صراع امرأة

البارت الثاني

اوس:
اني اوس طاهر صالح من اهالي الحله بس حاليا اشتغل بلبصره مهندس نفط كل عشره ايام يم اهلي ماانزل لاهلي انزل لبيت عمو ادم لان هناك حبيت بنته حيل من جانت صغيره عمرها 10سنين عمامي

يكولون رفل لاوس و اوس لرفل عاهدت نفسي لان خليها تحبني وفعلا صدك حبتني وكبرت وكبر حبها وياها صارت متكدر تفاركني لو تحجج بدراسه حته ادرسها لو تجي لبيتنا لختي جمانه عود يقرن سوه حبيتها وحبتني حفظت كل وصف الها شعرها اسود طويل وعيون كبار سود خشمها مرتب حلو وشفايفها بتوكس من الله هلبنيه كلما تكبر كلما تحلو اكثر

خبلتني بجمالها الله جكد احبها مرت ايام وسنين وحبنا بس بلعيون فمره اترقى عمو ادم وصار عقيد صاحلي
ادم:شلونك وليدي
اوس:بخير مدام انته بخير
ادم:عندي امانه اريد اودعها عندك
اوس:ابشر عمي وانشالله مخيب ضنك
ادم:رفل امانه بركبتك خاف يصير عليه شي وليدي والله ياخذ امانته لان اخوها احسه مو ع قلبها وحتلو تزوج اريدك تسندها
اوس:عمرك طويل عمي لاتحجي هيج وبنتك انته تباريها
ادم:انشالله

عافني ومشه رحت للدوام وسمعت فله ناجحه بمعدل طب فرحت كلش رحت ع سوق ذهب سويتلها حلقه باسمي واسمها ورجعت للبيت من دخلت شفتها تباوع ومهضومه حسيتها دور عليه بعدين مت حجه عمو صعدت ع سطح مكانها مفضل من جانت زغيره رححت وراها ولكيته تبجي هدئته لان كل همه اني شلون اعوفها كتلها ع دوامي نقل للبغداد فرحت هوايه وراحوا للبغداد واني دوامت فسمعت رياض يخابر مرته
(للكاتبة رقية العوادي)

رياض:هاحبي
رياض:ترديها لاخوج واحنه نلكه مثلكم
رياض:اكسر راسها اذا رفضت
رياض:غصبن عليها وعلي ولايهمج حبي
رياض:الج طز بيها وعلي اذا رفضت اراويها نجوم ضهر
رياض:ههههههه باي حب

اني سمعت هيج روحي راحت يعني اخ يقدم مرته ع اخته شلون غير الاخ يكون سند الله يساعدك عمو ماكو من بعدك ضهر لابنتك الله يحفظك الها قررت بهيج حاله حته اخليه توافق لان ادري بيها لو تموت متوافق بس اني مااريدها تتأذه بسببي وهذا اخوها تباع مرته من راح تكرهني راح توافق ع اخو سعاد وخلص دوام ورجعت للبيتنا بلحله رحت لبيت عمو ادم ببعدين ذكرت همه راحوا للبغداد رجعت للبيتنا وضايج حيل لان عمري مجنت افكر انو تنوخذ مني ومااكدر اعترض لان اني ورياض عشرت عمر سمعت انو مقبوله جامعه حله ويه جومانه بس صيدله جوجو
وهاي طب وكالوا تسكن يمنا اني فرحت بداخلي بس من ذكرت كلام رياض انتفضت اجتي هيه وعمو واني صعدت للفوق للغرفتي وره ساعه حسيت احد دخل غرفتي لتفتت شفتها وعيونها مليانه حب فرحت بس قسيت قلبي وحاجيتها حسيت انكسر قلبها عافتني وسديت الباب وراها وكسرت كلشي كدامي مااريدها تتعذب صح ابن عمها واكدر انهي عليها بس اذا عمو راضي اني مااريد اتخارب وياهم للعصر نزلت عبالي موجودين لكيت جمانه تبجي

اوس:ها اخيتي شبيها تبجي.
جمانه:هئ هئ فله انقلت للبغداد اني ردتها يمي بس مكدرت اخليها
اوس:اوووف كله بسبب رياض الله يجازيه (تهون حبي تهون)

عفتها وكمت جنت احس فراغ كلش جبير اوووف الله يصبرني ع فراكها
اجاني اتصال من صديقي عازمني ع عشه ورحت هستوني وصلت اجاني اتصال من رياض استغربت ب12بليل
اوس:هلا بعلم شلونك
رياض:هلابيك قلبي شوكت تجينا
اوس:انعصر قلبي بسؤاله "مگدر حاليا "
رياض: اريد اطلب منك طلب متردني
اوس:عيوني الك
رياض:اعرف انته ورفل اصدقاء وتسمع كلامك اريد تطلب وتقنعها باخو مرتي خوش ولد
اوس:انصدمت بطلبه وكتله "يصير خير"

رفل
مرت ايام واني معتكفه بغرفتي اجه دوام وبابا نقلني للبغداد داومت وجنت جسد بلاروح تعرفت ع بنات اثنين علاقه سطحيه بناتنا جود وليما جانن حبابات وحده من كربلاء وحده من ديالئ اقسام داخليه حبيتهن وحبني
جود:هلاو اني جود من كربله
ليما:اني ليما من ديالئ
رفل:اهلا وسهلا بنات
كان تعارفن جدا مملل مرت ايام وشويه شويه بدت كل وحده تحجي معاناته
جود:اني جود عمري20سنه اهلي ماتوا من صغري بحادث سياره وهمه جايين من ايران وهسه حاليا ويه بيت خالتي گاعده

ليما:اني ليما من ديالى عمري20سنه اهلي عايشين بس منفصلين امي زوجت وابوي هم واني كاعده حاليا بغداد اقسام لان مرت ابوي شرانيه مثل زوج امي وحايره بينهم
رفل:حابيب شرفت بيج يله بدت المحاضره

رحنا اخذنا محاضره واني مركزه ع استاذ وكتبت محاضره وكلها ومن كمل اجه يمي
استاذ:شنو اسمج
رفل:رفل ادم
استاذ:شدااسوين
رفل:دااكتب المحاضره حته استنسخها
استاذ:برافو بنيتي
رفل:ولو دكتور
(للكاتبة رقية العوادي)
عافني وراح رحت للمكتبه استنسخت وكملنا محاضرات وطلعن لاقسام واني رحت للبيت بتكسي لان سايق تاخر عليه ودخولي للفرع انطيت كروه وشفت لمه زلم ولمت قربت السياره ع بيت واسمع الصايح ماله والي سابع جار يسمعه اني بهلحضه انشلت اطراف رجليه ويبس دم بجسمي روحي مااعرف شبيها نزلت واني خايفه خاف انصدم وصايح النسوان تارس منطقه كلها دخلت بلباب وشفت تابوت عليه علم عراقي استغربت شفت عمامي وجدو ولدهم يبجون ورياض يدك ع راسه

رفل:شنو سالفه شكو صاير بعصبيه
باوعولي وزادوا بلبجي واجه رياض حضني وحجها وياريت مسمعتها
رياض:الحكي ولج بابا راح استشهد
رفل:بصدمه وبعد محست ع شي

........يتبع

تحياتي الكم
اختكم
Ruqaya Al_Awadi