صراع امرأة

البارت السادس

اذا جان الشراع بخير
حتمن يسلم القارب
ولماهد لخيته بضيج
لايحاسبها وبعاتب
مرتك مستحب تسندها وكت ضيج
بس بضيج اختك تنسند واجب
الاخت من غير اخوها تحس كسر بروح
الموجب ماله قيمه من غير سالب
تلوذ بيا كتر وما بخيها تلوذ
اليحامي عينها ربك نصب الحاجب
باجر من تزل هم تحتمي بذراعاك
وتسولف بمراجل يمها وتحاسب
اغم ماوكف لخته بنفاه وضيج
وجريمه تكول زلمه وحاطلك شارب

اشهر قصص بقلم رقيه العوادي

جمانه:

اني جمانه طاهر عمري 20سنه اول مرحله طموحي اطلع صيدله لان مااحب طب والمستشفيات وفعلا فضل الله طلعت معدل ورحت صديقتي الوحيده رفل

احب عمامي كولش جان طموحي ازوج شخص احبه بس لاسف مصار وازوج

راح احجيلكم قصتي بتدريج وقصه حبي وشلون عرفت رفل بيها

من جان عمري 15 جنت اروح للبيت عمو ادم نقره اني ورفل لان بكلوريه ثالث فمن ادخل الكاها تشاقه ورياض قبل زواجه وضحك واشوفه شلون يحبها كلش

كمت اتمعن بكل تفاصيلهم وهيه تحجيلي رياض هيج سوه رياض هيج كال لحد مااتعلقت بيه صرت اذا متحجيلي اني اسئلها عنه هو بوقتها متعين بلبصره ويه اخويه اوس عمره بوقتها 25سنه خريج هندسه نفط

حبيته لااراديا ع كد طيب والحنيه الي بيه ويه اخته اتوقعت اذا عرف انو اني احبه يتقبلني بحياته (لاكن لاتمشي الرياح بمشتهى السفن)

وبيوم دخلت اول يوم بسنه16عيد ميلادي جان وسولي حفله فقط شباب وشياب كعدوا بصاله ميحبون هيج اجواء

دخل عليه رياض ورفل لا اراديا ابتسمت بكل فرح سنه كامله احبه وميدري اجه تقدم اتجاهي وحجه

رياض:عيد سعيد جوجو نشالله يارب العمر طويل ونفرح بيج

جمانه:فرحت والابتسامه مفارقت شفتي (الله يبارك بيك غالي )

رياض:يمه فدوه ذني خدود شبيج بابا هو سلام(ويضحك)

جوجو:لاوالله يمكن صخنت (بابتسامه )
رياض:ضحك من قلبه(فدوه لصخنت)
جمانه:ضحك ضحكه خله قلبي يكمز (اكتفيت باتسامه مثل ثوله)

اشهر قصص بقلم رقيه العوادي
اجوي كل واحد ينطني هديتي

رفل:كل عام والعمر كله سوه هاي هديه بسيطه حبي جمانه:يمه فدوه لبنت عمي(وحضنتها)

اوس:وهاي هديه مني لخيتي
جمانه:بعد روحي

اجوي اخواني وولد عمي هم بسره بس جانت عيوني دور ع هديته وره شويه اجه وتقدم اليه