صراع امرأة

البارت السابع

رفل:
كعدت واني جسمي كله يون باوعت بلغرفتي منو جابني منو خلاني هنا مااعرف استندت ع جربايه وكمت باوعت لنفسي بلمرايه عيني مورمه ونيل رددت *حسبي الله ونعم الوكيل*

وكعت لان رجليه ميحملني زحفت للكنتور وطلعت ملابس لان كلها دم

رحت للثلاجه اكلي شي لان حيل رايحه 5ساعات اني واكعه هستوني داافتح ثلاجه دخل عليه رياض

شايل صينيه بيها اكل غرغرت دموعي وحجيت

رفل:اطلع بره مااريد اكلك
رياض:كومي اكلي
رفل:يجوز خالي سم شمعرفني برره كلت
رياض:تاكلين سم مو صوجج صوج مسكينه الي حضرتلج الاكل
رفل:ضحكت بستهزاء (ي روح لمرتك مسكينه)

عاف الاكل يمي وطلع مااكلت منه فتحت ثلاجه لكيت بيها  تفاح وبرتقال وحلوات اكلت لحد مااشبعت رد شويه من حيلي كمت دخلت للحمام فتحت بخار وخليته مي بارد احس من حراره مال جسمي حار
كملت وطلعت علبه اسعاف نضفت جروحي ولفيت عيني بشاش ابيض باجر اروح للدوام واشوف دكتور عليها

وره شويه دك جهازي باسم ليما صديقتي

رفل:الو هلو حبي
ليما:هلا قلبي شلونج
رفل:تمام وانتي
ليما:حمدلله اكلج حبي
رفل:دووم كولي
ليما:متجين نطلع نغير جو
رفل:مالي خلك
ليما:بليز رفوله
رفل:خلنشوف مر عليه لان اريد اروح للدكتور
ليما:خير خو ماكو شي
رفل:وكعت بلحمام وعيني نكلبت
ليما:يله هسه نمر عليج اني و جود
رفل:انتظرجن

رحت حته اكل لرياض لكيتهم كاعدين بصاله يسولفون ويضحكون حزت بقلبي هل لمه اذكرت والدي شلون ملي عليه البيت "لا اعتراض ع حكمك ياربي"رددت بقلبي

رفل:رياض
رياض:نعم
رفل:رايح للدكتور صديقتي راح تجي عليه عيني فد مره وباجر وراي دوام
رياض:يطبج طوب من ايدج ولي
رفل:اشكرك

مشيت خطوتين وصاح

رياض:تعاي
رفل:هاا
رياض:هاج هذني للدكتور
رفل:اخذتهن ورحت

انطاني100الف علاج حضرت نفسي وره شويه اجني بنات طلعنا انصدمن بشكلي

جود:هاي شصاير وياج رفل
ليما:احجي شصاير وياج
رفل:مبيه بس وكعت بلحمام وهيج صار

حسيت عليهن مصدكني بس محبن يحرجني باسئلتهن اخذني للدكتور صار رقم الحجز 33انطيت رشوه 10الف انطاني5ي لحمدلله والله دخلنا وجان افتح عيني وتفاجاء الدكتور .

الدكتور:هاي شصاير وياج بابا
رفل:دكتور وكعت
الدكتور:هاي مبين وكعه هاي مال واحد ضاربج بوكس هيج شي
رفل:لا دكتور مثل مكتلك
دكتور:بابا هاي صاير عندج نزيف بشبكه والعدسه متحركه عن مكانها لازم فورا عمليه

رفل:دكتور مااكدر اسوي عمليه لان دراستي اجلها
الدكتور:مو اخاف اذا مستعجلنه بيها ممكن تفقدين نضرها .