الشيخ (شهم)وبنت بغداد

بارت 21

هلو بارت جديد اتمنة يعجبكم❤❤

جرني من ايدي يمشي سريع شمرني بل بل غرفة وكعت ع ركبي
شلت راسي ودموعي تنزل بساع دخل وسد الباب اجة كعد نص كعدة كدامي

راكان.. شبيج تبجين مانسوي شي
اهدي

--- حجيت ودموعي تنزل
رجعني للبيت ماكل الاحد اي شي فدوة

راكان.. اي هسة نرجع بس اريد اشوف الثوب عليج

--هناك اني البسة

راكان. لا هنا اريد براحتي اشوفج

-- حط ايدة ع وجهي يريد يمسح دموعي بساع دفعتة ورجعت اليورة يلة بساع جيبة خلي البسة حتة اطلع

كام هوة فرحان بساع طلع وسد الباب كمت حيلي كلة يرجف ركضت للباب افتح بيه ماكو مقفول ضليت افتر ادور شي افتحة بي ماكو شوية وسمعت صوتة دخل للبيت بساع رجعت المكاني كعدت فتح الباب ودخل بيدة علاكة شمرهة علية وكف منتجي ع باب

راكان.. كومي يلة لبسي

--- اخذت العلاكة وكمت بدون ماحجي جسمي كلة يرجف طلعت للحمام وهوة يمشي وراي دخلت وقفلت الباب
جان حمام قديم وتعبان كلش شمرت العلاكة بل كاع وكعدت ابجي فززني دكت الباب

راكان.. هاا شو طولتي ادخل

--- كمت بساع وحجيت بصوت منبوح
ههسة اوكف
رحت شلت العلاكة وطلعت الثوب غير الي شترينا جايبة احمر قصير ودلعة نزعت ملابسي ولبستة جان اكو مراية مكسورة بل حمام معلكة رحت يمهة اباوع شفتة كلش دلعة وضهرة مفتوح كمشت المراية ونزلتهة للكاع دكيتهة ع كيف بل ركن انفطرت شلت كزازة بايدة ضميتهة خاف يسوي شي اتحامة بيهة رحت يم الباب وفتحتة جسمي كلة يرجف ودموعي تنزل طلعت حاطة ايدي ع دلعة جبيرة ويدي الثانية ورة ضهري كامشة الكزازة حتة مايشوفهة هوة شافني وعدل وكفتة ضل يباوع الجسمي اني عني بل كاع ودموعي تنزل
حجيت بخوف

--- يلة شفتة كافي
درت وجهي اريد ادخل للحمام جرني بساع من ايدي ودخلني للغرفة يمشي سريع شمرني بل غرفة ودخل سد الباب كمت بساع وجسمي يرجف
--- شتريد بعد كاافي

راكان.. شبيج خلي نستمتع شوية اول وتالي تصيرين مرتي

--- حجاهة وكف يفتح بقميصة اني من شفتة فقدت رحتلة اركض وضرب بصدر وصيح يفتح الباب جان مامهتم الحجيي مستمر يفتح
شفتة نزعة رجعت اليورة امشي ورجف وصلت للحايطة ماكدر ارجع بعد ضليت اباوعلة شوفتي ترجف اشرت براسي لا

وهوة مبتسم اتقدم يمي بخوات بطيئة
وصل يمي وحط ايدة ع حايط اليمي درت وجهي بساع كمش فجي بيدة الثاني وطخ كصتة بكصتي
اني تهتسرت ضليت ادفع بي واصيح وهوة كامش فجي حسيت سنوني شلعت
بساع ركعتة بخاصرتة هوة فتح عونة مصدوم وخر عني وحط ايدة ع خاصرتة وشالهة يباوع بيهة كلهة دم
اني نسيت الكزازة بيدة بساع دفعتة وكع ع ركبة
رحت ركض للباب مسدود درت وجهي عليه يريد يكوم شفت المفات بل كلع ركضت شلتة ويدي ترجف كوة فتحت الباب وركضت طلعت للطارمة ارجف وراسي يوجعني وصلت للباب وعيوني بدت دغوش كوة فتحت الباب شفت سيارة اجت وكفت قريب ع باب اريد اركز وشوف منو ماكدرت وكعت بل باب دايخة حسيت اجة واحد يمي شال راسي حطة بحضنة ويمسح ع شعري عرفتة من صوتة