بيتي الان يخلو من اي طائر
لم تعد هناك اجنحة ولم يعد هناك قفص ضد الحرية ...
كثير من الايام تسمع كلام من الاقربون الك ..
الي هي احنة لمصلحتك علمودك نعرف الانسب والخ..
بس مرات ردود افعالنا غريبة وبالعادة تكون مو سليمة او تكون غير عن الي بالك;المهم
بيوم من الايام ويا ما دارجع من داومي صادفت طائر حر واني هنا صرت انانية اله اخذه..وما اخذته بقئ حر مع ذلك اني عندي طيور كثيرة بس هي مو ملكي وهم هل طيور مقيدة وما تملك الحرية ...
فالامل هنا جان مثل ذوابان ورق بالمي..
ونرجع علئ الاعتراضات الي نواجها بالحياة ..
الاعتراض الي يكون مماثل مع تفكيرك هو سليم
لكن الاعتراض الي يأذيك ويشوش تفكيرك هو الاصح.
اكو فرق بين السليم وبين الاصح...شلون؟
نرجع للطير الحر اذا ردت امتلكه هو من حقي؟لا اعرفهَ؟لا مضيعته؟لا غالبا الاسئلة الي تجي ببال جوابها يكون ب لا..
لكن تتحور الاجابة بمرور الزمن وبوجد الاحتمالات فتصير اي ولا..
فأحنة هنا من حقنا وفعلنا نحسبله حساب ممكن هل طائر مصاب بفايروس ممكن هو اختار ان يكون وحدة وحر وممكن الكثير من الاحتمالات زين ليش كلت ان هل اعتراض سليم؟
لان اجابة هنا تمحورت الك بتعدد والاحتمالات فعرفت انت اكثر بدون ما تكون بأمر جدي ومحتم..
اما اذا جيت علئ طيور الي هي ملكي وبنفس الوقت مو ملكي..
علئ افتراض اني انسان يحب يملك الطيور بشكل مو مبالغ انما بمحدودية...فمر علينا ايام تكون عدنا هل طيور والمودة وصار بينا كثير امور فترة من الفترات تعرض احد الطيور لضرر معين سواء جسمه او بيئة صعب صارت عليه فهو لو يكون علئ قيد الحياة يا يكون بمكان اخر فأذا ردنة نعالج شيء ما راح يكون هو قرار الاصح. واعتراض اصح ..
انت من حقك تصرف لكن واجهت اعتراض مثلا من والدتك دربالك ابني اخاف يعدي الباقي طلعها من هل قفص وحولها لقفص وحدة..فأ بهل حالة انت تصرف ومتعارض
او انت عارضت وصار الي صار فقدت هل طير انت تدري هو وضعه هيج ليش جازفت وبقيت متمسك علئ فعلك...
فيا حبايبي الدنيا جدا متنوعة مو اول مرة اكولها لكن انتو تشوفون المواقف صعبة ومواقف هينة منكول سهلة لان السهل شي والصعب شي ثاني بيوم من الايام
اذا تواجه عقلك وقلبك بصراع فأختار الاعتراض الاصح بدال مرة والاعتراض السليم مرة حسب جدية الامر وحسب الي يضمنه مثل ما تعرفون اكو فرق بين مواجهة مشاعرك اتجاه المحب. ومشاعرك اتجاه العائلة..
وممكن بيوم من الايام يكون النا نقاش مفتوح نتبادل الاراء. حسب نمط المعيشة الي احنة بيها بالاصح كل بيئة والها ظروفها
استودعتكم الله 🕊️🤍
سبأ
هلمرة اسم مو دون رموز ولقب .
أنت تقرأ
فـضــفــة كــلام
Randomفضفضو الانسان بحاجة يحجي اليشعر بيه ومن حقة يفضفض الي بخاطرة لتكون بيوم خاضع لكتمان حتئ وان ما كو شخص يسمعك. انت وروحك عينو وضعكم الانسان بحاجة ان يجد نفسه.. لاداعي اني يكون ضحية كتمانه.
