أحلامي

"اعتراف"

رزان: "اسيل؟"

ردت رزان علي الهاتف

رزان: "الو يا ايسو عامله ايه؟"

اسيل: "الحمدلله تمام، بقولك"

رزان: "قولي"

اسيل: "دكتور ادهم عايزنا بكره ضروري ضروري هو كان كاتب علي الجروب بس طبعا علشان عارفه انك مش بتفتحيه كتير جيت اقولك"

رزان: "حبيبتي يا ايسو تسلميلي ربنا يباركلك يا رب، احب اقولك اني افتكرتك جايه بمصيبه جديده"

اسيل: "هو انا سمعتي سبقاني للدرجادي"

وضحكوا الاثنين واقفلوا المكالمه، واكملت رزان مشروعها، ثم خرجت من غرفتها، لقد حان وقت الازعاج

رزان: "اوووو سطلااناااا سطلانا لانااا سطلانااا"

حمزه:" اووو سطلااانااا"

دينا: "العوض من عندك يارب"

رزان: "ايه يا ماما خليكي فريش كده"

دينا: "بلا فريش بلا بطيخ ادخلي اعملي المطبخ عيزاه بيلمع كده"

رزان: "اهه يا ضهري يا بطني ياناا"

دينا: "اوئي من هنا لبكره دماغي ورجلي وفشتي وكليتي وبردو هتعملي المطبخ"

رزان: " انتي ام انتي"

دينا: "غصب عنك"

حمزه: "الحق اهرب انا بقا"

امسكت به دينا من قفاه وهي تقول له: "لا يا حبيبي هتنزل تجيب اخوك من الشارع بيلعب كوره مع العيال تحت"

حمزه: "حاااضر"

نزل حمزه ودخلت رزان لتنظيف المطبخ ونادت علي زهراء لتساعدها في الاشياء الصغيرة، رأهما ابوهما وهو خارج من البيت

احمد: "ياااا من الاوقات القليله اوي الي بحس فيها انكم بنات"

زهراء: "حضرتك قصدك ايه ما احنا بنات"

احمد: "انا قصدي سايبين التلفون وبتعملوا حاجه من شغل البيت"

رزان: "بالمختصر المفيد كده يا زهراء ابوكي بيتريق علينا علشان طول اليوم علي التليفون"

زهراء: "استوعبت"

ذهب احمد للقاء اصداقئه في القهوه، واكملت رزان وزهراء التنظيف
في مكان اخر عند يوسف في عمله، صوت طرق احدهم باب المكتب فسمح له يوسف بالدخول، دخلت السكرتيره واغلقت الباب