أحلامي

"عوده"

رزان: "مريوم!!!؟"

انقضت رزان علي مريم وهي تحتضنها بقوه وتبكي

رؤي: "انا عايزة اعرف ايه كميه المريمات الي عندك دي صحبتك اسمها مريم وبنت عمك اسمها مريم و ادي بنت خالتك اهي اسمها مريم بردو كفايا مريم لغبطيني ايه العيله الي مش بتنوع في الاسماء دي؟ "

لم تجب رزان عليها لانها كانت في عالم موازي فلقد اشتاقت لابنة خالتها التي سافرت الي السعوديه بعد زواجها من شاب مصري ويعمل في السعوديه ويأتي الي مصر كل عام في موعد اجازته لزياره عائلته واصدقائه ويمكث بضعه اشهر ويعود...ومن يوم زواجهما من 9 سنوات عندما كانت رزان تبلغ نن العمر 14 عاماً لم يعودا بسبب تنقلهم من مدينه لاخرى بعد ما وجد "مؤمن" زوجها عملاً جديدا في مدينه اخرى.، سكنت رزان بين زراعي مريم فهي الان بين يدا امينه.. هي الان في حضن امها الثانيه واختها وصديقتها الي ربتها علي يدها وتربت معاها لسنوات عديده

بدات رزان بالاندماج معهم في الحديث بعد صمت طويل حل عليها

مريم:"ايه اخبار الكليه يا فنانه"

رزان: "زي الفل الحمدلله الدَكتره كلهم بيقولوا اسمي غلط بس خلاص جاتلي مناعه"

مريم بضحك: " ناس مدرستش عربي قبل كده مبياخدوش بالهم ازاي أن رزان جايه من الرزانه فيقولها صح؟ "

رزان: "يلا حصل خير"

مريم وهي تشير علي يوسف: "والحلوف ده عامل ايه معاكي؟ "

رزان بتمثيل محترف: "مطلع عيني وكل شويه يزعقلي ويتعصب عليا لما ادايق يقول عليا نكديه ومش راضي يجيبلي شوكولاته مندولين بخيل جلده"

يوسف من الصدمه فتح فمه ولم ينبس ببنت شفه

مريم: "هربهولك من الاول متقلقيش"

نظر لها يوسف بعدم تصديق وقال: "ايوه ايوه ايوه هربيني"

ضحكوا جميعا واكملوا حديثهم ومزاحهم..، لم يجسلوا كثيرا وغادروا وعادوا الي الشقه.. دخلت رزان الغرفه وبدلت ملابسها ورمت نفسها علي السرير وبدات تكتب علي هاتفها ذكره جديده

Flash back
فاطمه: "هو انتي هتفضلي كل شويه انتي الي تبدأي كلام معاه؟"

رزان: "طب عيزاني اعمل ايه انتي عارفه انه مش بيعرف يبدأ كلام ولو قعدت استنهاه من هنا لسنه الجايه مش هيبدأ بردو"

فاطمه: "خلاص نستنهاه للسنه الجايه وماله علي الاقل لما تيجي تعاتبيه انه مش بيسأل ميبقاش ليه حجه"

رزان: "محساسني اننا مجربناش قبل كده ما انا ياما عملت كده وانتي شوفتي بنفسك ولا عبرني ولا اتكلم وبتخانق معاه وبردو بيفضل زي ما هو"

فاطمه: " ما انتي لو تسمعي كلام نص الكره الارضيه الي لسانها ادلدل وهي بتقولك سيبك منه وبطلي تحبيه وخلي عندك شويه كرامه مكنتش ده بقا حالنا"