الشيخ (شهم)وبنت بغداد

بارت 32

لو حبايب بارت جديد اتمنة يعجبكم💕💕

.... ريماز.....

مادري شكد نمت فزيت جسمي يوجعني كلش كوة شلت راسي شفتة ماموجود بل غرفة معزلهة ومنضفهة مرجع كلشي المكانة انفتحت الباب ودخل
وجهة تعبان كلش وكلة تراب لابس اسود بقيت مكاني وكف بل باب
وحجة بصوت خشن

شهم..  جوعانة

ـــ هزيت براسي اي
طلع هوة شوية ودخل بيدة صينية حطهة كدامي

شهم..  كعدي يلة

ـــ كفيت الحاف برجلي وكعدت دايخة لازمة راسي

مد ايدة يسوي لفات شال عينة الي وحجة

شهم..  راسج يوجعج

ـــ اي
شال الفة وقدمهة الي اخذت منهة بدون ماحجي اكلت كام يسوي لفات وينطيني الحد ماشبعت اشرتلة كافي

شهم..  بس هاي اخذيهة

ـــ مد ايدة اخذتهة منة اكلتهة كوة شبعانة
كام شال الصينية وطلع كمت ورا اريد اغسل كوة امشي مستندة ع حايط طلعت من الغرفة شفتة واكف بل مطبخ تقدمت بخطوات ثكيلة وكفت بل باب شفتة واكف يغسل اماعين

ـــ حجيت بصوت منبوح
اريد. اغسل

ـــ دار وجهة علية وبتسم ابتعد منوالمغسلة تقدمت اني غسلت ورجعت للغرفة
شوية وجة هوة ينشف بيديه
خلص علك المنشفة وتقدم يمي

شهم..  راح اطلع اني

ـــ شلت راسي مستغربة
...  وين

شهم..  عندي شغل ماطول بليل ارجع هاج هاي الحباية راح ابقيهة هنا اذا توجعتي اخذيهة وكو اكل بل ثلاجة اذا جعتي اكلي

ـــ حط حباية وبطل ماي يم الدوشك شلت راسي الة وحجيت
... كلشي ماريد
اخاف ابقة بوحدي هنا

تقرب كعد كدامي وكمش ادية واني دموعي تنزل بهدوء اباوعلة

شهم..  ماعليج شي محد يجيج راح اقفل البيبان لاتبجين كافي

ـــ اخذني وياك لاتعوفني والله اخاف يرجع رباح اخاف مراقبك

شهم...  لا لا محد مراقبني مكان امن هاذ

ـــ شنو من شغل ضروري الة بليل روح بل نهار

شهم.  لازم بليل لان شغلهم همة بليل اذا بقيت هنا هواي ناس راح تتاذة فهمي علية

ـــ جريت ايدي منة ومسحت دموعي
هزيت راسي اي بدون ماباوعلة

شهم..  ماطول الصبح تلكيني هنا

ـــ بقيت ساكتة ماحجيت شي كام هوة لف الشماغ ع وجهة وطلع بقيت مكاني كاعدة اتلفت كلساع بل غرفة واتخيل احد يجيني بس اباوع للباب اتخيل احد يدفرة ويطب
جسمي كلة يرجف ودموعي تنزل
خايفة الدنية ضلمة وضوة خفيف شوية وصار هوة عالي
صوت الاشجار يخوف ومن جهة شباك صار صوت ركعة بساع فزيت خايفة جسمي يرجف جريت الغطة ونمت غطيت حتة راسي اجرف
صوت بل شباك يشخط كلساع اخاف اشيل راسي وشوف شنو بقيت مكاني الحد ماتعبت ونمت فزيت ع وجع براسي موتني