ريوف بصارخ اللي كانت متحمسه وبتشوف الرسمه اخيرا الي راسمها لها: والله لاوريك يامازن مابخليييكك
جو البنات لغرفتها ولما شافتهم بسرعه شالت الرسمه وحطتها وراها
ريماس: شفيك تصارخين!
دلال: فيك شي؟
ريوف: لا ولاشي مافيني شي بس كنت امزح مع مازن
ريماس: خرشتيني حسبنا فيك شي
ريوف: لا ولاشي وش بيكون فيني
وراحو للصاله كلهم وقعدو يسولفون...
جاء الليل والكل فبيته عادتهم بعد صلاه العشاء محد يطلع برا
عند بيت ابو فهد كان البيت هدوء والكل بغرفته بينامون عند غرفه سعود وحامد:
حامد: نمت؟
سعود: لا ماجاني نوم
حامد: حتنى شرايك نروح السطح ونسوي شاهي؟
سعود: يلا قدام وننادي الهنوف ومرام اذا صاحين
حامد: يلا انا بروح اشوفهم وانت روح سو الشاهي
سعود: يلا
راح حامد لغرفة الهنوف ومرام فيه احد صاحي؟
الهنوف: اي انا ماجاني نوم ليه
مرام: حتنى وقاعده اتابع مسلسل
حامد: بنروح السطح ونسوي شاهي انا وسعود تجون؟
الهنوف: يلااا قدااامم
مرام: مابي اجي معكم سوالفكم سامجه بكمل اتابع مسلسلي
حامد: دزي اصلا انا قلت للهنوف تجي مابيك
مرام: زين يلا برا بكمل اتابع
طلعو الهنوف وحامد وراحو للسطح لقو سعود هناك ومسوي شاهي وحاط مكسرات وفصفص ينقنقون عليهم
الهنوف: الله جوي بس كان قلت لي انا اسويه الشاهي ماتعرف تضبطه انت
حامد: اي والله ليتك سويتيه
سعود : الشرهه علي انا الي سويت لكم واخر شي ماتقدرون وتسبون الشاهي حقي! اجل اذلفو انا اشرب لحالي روحو سوو انتو
الهنوف وهي تضحك: شدعوه ماحد يمزح معاك اعشق الشاهي حقك والله
حامد يضحك: اي صادقه بس خلنا نشرب نمزح نمزح
سعود: ان شاءالله كذا وقعد يصب الشاهي لهم
الهنوف: ايوا سعود شصار معك انت وريوف
سعود قمز وصب الشاهي على يده لما سمع اسمها
حامد وهو يضحك: اوف ل هدرجه اسمها يخليك كذا عاد كيف هي
سعود: ياربي منكم محد يقعد معكم وماسك يده محروقه
الهنوف تضحك: اح يددك اجيب معجون تحط عليها؟
سعود: مو لازم ماتوجع
قعدو يسولفون للساعه 2 الليل ولا حسو بالوقت
حامد: اوف الساعه 2 وحنا مانمنا ياوييلنا من ابوي
سعود: اما 2 يلا نروح ننام خلاص زودناها بكره نكمل
الهنوف: اي يلا
وشالو الاغراض وكل واحد راح لغرفته ونامو بسرعه اما سعود كالعاده يقعد يفكر بريوف وكيف لما احد يقول اسمها يفز ولما سعد قال يمكن احد يجي يخطبها ويحاول يشيل الفكره من راسه لان مايدري صدق يمكن يجي احد وهو مايقدر يسوي شي! لان مين هو اصلاً ويدري ابوه لو يصير الي يصير مايزوجه ريوف ابدا وبعدين جاه فلاش باك لما كانو صغار
كانو فالشارع يلعبون كلعاده كل عصر:
سعود: ريوف
ريوف بخجل: هلا سعود
سعود: تدرين اني احبك واني اذا كبرت بتزوجك تدرين صح؟
ريوف ارتبكت وابتسمت بخجل
سعود: ومابتصيرين لغيري لو يصير الي يصير وادري انك تحبيني صح
ريوف ابتسمت: اي احبك انا واذا كبرت مابصير لغيرك ولا اوافق لاحد ثاني
سعود: ابتسم وحضنها وهي حضنته وكانو يبتسمون لبعض
انتهى الفلاش باك...
سعود قعد يبتسم ونام..
جاء الصباح فبيت ابو ناصر..
ام ناصر: ياميلان ودي السفره
ميلان وهي مالها خلق ومصحينها غصب: طيب يمه
ام ناصر: شاطره بنتي
ابتسمت ميلان وراحت توديها
ريماس: يمه الحين سلمى بأي شهر؟
ام ناصر: بالشهر الثالث
ريماس: طيب وماتحدد جنس الجنين ايش
ام ناصر: لا باقي يطلع بالشهر الرابع ولا الخامس
ريماس: اوف تووها نبغى بنتتت يارب
ام ناصر: الله يعلم ماندري ايش واحمدي ربك
ريماس: اي صح الحمدلله طيب بيجون اليوم؟
ام ناصر: والله مادري عنهم، ريوف ماصحت؟
ريماس: مدري بروح اشوفها
راحت ريماس للغرفه وتشوفها
كانت تو طالعه من الحمام متروشه
ريماس: متى صحيتي؟
ريوف: تو الحين ودخلت اتروش الا اسمعي عندي فكره
ريماس: ايش هي
ريوف: صح حنا من زماان ماتقابلنا حنا والبنت شرايك نكلم ابوي ونقوله بنقابلهم اكيد مابيقول شي يعني بنات عمنا ومن حقنا نشوفهم صح
ريماس: اييي حتى اشتقت لمرام من زمان ماشفتها
ريوف: خلاص اجل بنكلم ابوي بالفطور
ريماس: يلا ترا الفطور جاهز تعالي
ريوف: يلا جايه بمشط شعري
ريماس: يلا
قاعدين يفطرون وريوف وريماس يناظرون ببعض وكل وحده تقول يلا تكلمي
ريوف: يلا رموس قولي له
ريماس: لا انتي تكلمي
ابو ناصر بأستغراب شفيكم تتهامسون
ريوف: شسمه يبه تدري حنا والبنات علاقتنا حلوه ومنزمان ماتقابلنا واشتقنا لهم ودي نروح لهم ونقابلهم
ريماس: اي حتى مرام من زمان ماشفتها ومشتاقه لهاا مررره
ابو ناصر: شوفو يبنات تدرون علاقتي بعمكم قاطعته ام ناصر وقالت: خلهم يروحون يتونسون تراهم بنات عم مو لازم تمنعهم عشان هوشتكم حرام
ابو ناصر: خلاص روحو بس ساعتين وترجعون فاهمين!
ريوف وريماس ابتسمو فرحانين ريوف: خلاص يبه احببك
ابو ناصر ابتسم وكملو فطورهم
بعد الفطور كانو البنات بالغرفه يختارون وش يلبسون
ريماس: اوف صحح نسيت اقولهم ماراسلتهم
ريوف: شتنتظرين!
ريماس: يلا بكلمهم الحين
بالمحادثه:
قروب بنات العم
ريماس: بناتتت بناتتت
الهنوف: شفيه شسالفه
بسمه: هلا والله شفيك
ريماس: فرحانننه انااااا
الهنوف شصاير يابنت علمينااا
مرام: شفيه
ريماس: قلنا لابوي بنقابل البنات ووااافققق
بسمه: اما
الهنوف: ايشش! تمزحينننن
ريوف: والله كلمناه وقلنا من زمان عنهم وحرام تمنعنا ووافق قال خلاص تروحون لهم العصر ونااسسه
مرام: اخيررراً وافق اخيراً
بسمه: صدق اخيرا
الهنوف: وناسه بروح اجهز الاغراض
ريوف: يلا وعاد سووي الحلا حقك المشهور بذوقه
الهنوف: من عيوني وش تبين بعد
ريوف ردت بأيموجي
خلصت المحادثه..
ريوف: اووف وش البسس من زمان ماشفناهم لازم اكششخ
ريماس: حتنى محتاررره
ريوف: شوفي وش رأيك بذا البنطلون الابيض والبلوزه ذي البني
ريماس: يجننن مره وانا بلبس ذا الجمسوت الابيج
ريوف: بيطلع يجنن
ريماس: ايي مره
تسريع الاحداث- الساعه ثلاثه العصر..
الهنوف: خلصت كل شي اوف تعبب
سعود دخل المطبخ بأستغراب: شتسوين الاكل ذا كله لمين!
الهنوف: بنات عمي عبدالله بيجون وبسمه وناسه عمي وافق
سعود برد وجهه وابتسم: كيف بيجون وعمي كيف سمح!
مرام:والله يقولون اقنعوه ووافق
سعود: خلاص زين بس بقو لي من الاكل بروح المجلس
الهنوف: ابشر
نجي عند ريوف وريماس...
ريوف كانت حاطه مكياج ناعم ومفيره شعرها الي يجي وسط ظهرها ولابسه بلوزه بني بدون يدين وماسكه عليها وبنطلون ابيض ماسك من تحت عريض ولابسه كعب شفاف
ريماس دخلت الغرفه: ووواو متاكده هذي اختي!
ريوف ابتسمت: شدعوه لاتبالغين
ريماس: والله طالعه تهبلييين مره
ريوف: حتى انتي والله يجنن علييك اللبس
ريماس ابتسمت: خلاص مايليق المدح
ريماس كانت لابسه جمسوت بيج وشعرها ستريت وحاطه مكياج خفيف
ام ناصر: مشاءالله تبارك الله على بناتي وتبخرهم
ريوف ابتسمت: يمه انتي مو رايحه معانا؟
ام ناصر: ودي والله بس ابوك مو راضي ومو رايح مكان بقعد عنده روحو انتو انبسطو
ريماس: خساره حتى انتي من زمان ماشفتي خاله سميه
ام ناصر: شنسوي عاد يلا انتو البسو عباياتكم وبخلي سعد يوصلكم
ردو البنات: ابشري يمه
_____________
انتهى البارت لهنا
عطوني رأيكم والبارت الجاي بتكون فيه احداث قووييه وبتعجبكم🫶🏻
