Unicode
2023 ခုနစ် ဖေဖဝါရီလ အစောပိုင်းကာလ
မနေ့ညကတည်းက သည်းထန်စွာရွာနေသောမိုးတွေက ယနေ့မနက် ရောင်နီထွက်ချိန်ရောက်တာတောင် ဇွဲကောင်းစွာရွာတုန်းပင်
မုန့်တိုင်းရှိတယ်ဆိုသော သတင်းအား မနေ့ကမိုးလေဝသကြေငြာချက်မှ ကြားလိုက်ရသည်ကို အခုမှပြန်အမှတ်ရသွားသည် အပျင်းကြောကိုဆန့်ကာကုတင်ခြေရင်းတွင်လျှောကျနေသော စောင်ကိုပြန်ဆွဲယူပြီး မျက်နှာဖော်ရုံအထိဆွဲခြုံလိုက်သည်
မိုးရွာတဲ့နေ့တွေဆို အလုပ်မဆင်းချင်ဘူး
အမှန်တိုင်းပြောရရင် ခါတိုင်းရှိနေကျအနွေးဓာတ်လေးဘေးမှာမရှိနေတာကြောင့် ဂယူအိပ်ယာထဖို့ပင် အတော်အပျင်းကြီးနေတာပင်
ပြတင်းပေါက်ပိတ်ထားသော်လည်း လိုက်ကာပိတ်မထားတာကြောင့် ပြတင်းပေါက်မှန်ပေါ်ကို ကျနေတဲ့မိုးရေစက်တွေကို ဂယူအတိုင်းသားလှမ်းမြင်နေရသည်
ကုတင်ဘေးရဲ့ ညမီးအိမ်တင်ထားတဲ့ စားပွဲပေါ်က ဖုန်းကိုဂယူလှမ်းယူလိုက်သည်
ဖုန်း Screen ကိုဖွင့်လိုက်တာနဲ့ ပေါ်လာတာက အပန်းရောင် hoodie လေးနဲ့ သူ့ကိုစိတ်ကောက်နေတဲ့ယုန်ပေါက်လေး ဒီပုံလေးကိုမှတ်မှတ်ရရ ယူဂျင်းနဲ့သူချစ်သူဖြစ်ခါစ ယူဂျင်းကိုမပြောမိဘဲဂယူခရီးသွားလိုက်လို့ ဂယူကိုစိတ်ကောက်နေတုန်းက အမိအရိုက် ရိုက်ပြီးသိမ်းထားမိတာပင် ဂယူဖုန်းဆို တော်ရုံမကိုင်တတ်တဲ့ ယူဂျင်းကလည်း အခုထိ သူ့ရဲ့ဒီ snap ပုံလေးကို wallpaper ထားထားတာကိုပင် မသိ
အားး ဒီနေ့ကျမှဘာလို့အဲ့လောက်တောင် လွမ်းနေရတာလဲ
ယူဂျင်းက မနေ့ကမနက်ကပင် သူ့ရဲ့ တစ်ဦးတည်းသောအဒေါ်ဖြစ်သူက ကျန်းမာရေးမကောင်းတာကြောင့် သတင်းမေးဖို့ အင်ချွန်းကိုပြန်သွားတာဖြစ်သည် ဆိုလ်းနဲ့အင်ချွန်းနဲ့ကရထားနဲ့ဆိုတစ်နာရီကျော်လောက်နဲ့ရောက်တဲ့ခရီးပင်
ယူဂျင်းမိဘတွေဆုံးပြီးတော့ ငယ်ငယ်လေးကတည်းက ယူဂျင်းကိုဂရုစိုက်လာတဲ့ အဒေါ်ဆိုတော့ ယူဂျင်းလည်းလုပ်စရာအားလုံးကိုပြစ်ကာ အပြေးပြန်သွားတာကြောင့် ဂယူမှာအလွမ်းသယ်ချိန်တောင်မရလိုက်
YOU ARE READING
SCAMMER
أدب الهواة'ရုတ်တရက် ခင်ဗျားကိုသတိရလာရင် ဘယ်လိုလုပ်မလဲ' 'လွမ်းလွန်းလို့ပြေးတွေ့ချင်လာရင်ကော' 'အဲ့အချိန်ကျ ကျနော်သေလိုက်မှာ'
