الشيخ (شهم)وبنت بغداد

بارت 29

هلو حبايب بارت جديد 🤗🤗

..... دخلت بساع للمطبخ روحي طالعة
يعني حتة ع شغلي ايريدني ابطللل شلون اخلص منةة هاذ
وكفت ع مغسلة غسلت وجهي شوية ودخل ادهم
يسولف ويضحك مابينت الة اني سمعتة حتة هوة ماحجة ضل طبيعي
لليل خلصنة ورجعنة سوة للشقة سويت عشة الهم وكعدو تعشو ومرت الايام عادية شهم يجي كل سبوع هنا يوم واحد ويرجع لان خطر علية ويخاف يراقبو حتة مكانة غيرة لان حس اكو واحد داي يراقة ماعرف وين راح لو وين كاعد حتة من يجي ماسل عليه منتضرة الشهر يوم يوم حتة اطلك واخلص منة وعيش حياتي طبيعي الحد ما فد يوم
كعدت الصبح مابقة ع طلاق الة ٥ ايام اليوم جمعة جنت ماخذة اجازة استراح بيهة يوم
الولد طلعو من الصبح كلمن ع شغلة رحت نضفت البيت والملابس خلصتهن سويت غدة من وكت واخذت ملابسي سبحت طلعت انشف بشعري ومشطتة كعدت ع جرباية ماعندي شي طلعت تلفوني اكلب بي شوية ومليت شمرتة وكمت اريد اطلع شوية اتمشة ضوجة اني اخذت اجازة حتة ابقة بب بيت لو اتونس كمت طلعت فلوس من اجرتي خليتهن بل جنطة اطلع اشتري كم شغلة من الاسواق لبست حذائي وشلت جنطتي طلعت قفلت الشقة وحطيت المفاتيح بل سندانة اكو يم اشلقة بيهة ورد ادم وادهم يندلو اذا اجو ياخذو ويفتحون الباب نزلت من الدرج الجو بارد خليت ادية بجيوب القمصلة وطلعت

هوة خفيف والدنية مغيمة تريد تمطر صح باردة بس ماهتميت افرح من اطلع وشوف الناس نفسيتي تتغير
ضليت امشي الراس الفرع دخلت بل فرع الثاني والدنية بدت تنكط خفيف كلمن دخل البيتة الجو برد والشارع صفر كملت طريقي امشي بهدوء وصلت لراس الشارع الثاني وشفت الاسواق مفتحة رحت امشي بساع لا تعزل دخلت اخذت حلويات وشتريت كم شغلة للبيت تحاسبت ويا وطلعت
مشيت الراس الفرع ولمحت سيارة وراي تمشي ماهتمي كملت طريقي وهية خففت كامت تمشي ع كيف اني كلبي ضل يدك بساع وجسمي ضل يرجف امشي وتلفت كلساع وراي خلصت الفرع ودخلت بل ثاني درت وجهي اباوع ماكو ماجت شوية رتاحيت
كملت طريقي امشي سريع الجو بدة يمطر وصار هوة بارد يكص كص
شوية وسمعت السيارة شخطت يمي وكفت اني رجلية جمدن ماعرف شون امشي بعد وكفت مكاني كامشة العلايك بقوة
نزل رجال ضخم لابس لثام نفسة الي شفتة مرة بل سوك بساع نزل من جهتي فتحي الباب وجرني اريد اصرخ بساع سد حلكي بيدة كلنس ضليت ادفر بي الحد ماخذت نفس من الكلنس وغفيت

ماحست ع روحي بعد
كعدت كوة افتح عيوني بيهن غواش
شلت راسي ثكيل كلش وبعومي بي شخطة تجرع ماكدر حتة احجي
وفجي خدران  شلت ايدي اريد اكمش راسي ماكدر مربوطة بسنسلة
كوة جريت روحي وكعدت الغرفة قديمة كلش وصغة فارغة مابيهة شي حتة اني جنت نايمة بل كاع بدون فراش لميت رجلية ودموعي تنزل مثل الجمر ع وجهي خايفة اريد اصرخ ماكدر بلاعيمي يردن يطكن ويابسات والمغدر الحاطي قوي كلش بحيث نص ساعة الة كدرت استوعب
الصار

فززني صوت قفل الباب ينفتح بساع لميت رجلية ارجف خايفة
ودية كوة احركهن من السلسلة مضبوبات
فتح الباب ودخل نفس الرجال لابس لثام بس عيونة بينة لبسة كلة اسود وضخم حتة جفوف لابس سد الباب وتقرب يمي اني حشكت روحي بل حايط ارجف كعد كدامي نص كعدة حجيت وصتي منبوح