صراع امرأة

البارت الثالث

اوس:هلا عمو شلونك
ادم:هلابيك بابا انته شلونك اني بخير
اوس:دوومك عمو
ادم:بخنكه ويحس قلبه راح يطلع من الم ع بنته وحيدته (بويه تذكر الامانه الي انطتكياها خليها بعيونك لان مالها احد غيرك اني يمكن اخر ليله وياكم واتمنه انام بقبري مرتاح)
اوس:نغزني قلبي(عمو شهلحجي بنتك انشالله انته خيمه فوق راسها انشالله متحتاجني دامك وياه)
ادم:مثل موصتك اوس فله ثم فله لان ادري بامها مالها لاحيل من بعدي ولاخلك
اوس:بجيت (عمو فدوه اروحلك لازيدها علي بنتك بعيوني)
ادم:عهد رجال
اوس:عهد عمو عهد
ادم:هسه اروح مرتاح مع السلامه بابا .
اوس:الله وياك ويحفظك النا

سديته منه واني بجيت بكل قوه مستحيل اكدر اخسر عمو لان احبه كلش عمو من صغر رابي عدهم اووف ربي احرسه النا وضليت افكر بعهدي وفعلا بعد مستحيل اكابر واخسر فله ومستحيل اخلي احد ياذيها تذكرت عندي رقمها من اتصلت عليه اخر مره اتصلت ومردت

حقج عيوني وقلبي اووف شكد احبج الله لاينطيك يرياض صدك الاهل عزوه واذا لاسامح الله وراح عمو فله تضيع بيد اخوها ومرته بقيت افكر لحد مااعرف شلون نمت تقريبا الفجر وبخص ساعه 4/30دك جهازي فزيت مرعوب رقم غريب
اوس:الو منو
نقيب مؤيد:هذا بيت صالح ابو للرائد ادم صالح
اوس:فزع قلبه وحجه ي منو
مؤيد:لاسف اني نقيب مؤييد ويأسفني اكلكم استشهد القائد ادم صالح وتعالو استلمو لان ميحتاج مغيسل لان استشهد بنفس اللحضه بقاء بحياتكم الصبح تعالو حته تستلمون النعش
اوس:تلاشن دموعي ووقع جهاز وهو بعده ممكمل وصحت"لاعمو مو هيج امانتك صعبه عمو لاتعوفنا"
الكل فزع ع صوتي جدي ابويه امي اخواني والكل

صالح:يابه اسم الله شبيك الرحمن
طاهر:بويه احجي شبيك
اوس:ودموعه شلال "بويه عمو ادم استشهد"
كلها اتهسترت بلبجي جدي وكع بلكاع لان فتحت عينه هو ابويه انكسر ضهرها وكل عمامي دروا وصاروا وتحد اسوء من ثاني
رحنا للمركز واستلمنه جثمان البطل رياض يبجي مثل النسوان ويصيح "يابه لاتعوفنا مروتك "استفسرنا عن مقتل وطلعوا عصابه ممشيهم من السيطره ومسوين مداهمه عليه وهو 3جنود مخلصين عتاد ومستهدفينه هو جنود الي وياه

الكل يبجي عليه جندي ضابط نقيب الكل خسروا اكفى بطل رجعنا ساعه3للبيت عمو لان زورناه كربله والكاظم عليهم السلام ولازم يبات يم اهلها ومن صبح نشيعها دخلنا للبيت وشفت عماتي وخلات فله وامها منتهين ويصايحن قررنا مندخله للبيت هسه لليل اله ندخله الهن

وره شويه دخلت فله وسالت وكلنالها شو هاي وقعت من طولها واغمى عليها

رفل:
كعدت واني احاول اذكر شحجه رياض باذني تخبلت كمت ع طولي وشفت امي تملخ بروحها وخالاتي يهدئن بيها طلعت للبره اركض من الصدمه واستوقفني اوس وصحت

رفل:لك اوس عوفني فدوه اللللك هذا بابا كامت صيح باعلى صوتها (بابا بابا لاتعوفني مروتك بابا منو اليه بابا موكلت اني سندج بابا شلون رحت وعفت بنتك بلاسند بابا) وكامت تبجي وتطلم كل يشوفها يبجون ع حالها لزمت اوس هيه تناشغ وتبجي (اوس فدوه خلي اروح اكتلني اوس مروتك لمن اعيش بعد اوس )