أحلامي

"كَانْ يَا مَكَانْ"

السلام عليكم 🤍
هلوز يا جماعه،، دي اول روايه ليا، ارجوكم متحكموش علي الروايه من الفصول الاولى، وارجو تجنب اي اخطاء املائيه ان وجدت.

مش هطول عليكم، اسيبكم مع الفصل الاول قراءة ممتعه🦋❤
___________________________________________

في بيت بسيط في القاهره لأسره متوسطه الحال تسود بينهم المحبه والأُلفه والمرح كانت"رزان" نائمه في نوم عميق حتي دخلت عليها امها واشعلت الاضواء واقفلت المكيف وهي تصيح بها مثل أي ام مصريه أصيله وتقول

"انتي يا بنت ال ••• قومي الساعه بقت6 المغرب"

تقلبت رزان علي السرير بنعاس شديد وهي تقول " يا ماما بقى أرحميني عايزه أنام مش فاهمه انتِ عايزني اصحي بدري ليه في الأجازه هحضر دكتوراه مثلاً"

رمتها دينا والدتها (بالشبشب)وهي تقول "قومي يا بت بدل ما انديلك ابوكي"

انتفضت رزان من علي السرير وهي تقول " لا وعلي ايه الحج نقوم بكرامتنا احسن"

خرجت دينا أمها من الغرفه وهي تقول ببرطمه "عيال مبتجيش غير بالعين الحمره"

"سمعتِك يا نبع الحنان شكرا لذوق حضرتك"

قالتها رزان وهي تنهض من علي السرير في طريقها الي المرحاض في كسل، توضأت وغسلت أسنانها وأدت فرضها وذهبت لتأخذ هاتفها من غرفه والديها اللذان يمنعان منعاً باتاً أن تسهر علي الهاتف ويتم سحبه منها كل ليله.
ترقت علي باب الغرفه في أنتظار أبيها ليسمح لها بالدخول وما أن سمح لها فأذا بها تدخل وهي تقول

"صباح الخير للحجوج بتاعنا" وهي تقبل يده وجبينه

رد عليها قائلاً " صباح النور يا بنت ال*** كل ده نوم يا غيبوبه "
" حصل خير يا حجوج مش هتتكرر" قالتها رزان وهي تأخذ هاتفها من جانب أبيها وتخرج من الغرفه بسرعه قبل أن يحدف عليها (الشبشب) وأقفلت الباب خلفها بسرعه وفتحته مره اخري وهي تقول بمرح
"مجتش فياا"
ف حدف أحمد أبوها الفرده الاخري وهي اغلقت الباب وهي تضحك
خرجت تبحث عن قطها "شيكسي" الذي تم معاه 7 اعوام وأصبح في مثابة أبن لها من شده حبها له
دخلت الي المطبخ ونادت عليه بصوت عاليٍ فأتى اليها وهو يصدر صوته المعروف يبلغها أنه جائع ضحكت وملست علي فروه الابيض الناعم وهي تقول
"انت جعان يا كوكو" ثم أكملت كلامها قائله " تحب تاكل ايه؟ "
واشارت الي علبه الجبنه المثلثات وهي تقول
"تاكل جبنه نستو؟"
لمعت عينا القط و وقف علي ارجله بعد ما كان جالساً امامها،  فتحت قطعه من الجبنه وما ان وضعتها في الطبق ليأكل دخل عليهم قطها الثاني الذي يدعى "بابسي" الذي لم يتم من العمر السنتين وهو يهرول بسرعه علي طبق "شيكسي" ليأكل هو الجبنه، وفور ان دخل تكلمت رزان بصوت عاليٍ لكي يتوقف
" اثبت مكانك "
فخاف القط ووقف يراقبها وهي تفتح قطعه اخرى وتضعها امامه في طبق  وفور أن وضعتها إذا بيه يلتهمها كأنه محروم من الاكل منذ سنين
حضرت فطارها المعتاد المسمى ب(ساندوتش جبنه قديمه) وكبايه نسكافيه وذهبت لتأكل في غرفتها وهي تتكلم علي تطبيق  (الواتساب) مع رفيقات دربها واقربهم الي قلبها  "رؤي" و "فاطمة" اللذان تعتبرهما اكثر من اخواتها وهي تكتب لهم
"سلاموز بالموووز"
ردت رؤي "اهلا يختي عامله اي يا كلبه البحر"

ردت رزان"فل الفل واحب الكل وكله تماام"

ردت فاطمه" يا رب دايما يا جزمه"

ردت رزان"حبيبي يسطا" ثم قالت "وانتو عملين ايه يا بقر"
ردوا مع بعض"تمام الحمدلله "

وبعد السلامات والتحيات المعتاده قالت فاطمه موجّه كلامها لرزان
" بت انتي مش ناويه تظبطي نومك ده بقي"

ردت رؤي"مين دي الي تظبط نومها يا بنتي دي غيبوبه مهما تعملي مش هتظبطه"

ردت رزان علي رؤي"مع اني بتهزق هنا بس جبتي من الاخر يا بت انا فعلا مهما بعمل مش بيتظبط"

وقعدوا يضحكوا ثم قالت رزان "طب هروح انا اشوف ورايا ايه"
وقفلت الهاتف وهي تجلس عل سريرها في شرود تفكر في حياتها القديمه وما مرت بيه من عقبات في فتره مراهقتها من حب طفولتها وأهلها ودراستها وكيف أستطاعت أن تحقق أحلامها وفي تلك اللحظه قررت أن تكتب قصتها كي يتعلم منها كل من كان في سنها ومر بما مرت به فهي الأن قد نضجت وتمت عمرها 23 من عده اشهر واستوعبت مقدار اخطائها في فتره مراهقتها اخذت هاتفها وبدأت تكتب قصتها وهي تتذكر
Flash Back
"انتي بتتكلمي بجد!!؟"

ردت رزان" زي ما بقولك كده يا رؤي روحي قوليله أني بحبه! "

___________________________________________
تم بحمد الله الفصل الاول
بقلمي«رهف»
استودعكم الله والي اللقاء في الفصل الثاني❤