فـضــفــة كــلام

تحت مسميات العائلة

"لا يؤلمَ الفقد بقدر ماتؤلمَ الذكرى"
الفقد جزء موجود عن كل انسان راح يحس
..بفقد بأامور الحياة ..
فااليوم نطرق علئ فقدان عاطفة الاهل
او فقدان الحياة العائلية
بغض النظر عن المكتوب راح نكون
صريحين بهل شي هواي حالات تسببت
وهواي موجودة بواقعنا
وحالة عن حالة تختلف
دائما نبدي بشي بسيط كموضوع مطروح

"العائلة"

اذا انتو كنتو اصحاب عائلة واطفال شنو الناقصكم حتئ متوفر الهم حياه عائلية بعيده عن متطالبات
ليش تبعدحنيتك وتكون البعيد عنهم
عمرهم مراح يذكرون التوفير لحتياجهم بكد مايذكرون حنانكم ومحبتكم ووجودكم
وشعورهم انتو يمهم ومحاطين بحبكم وتعاملكم
مو بس لازم يتوفر الهم احتاج الحياة لان هل شي عابر مراح ياثر بيهم بكد مراح تاثررالامور الروحية

مرات نسشوف اهل بس هيئة من راح يكبرون راح يستفقدون الطفولة يبدي احساسهم بكئابة ويبدي تفكيرهم ينحرف بشعور النقص
يصير يدور حب الغريب قبل القريب
ويصير يطلب اهتمام وتعلق
واكو حالات تربيتكم تنعكس لابنائهم راح يكون الصورة والمثل لتعامل الاهل
وا العكس تعامل الاهل
هواي مراح تقدرون هاي الاشياء بدافع انو ماتحب تصير عاطفي
ترة العاطفة شي زين مو قبح
واساسا اله اثر بكل انسان تكدر تبينها

اذا تكون بعيد عن عائلتك حاول تحافظ علئ العائلة بيدك
لان مو ذنب الزوجة ولا ذنب الاطفال ولا ذنب الزوج يعيش بنقص
راح ياثر
الزوجة تصير تقارن حياتها بحياه الغير
الطفل راح يتعايش بس يمرر بأازمة من يكبر يستفقدها لهل اشياء وتتعبه جداااا بس ركزو علئ جدااا شكد شفت حالات ومن خلالها كمت احسس بشخص هواي يبين عليه الحال

الزوج راح يبدي يملئ هذا فراغه بحب وعلاقات وصداقات بس شنو ذنب الي راح تحبه؟ او شنو ذنبه عاش شعور وحياة ما تناسبة حتئ نكون واقعين ضد ومع
والزوجة تكون المسؤولية عليها اضعاف وقت ما يكون الزوج يتعامل بشكل غير صالح
وهل شي بحياتنا الواقعية وبحياة كل علاقة اسرية مشاكل ما تخلئ البيوت منها لكن زيادة الامور السلبيه والمشاكل في علاقات المجتمع تجبرك تنظر من عدة جوانب وتركز علئ المشكلة قبل الحل لان هي مسألة عامة ما تخص اسرة وحدة ولا تخص فرد واحد
كل المشاكل متشابهة بأسمها واحيانا فعلها
بس النتائج تكون بين حال وحال مختلفة ممكن اصعب وممكن اسهل
بنهاية الي ينكتب وجهة نظر وحرية تعبير لان الواعي والغير واعي تأثير منعكس علئ المشكلة بذاتها

شوفو هنا بنهاية الكل يطلع بخسارة
حرفيا بخسارة
اليخسر روحه
اليخسر ثقته
اليخسر كلبه
اليخسر عمره
اليخسر وقته
الي حبيته يتعبك
الي اختاريتها تتعبك
الخلفتهم يتاثرون
ترة الطفل ذكي مراح ينسة
اني وانتو  من الاطفال الي ماانسيتو بيوم مواقف الطفوله...

الطفولة والعائلة شيء مهم ننتوجه اله بأقل ما عدنا لاكثر ما عدنا .

فا الزوج والزوجة حددو موقفكم بهل حياة
لان محد اله ذنب حتئ يعيش عيشة تتعبه...

المحاولة بعلاقة العائلية تصلح وضعكم

اني اليوم دكتب الشعور لطفل ولزوج ولزوجة ولحبييبة وصديقة وصديق
بس اوضح العائلة الي نشاءتها اصلحها
انت مو تختار زواج هاي تزوجت اديت واجبك كزوج وكنت اب مارس ابويتك
وانتِ صرتي زوجة صيري كد هلمكان الصرتي بيه ليش تخسرين؟عائلتج
مو صرتي ام حافظي علئ امومتج وعلئ عائلتج ترة المرة بيدها تبني وتهدم بيت ..
ولا سهلة هاي الاوضاع
كل الامور تؤدي لضرر علئ حساب راحة ايامكم

تناقض بالتفكير بعد دراسة العائلة وتربيه حسيت اكو شي غامض بعلاقات العائلية من ضمن هل غموض هو تاريخ ولادة انسان جديد من الصفر
وجود انسان خالي من المعتقدات وصدمات اختلف اثره علئ تكوين اسرة سليمة
وجود ام واب مكافحين لتكوين اسرة خالية من الغموض صعب اساسا توضحت امور اكثر يتفكير النص هنا جدا قديم واعتز بيه لكن تفكيري يزيد من اكشف عن الامر اكثر وهل شيء مو سيء ابد اني مستمرة بدراسة العلاقات ومعتقدات لكن وجود حل طويل الامد
يمكن احنة نمر بمرحلة ونكون اصحاب الاسرة
خطوة اولئ لتكون اسرة صح هو تحل امورك مع شريك صح بأختيار مسار تكوين حياة سليمة الكم ولابنائكم انجاز عظيم كونك من مجتمع قل بيه مستوئ التخلف وزاد بيه انفكاك وعراقله ..
خطوتي الاولئ للعائلة هو ..
كالتالي:-
1/حل المعتقدات النفسية
2/اختيار مناسب
3/مواجهة
4/تنازل
5/اصرار لتحقيق تلك الخطوة

ممكن هل كتابة بيوم ارجع اضيف الها الشيء الصح اعدل الخطاء ويمكن وجهة نظري تصحح اكثر وعن نفسي ابقئ ابحث عن كل شي يخص الوضع الي احتاج اكون علئ علم ودراية كافية بتعامل الانسب مهما تصرفنا ميكون تصرفنا 100% صح يرضيك ويرضي سعيك

رافقتكم السلامة
دامت لكم السكينة والراحة
حاولوا دائما علمودكم وعلمود الي تختارو
واجهو الدنيا بشكل يليق بها.