في بيت عائلة ابو فهد/
في حوش البيت عالساعه ٥ ونص...
ابو فهد: يام فهد وين القهوه
ام فهد: يلا جهزت، ام فهد وهي تناظر الهنوف وهي تسوي حلا العصر كالعاده
الهنوف ماحطيتي التمر فالصحن لأبوك؟
الهنوف: لا باقي يايمه بس اخلص هالطبقه واحطه
ام فهد وهي تبتسم: ياحبك للطبخ الله يديمه يارب بحطه انا التمر وانتي اخلصي الحلا مشتهتيه حلاك عاد مافيه مثله
الهنوف ابتسمت: ابشري يايمه مسويته عشان اصلا
ام فهد ابتسمت وراحت تحط القهوه لابو فهد..
جاء حامد وهو رافع صوته: وين وديتو شراباتي دورتها بكل مكان ولا لقيتها يايمه
ابو فهد وهو معصب يكره الاصوات العاليه: لاترفع صوتك ياولد دورها وين بتروح يعني
حامد بخوف وهو ماكان يدري ابوه موجود:ابشر يايبه وبروح... قاطعته ام فهد: يايمه انا حطيتها بالغسيل شدراني انك تبيها
حامد:معليه يايمه بلبس غيرها
ابو فهد: لو قلت من قبل لاتسوي كل هالصجه فاهم
حامد: ابشر يبه، وراح لغرفته..
نجي عند عائله ابو ناصر بنفس الوقت:
كانت ريماس بالمجلس تتابع مسلسلها الي يجي كل عصر وريوف قاعده فالمجلس وتكتب رسايل وعبارات ويشربون شاهي دخل ناصر البيت
ناصر وهو ينادي ريماس: ياريماس شوفي فيه احد بالمجلس ولا لا بتجي دلال
ريماس فرحه:لا مافيه احد تعالو
دخلو ناصر وزوجته دلال وولدهم مازن المجلس
جت تركض ريوف
ريوف:هلا والله احلى من جاء وتبتسم مع دلال
دلال تبتسم:هلاوالله فيك الا عمتي ام ناصر وينها؟
ريماس وعندها مازن تمزح معاه:نزلت للسوق الحينه تجي كان ناقص اغراض فالبيت
ريوف:خير ريماس وليه ماقلتي لي ابيها تجيب لي ايسكريمي المفضل!
ريماس:مالي دخل،ياورع مازن وخر عن التلفزيون بتابع
وكانو قاعدين يسولفون ويضحكون ريوف ودلال وريماس وناصر راح للمجلس الثاني الي يجتمعون فيه الاولاد والرجال
ناصر بأستغراب:سعد شجابك هنا نايم ليه مو فبيتك؟
سعد وهو على التلفزيون تو صاحي:والله وديت سلمى لبيت اهلها من زمان عنهم وبكره برجع اخذها
ناصر وهو يضحك:اها بس اعترف وحشتك صح
سعد:يالليل اكيد بتوحشني تراها زوجتي يعني اذلف بتابع
ناصر راح قعد وهو يضحك
فالسوق عند ام فهد
ام فهد ومعاها البطيخ هذا على كم ياوليدي؟
والله ياخاله ب١٠ بس خذيه بكم انتي تبينه
ابتسمت ام فهد وتعرف الكل يحبها ويغليها ماتقصر ياوليدي واشترت الي تبيه ورايحه تمشي صادفت ام ناصر تشتري وراحت لها
ام ناصر: اخبارك يام ناصر من زمان ماتقابلنا
ابتسمت ام فهد:هلا والله الحمدلله والله وانتي اي والله من زمان ماطلعت للسوق عشان نتقابل
ام ناصر : اي والله الا شصار على سعود ان شاءالله ابوه مو ناوي يزوجه
ام فهد:الا والله امس قايلي دوري بنت من بنات الديره نزوجها سعود بس اكيد انا ماوافقت ندري سعود اذا قال شي ماينكرر ماهو ناوي يتزوج غير ريوف
ام ناصر:لا اله الا الله شنسوي فيهم ماهم راضين يتسامحون وكل مافتحت الموضوع مع ابو ناصر يقفله
ام فهد تنهدت بضيق:ايوالله نفس ابو فهد مايفيد معهم شي
ام ناصر: يلا انا رايحه تأخرت على البيت لاتنسين تدقين علي اذا صار شي
ام فهد: يلا سلامتك ابشري
راحت ام ناصرللبيت
نجي عند سعود الي كان قاعد مع فيصل وفارس بالاستراحه الي كانو عيال الديره يحسبون محد يجيها بس العيال العم كانو يجونها عشان يجتمعون ولا احد يدري عنهم
فارس وهو يكلم فيصل:كلمت العيال يجون ولا لا؟
فيصل:ايه كلمتهم يقولون جايين، الا سعود شفيه يفكر ولا هو معنا
فارس:ماتعرفه انت تلقاه يفكر بريوف مايفيد معاه عجز ينساها
فيصل:اي صح للحين عنده امل شوف شوف وش بسوي فيه، صارخ سعود سعود ريوف جايه شووووف
سعود فز وقام من مكانه ووجهه برد:هاه كيف جت وينها وينها ووش عرفها بالمكان!
فارس وهو يضحك: وانت مصدق انها جت اصلا كيف بتجي وبعدين شفنا كيف فزيت لما سمعت اسمها
سعود:الله يخرش بليسكم خرشتوني اص انت وياه غيرو الموضوع
وقعدو يضحكون
دخلو حامد وفهد للاستراحه
حامد: وش تضحكون فيه علمونا بنضحك
فهد:اي علمونا
سعود: هالاغبياء ماعندهم سالفه مسوين يمقلبوني
فارس:بس والله ضحكنا من ردة فعلك
فهد:علمونا وش مقلبه
سعود:معليك منهم الا ماشفتو ناصر وسعد ماجوو؟
فهد:الا شايفينهم من بعيد جايين
دخلو ناصر وسعد الاستراحه
فيصل:اخيرا مابغيتو اشتقنا لجمعاتنا السريه هذي
سعود: ياغبي اذا انقفطنا تعرف كيف تشتاق لهم
ضحك سعد وقال: ايوالله صادق الا كيفكم شمسووين
سعود: ابد والله الحمدلله وقال بصدره وكيف ريوف وبعدين اكتشفت انه قالها بصوت عالي ولقاهم كلهم يناظرون فيه
ناصر: مشاءالله عليك شلون ريوف اجل
فارس:قلتت لكم مانساهاا شفتو كيف
سعود بارتباك: متى قلتها انا ماقلت كذا يتهيئ لكم
حامد: يعني كلنا يتهيئ لنا والي سمعناه ايش كلنا
فهد: خلاص غيرو الموضوع شفيكم عليه
سعود: شفت كيف يتهموني
سعد وهو يقرب من سعود بأستهبال يقول:ترا ريوف امس طاحت على رجلها ووديناها المستشفى تدري
سعود قال بصوت عالي وبخوف: ايييييشش! كيييفف
وكلهم التفتو لهم وقال فهد: شفيك ووش الي كيف
سعد: لا ولاشي نمزح مع بعض وراح همس باذنه وتقول نسيتها هاه
سعود: ماقلت نسيتها اي وللحين احبها ومستحيل اتخلى عن هالشي خلاص ارتحت وراح طلع برا
وكلهم استغربو وناظر حامد وقال لسعد: شفيه وين راح
سعد: مدري بروح اشوفه
وطلع سعد ولحق سعود....
_________________
- انتهى البارت لهنا
- شرايكم بالبدايه وعطوني رأيكم🙏🏻
