نزل مازن و زياد بحذر و معاهم بعض المعدات البسيطه اللي هتساعدهم انهم يفتحو الباب و لكن اول موصلو و لمسو باب البدرو القديم اللي يكاد يكون أثري .. اتفتح بسهوله اكن حد فتحو من جوا !!
الصدمه مكنتش هنا بس
الصدمه الحقيقيه لما دخلو .. مطلعش بدروم طلع شقه متكامله اقل ما يقال عنها انها فخمه عفشها من التراث القديم جدا
محدش كان يتوقع ابدا ان ورا الباب القديم الهدوء و الرقي ده
دي مش بس مش لايقه انها تكون بدروم دي مش لايقه انها تكون شقه فالمنطقه دي من الاساس
دخل مازن و زياد بإنبهار و مش مصدقين عنيهم
زياد : هو ده الباب اللي لا يمكن يتفتح ياسي مازن
هو ده البدروم القديم !!
مازن باندهاش : انا مش فاهم حاجه في حاجه غلط
ازاي المكان ده بالنضافه دي تفتكر في حد قاعد هنا
زياد : مش عارف بس مظنش .. بس لا لازم اظن نضافة المكان بتدل ان في حد بينضفو اول ب اول و بعدين ازاي الانوار كلها شغاله كدا !!
انا بجد ابتديت اقلق
مازن بصوت عالي : في حد هناااا
زياد : بس يا حيوان هنتفضح كدا الشارع كلو هيجي يشوف في حد هنا ولا لا
مازن : طب خلاص انا هدخل اشوف كدا و استكشف المكان العجيب ده
دخل مازن اكبر اوضه ف المكان و اللي كان بابها بيدل انها اوضه فخمه جدا و الاكبر مساحه
فتح الباب بحذر و دخل راسو بس عشان يشوف اي فالاوضه دي صرخ ب اسم زياد ف جالو زياد بسرعه
زياد: في ايه يابني في حد جوا صح
مازن شاورلو يدخل يشوف ب نفسو ف دخل زياد بحذر و مازن وراه و الاتنين كانو مصدومين
الاوضه تشبه اوض الملوك ف المسلسلات التاريخيه و في صينيه عظيمه بتتوسط الاوضه مليانه اكل و فاكهه زي الافلام فتحو الخزانه و كانت مليانه فعلا بلبس ملك متكامل زادت دهشتهم و مبقوش فاهمين ازاي؟!!
خرجو و اتجهو للاوضه المجاوره و مكنتش تقل فخامه ابدا بس الديكور هادي نسبياً فتحو الخزانه لقو فيها لبس من الواضح انو لبس انثي
اتجهو للغرفه التالته و الرابعه و الخامسه و كانو برضو غرف إناث من الواضح انهم زوجات الملك
خرج مازن و زياد و قعدو علي المقاعد المنخفضه بعد متأكدو ان مفيش حد فالمكان
الدهشه مسيطره علي الموقف و محدش فاهم حاجه
زياد : تفتكر مفيش صندوق ولا حاجه و ابوك كان جايبلنا المكان ده و مكنش معرف حد لأي ظرف من الظروف
مازن: و اي اللي يخليه يفرشو الفرش العجيب ده لا مظنش .. و حته لو ايه اللي خلاه يعمل وصيه و القصص دي كلها مكان هيعرفنا ان في مكان زي ده ملكنا و خلاص .. المهم هنعمل ايه دلوقتي
زياد : مش هنعمل هندور ع الصندوق يمكن نفهم منو حاجه
ابتدي مازن و زياد رحلة البحث عن الصندوق فالمكان ده و بعد حوالي ساعه و نص خرجو الصندوق من جزء سري ف خزانة اوضة الملك وصلو ليه بالصدفه خرجو الصندوق و رجعو قعدو تاني و قدامهم الصندوق
زياد : طبعا الصندوق ده مش هيتفتح غير بدمنا
مازن : اي الاوفر ده الصندوق بقفل عاديو صغير كمان اهو ..استني بس انا هفتحو
حاول مازن فتحو مره و اتنين و معرفش بس قدر يكسرو فالاخر
فتحوه في ترقب و حماس عاوزين يعرفو ايه جواه
زياد باستغراب : ايه ده ورقه !!
مازن : اوعا اتلاقي في املاك تاني لبابا سريه متحجزش عليها و كاتبها ب اسمنا صح
زياد : لا مش صح دي مش ورقه.. دي خريطه
مازن: خريطه !!
خريطة اي مش فاهم وريني كدا
ايوه دي خريطه فعلا ممكن تكون خريطة المكان ده ولا ايه
زياد : ممكن مش عارف .. انا بقول كفايه كدا انهارده و يلا نطلع قبل محد يحس بحاجه هات الصندوق و الخريطه دي و نحاول ندرسها و نفك السر بتاعها
شال مازن الصندوق و اتجهو للباب و لكن
زياد بصدمه : فين الباب !!!!!!!
الباب فين !!!!!!!!
رمي مازن الصندوق و مشي ايدو مكان الباب و لا كانت الا حيطه
صدمه لجمتهم و رجعو قعدو تاني
مازن بخوف : يعني ايه احنا اتحبسنا ولا ايه
زياد : انا كنت حاسس من الاول ان المكان ده ملعون
مازن : هنعمل ايه يا زياد احنا لازم نتصرف
زياد : قوم ندور ع باب تاني و لا مخرج ولا اي داهيه
قام مازن و زياد يدورو علي اي مخرج ليهم و بعد وقت طويل بدون فائده ادركو فعلا انهم اتحبسو
زياد بخوف : هنعمل ايه احنا لازم نتصرف و نفهم احنا فين و اي سر المكان ده
مازن : الخريطه يا زياد .. الخريطه هيا اللي هتخرجنا
زياد: فعلا الخريطه دي جواها كل جزء فالمكان ده ركز كدا
مازن: بس دي ملعبكه اوي و تحس المكان اكبر من الواقع بكتير و بعدين ايه ده !!
ده في ٥ أبواب
زياد : ايوه بس الابواب دي اماكنها مش موجوده فالواقع
مازن: تفتكر قدامهم حيطه عشان كدا احنا مش قادرين نشوفهم
زياد: صح ملهاش غير كدا .. احنا لازم نجيب فاس او اي حاجه نكسر بيها الحيطه
مازن : حدد انت مكان الابواب و انا هقوم اجيب اي حاجه نكسر بيها
مسك زياد الخريطه و ابتدي يحدد اماكن الابواب
و دخل زياد جاب ادوات عشان يقدرو يكسرو الحيطه
مازن: الحاجه اهي بس خلي بالك يا زياد البيت ده قديم و ممكن يوقع علينا
زياد: قديم ايه احنا دلوقتي مبنمشيش بالمنطق
لو هنمشي بالمنطق مش هنكون محبوسين هنا و مش لاقيين الباب
يلا بس عشان نخرج و نخلص من الحبسه دي
ابتدو ف تطسير مكان الباب الاساسي و بعد حوالي ساعه و نص بين التكسير و الراحه ظهر الباب فعلا جابو الصندوق و الخريطه بسرعه نسي مازن و خرج بأداة التكسير ف ايدو
فتحو الباب و دخلو و الباب اتقفل وراهم تلقائيا
و لكن لسه مخرجوش من المكان و اتحررو من الحبسه
مازن: ايه داااااااا طب ازاي
زياد : دي اوضه من ضمن اوض المكان طب ازاي
حاولو يفتحو الباب تاني لكن معرفوش نهائي
فتحو الخريطه لقو معالم الخريطه متغيره و اكنها خريطة مكان تاني
قعدو ع الارض بيأس و الخوف اتملك منهم
زياد: يعني ايه اتحبسنا خلاص
مازن: يارب خرجنا من المكان ده احنا مكنش ف نيتنا حاجه وحشه
بعد دقايق حدد زياد مكان باب تاني داخل الغرفه دي و بعد التكسير ظهر الباب قدامهم دخلو و اتكرر تاني اللي حصل الباب اتقفل وراهم و لكن المره دي لقو نفسهم ف دور تاني ف نفس البيت
زياد: ايه بقا شغل الجنان ده طب دور تاني ازاي
مازن : انا مبقتش فاهم حاجه
كررو نفس اللي حصل مره و اتنين
مره يطلعو ف احدي الغرف مره يطلعو ف بهو البيت لحد مالتعب اتملك منهم و نامو نوم عمييييييق
صحيو من النوم لقو نفسهم ف مكان تاني غير اللي كانو نايمين فيه
مازن بحزن: شكلنا مش هنخرج من المكان ده تاني يا زياد
زياد: لا هنخرج اكيد بابا مش عاوزلنا الهلاك
مازن: شمس هتعمل ايه من غيرنا .. تفتكر حسو بغيابنا
زياد: حته لو حسو و دورو عمرهم مهيعرفو يوصلو
انا جعان اوي
مازن: و انا كمان تعالي ناكل و بعد كدا نفكر هنعمل ايه
ابتدو ياكلو و بعد مخلصو مسك زياد الخريطه تاني
زياد: في حاجه غريبه
مازن و هو يقطم قطعه من التفاحه : و ايه الجديد داحنا بشوف العجب
زياد: الخريطه دي ضدنا
الخريطه دي هيا اللي بتتوهنا
مازن: هو احنا في بينا و بينها حاجه هتتوهنا ليه
زياد: من غير هزار الخريطه دي مش هتوصلنا لحاجه
ضحك مازن بصوت عالي: يا حلاوه يعني الخريطه اللي المفروض الدليل الوحيد لينا طلعت مبتحبناش و بتتوهنا
زياد : اتلم بقا و خليني اعرف افكر بدل الهزار و التفاهه دي
مازن: خلاص طب متزعلش طب و العمل
سكت زياد لثواني : مش عارف بس اللي متاكد منو اني هعرف قريب اوي
في مكان تاني
قاعده سيده وقوره من الطبقات العليا من المجتمع تنفخ دخان السيجاه و تمسك بهاتفها : امممم طب كويس اوي
يعني متأكد يا حسين انهم جوا البدروم دلوقتي
أنت تقرأ
٦ شارع المنفلوطي باشا
Short Storyالبحث عن صندوق قديم للفوز بشئ مجهول حته يصل الامر بأبطالنا الي متاهه من الصعب الخرج منها
