الشيخ (شهم)وبنت بغداد

بارت22

هلوو حبايب بارت جديد اتمنة يعجبكم اسفة لان البارت قصير انشالله اذا افرغ اكتبلكم اكثر ❤❤❤

ريماز::.. دنكت الهث من التعب الدنية ضلمة كلش كوة نشوف
وكف هوة وندارلي اجة يمي وكمشني من ايدي

شهم.. كوميي هسة هناك نكعد لا يجون

--- هوة يحجي وسمعنة صوت مشي وتكسر بل كصب بساع جر ايدي وركض بين الكصب ايد كامشني ويد يبعد الكصب من كدامة ويركض
اسمع صوت ناس ورانة تركض بس الدنية ضلمة كلشي مانشوف
مستمرين نركض وسمعت صوت طلقة احس طبلة اذاني طكت بساع غمضت خايفة شهم همات وكف خفت افتح عيني فتحتهة ع كيف وسمع شهم صاح

شهم... اممشي لا توكفين

--- حجاهة كوة يجر بل كلمة تقربت يمة وكمشت ايدة كوة حرك رجلة بساع باوعت الرجلة كامشهة وتجري دم

-- شههمم شنو هاي رجلك

شهم.. مابيهة شي اكدر امشي تعاي

--- جر ايدي وضل يمشي كوة يعرج منهة وصلنة يم شارع عبران ورحنة للجهة الثانية وهوة كوة يمشي ورجلة تجري دم جان اكو عمارة مفلشة دخلنة بيهة كلهة طابوك وتراب دخلنة بغرفة وكعد هوة ماد رجلة

--- شهم كووم رجلك رجلك تنزف
ماحجة شي انتجة ع حايط رافع راسة وعاكد حواجبة متالم
رجع دنك راسة وباوعلي

شهم.. ماكوو شي لاتخافين تعاي هنا كعدي

--- رحت كعدت يمة خايفة المكان اضلم كلش وصوت طلق كل شوية يضربون
... شكوو ليش هاذ الرمي كلة

شهم.. طلعي التلفون ودكي ع ادهم خلي يجي

--- رحت بساع مديت ايدي بجيبة وطلعن التلفون دكيت ع ادهم يدي ترجف وعيني ع رجل شهم الي تنزف المكان نترس دم بساع دست اتصال وخليت التلفون اذانة منتضرة يرد شوية ورد

ادهم.. هاا شهم وين صرت

--- اخذ نفس وحطة بتعب

شهم.. ماكدرت اطلع مناك اجوو هسة احنة ب عمارة

ادهم.. شبي صوتك صايرر شي شهم وين انتو

شهم.. صاوبت ماعرف منو رمة علية يمكن حسو بينة من حبرنة ضلو يرمون

ادهم.. وينكم هسةة جاي جاي اني

شهم.. دير بالك لا يراقبوك تعال اكو عمارة مفلشة ع شارع الثاني ورة البيت

--- ضل يدلي بي وقفلة اني كاعدة منتضرتة يجي وشهم ضل يون من الوجع

--- ليش شهم ليش اجونة شصاير

شهم.. راكان

--- شبييي راكان احجي
اشوفة غمض عينة رحت بساع ضليت اضرب ع خدة ع كيف
... اكعدد شهم شهم لاتغمض فدوةة اكعد
احجي وابجي شوية يفتح عينة ويرجع يغمض
جسمي ضل يرجف المكان اضلم كلش ع ضوة القمر وكلساع صوت طلق متت من الخوف شوية وسمعت طكطة  انحشرت بشهم كامشة ايدة ورجف هوة كمش ايدي عصرهة وحجة بتعب