم اتجه للمستشفى
راعي السياره: تمام بس عسى مافيكم شي
سلطان : لا الحمدالله
ركب سلطان السياره وكملو طريقهم
يدق جوال نوره
سلطان : ردي على جوالك يمكن عمي
نوره ماهو عمي
سلطان : انتي متأكده انك تمام الصدمه جايه عليك
نوره : اي مافيني شي
تدخل نهله مسرعه الى غرفه امها وتجد شهاب  نهله تمسك يد شهاب
نهله  : شهاب وش فيه ليه وجهك منقلب امي مافيها شي صح؟ تكفى لا تقولها
شهاب : قولي لا إله الا الله
نهله:  لا لا تكفى
يأتي الدكتور : انا اسف لخسارتكم هي راحت للي احسن مننا
تنهار نهله على الأرض
نهله  :لا مستحيل
شهاب: استهدي بالله
نهله تنهار من البكاء وأثناء ماهي منهاره تبدأ تشهق وتحاول تتنفس
نوره : بخاخ الربو
يخرج شهاب من جيبه البخاخ ويضعه لها
شهاب: انتي تمام
نهله تنضر إليه بأعين مليئه بدموع وتفقد الوعي
نوره والدموع في عينيها:نهله جاوبيني وش فيك
يحمل شهاب نهله الى الطوارئ
الدكتور : لا تخافون جتها صدمه فقط
شهاب :خلاص انا راح أبلغ عمي واشوف إجراءات خالتي الله يرحمها
ونوره كانت منهاره من داخلها ولاكنها تريد ان تستجمع قوتها من اجل نهله وتحبس دموعها ولكن ذالك لم يدم طويلاً وتفتح جوالها تريد ان تدق على ابوها وفجأه يدق رعد نوره تعصب وترمي الجوال قريب من سلطان يفزع سلطان
سلطان :بسم الله وش دخلني انا
تضررت فقط شاشه الجوال قليلاً ولاكن مازل الهاتف يرن ينضر سلطان الى الجوال
سلطان : اجل حبيب القلب ما يقدر يصبر على فراقك تخرج نوره من الغرفه ويلحقها سلطان ترد نوره على الجوال ويقف سلطان في الممر بعيداً عن نوره لكي يستمع ما لذي تقوله
نوره : خلاص ياخي يكفي
رعد : وش الي يكفي مابغيتي تردين
نوره : انا الحين في المستشفى ماقدر اكلمك
رعد : المستشفى!!! انتي وش صار لك
نوره : انا ما صارلي شي بس بعدين اكلمك
رعد : تراني حذرتك ان ما رجعتي واقسم بالله....
نوره تصرخ : ايش اقسم بالله انك تفضحني تحسب انها فارقه معي انت دمرت حياتي خليتني اعيش في رعب امي مرضها بسببك
رعد : اتوقع انو انا الي دفعت علاج امك
نوره : انت مخلي علاج امي حلقه على رقبتي خلاص تكفى اعتقني
رعد : نعم؟؟؟
نوره وهي منهاره  : انا تعبت منك ما قدر انت ليه تبي تفضح بنت خالتك ليه ياخي حس فيني
سلطان لم يتحمل سماعه لبكاء نوره وذهب مسرعاً لها .....